Click it and Unblock the Notifications
MUST READ
-
-
-
-
-
-
ନିର୍ବାଚନ ଆଗରୁ ପଞ୍ଜାବ ସିଏମ ଚରଣଜିତ ସିଂହ ଚନ୍ନୀଙ୍କ ପୁତୁରା ଭୁପିନ୍ଦର ସିଂହଙ୍କ ଘରେ ଇଡି ଚଢାଉ, ଏହି ମାମଲାରେ ଆସିଛି ନାଁ
ପଞ୍ଜାବରେ ବିଧାନସଭା ନିର୍ବାଚନ ମୁଣ୍ଡ ଉପରେ । ଏହି ସମୟରେ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନୀଙ୍କ ପୁତୁରା ଭୁପିନ୍ଦର ସିଂହ ହନିଙ୍କ ଉପରେ ଇଡ଼ି ଚଢାଉ କଂଗ୍ରେସର ସମସ୍ୟାକୁ ବଢାଇ ଦେଇଛି ।
ଚଣ୍ଡିଗଡ଼ : ପଞ୍ଜାବରେ ବିଧାନସଭା ନିର୍ବାଚନ ମୁଣ୍ଡ ଉପରେ । ଏହି ସମୟରେ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନୀଙ୍କ ପୁତୁରା ଭୁପିନ୍ଦର ସିଂହ ହନିଙ୍କ ଉପରେ ଇଡ଼ି ଚଢାଉ କଂଗ୍ରେସର ସମସ୍ୟାକୁ ବଢାଇ ଦେଇଛି । ରାଜ୍ୟରେ ବିଧାନସଭା ନିର୍ବାଚନର ଏକ ମାସ ପୂର୍ବରୁ ବେଆଇନ ବାଲି ଖନନକାରୀଙ୍କ ବିରୋଧରେ ମନି ଲଣ୍ଡରିଂ ଯାଞ୍ଚର ଏକ ଅଂଶ ଭାବରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ପଞ୍ଜାବର ବିଭିନ୍ନ ସ୍ଥାନରେ ଚଢାଉ କରିଥିଲା । ଏହି ସମୟରେ ମୋହାଲିରେ ଭୁପିନ୍ଦର ସିଂହ ହନିଙ୍କ ଘରେ ମଧ୍ୟ ଚଢାଉ କରାଯାଇଥିଲା ।
ପ୍ରାପ୍ତ ସୂଚନା ଅନୁଯାୟୀ ପଞ୍ଜାବର 10 ରୁ 12 ଟି ସ୍ଥାନରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଅଧିକାରୀମାନେ ଚଢାଉ କରିଛନ୍ତି । ମନି ଲଣ୍ଡରିଂ ଆକ୍ଟ (PMLA) ର ବ୍ୟବସ୍ଥା ଅନୁଯାୟୀ ଏଜେନ୍ସି ଏହି ପଦକ୍ଷେପ ନେଇଛି ।
ସୂଚନାଯୋଗ୍ୟ, ପଞ୍ଜାବରେ ଫେବୃଆରୀ 20 ରେ ବିଧାନସଭା ନିର୍ବାଚନ ହେବ ଏବଂ ମାର୍ଚ୍ଚ 10 ରେ ପଞ୍ଜାବର ଫଳାଫଳ ଘୋଷଣା କରାଯିବ । କଂଗ୍ରେସ ନେତା ତଥା ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନୀଙ୍କ ସମ୍ପର୍କୀୟ ଭୁପିନ୍ଦରଙ୍କ ଉପରେ ହୋଇଥିବା ଏହି କାର୍ଯ୍ୟାନୁଷ୍ଠାନ ତାଙ୍କ ଭାବମୂର୍ତ୍ତି ଉପରେ ପ୍ରଭାବ ପକାଇପାରେ ।
କଂଗ୍ରେସ ଏବଂ ଅନ୍ୟ ବିରୋଧୀ ଦଳ ବାରମ୍ବାର ବିଜେପି ନେତୃତ୍ୱାଧୀନ କେନ୍ଦ୍ର ଉପରେ ଇଡି ଏବଂ ସିବିଆଇ ଭଳି କେନ୍ଦ୍ରୀୟ ଅନୁସନ୍ଧାନ ଏଜେନ୍ସିର ଅପବ୍ୟବହାର ଏବଂ ସେମାନଙ୍କ ବିରୋଧୀଙ୍କ ସ୍ୱରକୁ ଦମନ କରୁଥିବା ଅଭିଯୋଗ କରିଛନ୍ତି । ପଶ୍ଚିମବଙ୍ଗ ବିଧାନସଭା ନିର୍ବାଚନ ସମୟରେ ମଧ୍ୟ ସିବିଆଇ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀଙ୍କ ବିରୋଧରେ ସିବିଆଇ କାର୍ଯ୍ୟାନୁଷ୍ଠାନ ଗ୍ରହଣ କଲାବେଳେ ମଧ୍ୟ ସମାନ ଘଟଣା ଦେଖିବାକୁ ମିଳିଥିଲା । ଏଥି ସହିତ ଗତ ମାସରେ ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଅଭିଯୋଗ କରିଥିଲେ ଯେ ରାଜ୍ୟର ସମସ୍ତ କଂଗ୍ରେସ ବିଧାୟକ ବେଆଇନ ବାଲି କାରବାରରେ ଲିପ୍ତ ଅଛନ୍ତି । କ୍ୟାପଟେନ ଅମରିନ୍ଦର ସିଂ ଦାବି କରିଛନ୍ତି ଯେ ସେ ଏହି ବ୍ୟବସାୟରେ ଜଡିତ ବିଧାୟକଙ୍କ ବିଷୟରେ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ସୂଚନା ଦେଇଛନ୍ତି ।
