ଆଜି ସରୁଛି ଆର୍ୟନ ଖାନଙ୍କ ରିମାଣ୍ଡ, ଅବଧି ବଢାଇବାକୁ ଆବେଦନ କରିପାରେ NCB
ଏନସିବି ହେପାଜତ ସରିବା ପରେ ବେଲ୍ ପାଇଁ ଆବେଦନ କରିପାରନ୍ତି ଆର୍ୟନଙ୍କ ଓକିଲ । ଅପରପକ୍ଷରେ ଅଧିକ ପଚରାଉଚୁରା ପାଇଁ ରିମାଣ୍ଡ ଅବଧି ବୃଦ୍ଧି କରିବାକୁ NCB ଆବେଦନ କରିପାରେ ।
ମୁମ୍ବାଇ : ଚର୍ଚ୍ଚିତ ଡ୍ରଗ୍ସ ଲିଙ୍କ ମାମଲାରେ ଏନସିବି ହେପାଜତରେ ଥିବା ଆର୍ୟନ ଖାନଙ୍କର ଆଜି ସରୁଛି ରିମାଣ୍ଡ । ଡ୍ରଗ୍ସ ଲିଙ୍କ ମାମଲାରେ ଗିରଫ ଶାହରୁଖ ଖାନଙ୍କ ପୁଅକୁ ଏନସିବି ହେପାଜତକୁ ନେଇଥିବା ବେଳେ ଆଜି ଅବଧି ଶେଷ ହେଉଛି । ଆର୍ୟନଙ୍କ ସହିତ ଗିରଫ ଅନ୍ୟ ଦୁଇ ଜଣଙ୍କର ହେପାଜତ ଅବଧି ମଧ୍ୟ ପୂରଣ ହେଉଛି । ଏନସିବି ହେପାଜତରେ ଥିବା ବେଳେ ଆର୍ୟନଙ୍କ ଠାରୁ ସତ ବାହାର କରୁଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ । ପଚରାଉଚରା ବେଳେ ନିଜେ ଡ୍ରଗ୍ସ ବ୍ୟବହାର କରିବା ମାନିବା ସହିତ ଅନେକ ଗୁମର ଖୋଲିଛନ୍ତି ଶାହାରୁଖଙ୍କ ପୁଅ । ଆର୍ୟନଙ୍କ ମୋବାଇଲ୍ ଚାଟରୁ ଗୁରୁତ୍ୱପୂର୍ଣ୍ଣ ତଥ୍ୟ ପାଇଛି ଏନସିବି । ତାଙ୍କ ବିରୋଧରେ 2 ଟି ପ୍ରମାଣକୁ ଆଧାର କରି ମାମଲା ଚାଲିଛି ।
କ୍ରୁଜ୍ ପାର୍ଟିରେ ଆର୍ଯ୍ୟନଙ୍କୁ ଆମ୍ବାସାଡର କରାଯାଇଥିବା ମଧ୍ୟ ଜଣାପଡିଛି । ସେ ଡ୍ରଗସ୍ ବ୍ୟବସାୟୀଙ୍କଠାରୁ ଡ୍ରଗ୍ସ ଓ ନିଶାଦ୍ରବ୍ୟ ପାଉଥିବା ସ୍ପଷ୍ଟ ହୋଇଛି । ଆଜି ଏନସିବି ହେପାଜତ ସରିବା ପରେ ବେଲ୍ ପାଇଁ ଆବେଦନ କରିପାରନ୍ତି ଆର୍ୟନଙ୍କ ଓକିଲ । ଅପରପକ୍ଷରେ ଅଧିକ ପଚରାଉଚୁରା ପାଇଁ ରିମାଣ୍ଡ ଅବଧି ବୃଦ୍ଧି କରିବାକୁ NCB ଆବେଦନ କରିପାରେ ।
ସେପଟେ ରେଭ ପାର୍ଟି ରେଡ ବେଳେ ଗିରଫ ଦୁଇ ଓଡ଼ିଆଙ୍କ ନିକଟରୁ ଜବତ ହୋଇଥିଲା ଚରସ, ଡ୍ରଗ୍ସ, ଗଞ୍ଜେଇ । ଉଭୟ ପାର୍ଟିକୁ ନିଶାଦ୍ରବ୍ୟ ଯୋଗାଉଥିବା କହିଛି ଏନସିବି । ସେପଟେ ଗିରଫ ଦୁଇ ଓଡ଼ିଆ ମନୀଷ ଏବଂ ଅଭିନକୁ ଫସାଇ ଦିଆଯାଇଥିବା ଅଭିଯୋଗ ଆଣିଛନ୍ତି ଉଭୟଙ୍କ ବାପା। ମାମଲାରେ ବର୍ତ୍ତମାନ ସୁଦ୍ଧା 16 ଜଣ ଗିରଫ ହୋଇଛନ୍ତି।
Click it and Unblock the Notifications
Sign in with Google