ଚାରା ଘୋଟାଲାରେ ପୁଣି ଦୋଷୀ ସାବ୍ୟସ୍ତ ହେଲେ ଲାଲୁ ଯାଦବ
ଚାରା ଘୋଟାଲା ମାମଲାରେ ସିବିଆଇର ସ୍ୱତନ୍ତ୍ର କୋର୍ଟ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କୁ ଡୋରାଣ୍ଡା ଟ୍ରେଜେରୀରୁ ବେଆଇନ ପ୍ରତ୍ୟାହାର ମାମଲାରେ ଦୋଷୀ ସାବ୍ୟସ୍ତ କରିଛନ୍ତି ।
ପାଟନା : ଚାରା ଘୋଟାଲା ମାମଲାରେ ସିବିଆଇର ସ୍ୱତନ୍ତ୍ର କୋର୍ଟ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କୁ ଡୋରାଣ୍ଡା ଟ୍ରେଜେରୀରୁ ବେଆଇନ ପ୍ରତ୍ୟାହାର ମାମଲାରେ ଦୋଷୀ ସାବ୍ୟସ୍ତ କରିଛନ୍ତି । ମଙ୍ଗଳବାର ସକାଳେ ଲାଲୁ ପ୍ରସାଦ ଯାଦବ କୋର୍ଟରେ ପହଞ୍ଚିଥିଲେ । ଏହି ମାମଲାରେ ଲାଲୁ ପ୍ରସାଦ ଯାଦବଙ୍କ ସମେତ 110 ଜଣ ଅଭିଯୁକ୍ତ ଅଛନ୍ତି । ଶୁଣାଣି ପୂର୍ବରୁ ଲାଲୁ ପ୍ରସାଦ ଯାଦବ ରାଞ୍ଚିରେ ପହଞ୍ଚିଥିଲେ ।
ଆପଣଙ୍କୁ କହିରଖୁଛୁ 29 ଜାନୁୟାରୀରେ ଏହି ମାମଲାରେ ପ୍ରତିରକ୍ଷା ପକ୍ଷରୁ ଯୁକ୍ତି ସମାପ୍ତ ହେବା ପରେ ସିବିଆଇ ସ୍ୱତନ୍ତ୍ର କୋର୍ଟ ଏହାର ନିଷ୍ପତ୍ତି ସଂରକ୍ଷଣ କରିଥିଲେ, ଯାହା ଆଜି ଫେବୃଆରୀ 15 ରେ ପ୍ରକାଶ ପାଇବ ।
ଏହି ମାମଲାଟି ପ୍ରାୟ 23 ବର୍ଷ ପୁରୁଣା । 1990 ରୁ 1995 ପର୍ଯ୍ୟନ୍ତ, ଝାଡଖଣ୍ଡର ଡୋରାଣ୍ଡାଠାରେ ଅବସ୍ଥିତ ଟ୍ରେଜେରୀରୁ 139.95 କୋଟି ଟଙ୍କା ବେଆଇନ ଭାବେ ପ୍ରତ୍ୟାହାର ହୋଇଛି, ଯାହା ଚାରା ଦୁର୍ନୀତିର ସବୁଠାରୁ ବଡ ମାମଲା । ଏଥି ସହିତ, 2021 ମସିହାର ଅଗଷ୍ଟ 7 ରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଯୁକ୍ତି ସମାପ୍ତ ହୋଇଥିଲା ଯେଉଁଥିରେ ସମୁଦାୟ 575 ସାକ୍ଷୀଙ୍କ ବିବୃତ୍ତି ରହିଛି ।
ପ୍ରତିପକ୍ଷ ଓକିଲ ସଞ୍ଜୟ କୁମାରଙ୍କ କହିବାନୁସାରେ, ଲାଲୁ ପ୍ରସାଦଙ୍କୁ ଚାରା ଘୋଟାଲାର 4 ଟି ମାମଲାରେ ଦୋଷୀ ସାବ୍ୟାସ୍ତ କରାଯାଇଛି । ଯେଉଁଥିରେ ଚାଇବାସା ଟ୍ରେଜେରୀରୁ ବେଆଇନ ପ୍ରତ୍ୟାହାରର ଦୁଇଟି ମାମଲା ଥିବାବେଳେ ଦେଓଗର ଏବଂ ଦୁମକା ଟ୍ରେଜେରୀ ମାମଲାରେ ଲାଲୁ ପ୍ରସାଦ ଜାମିନ ପାଇଛନ୍ତି । ପ୍ରାରମ୍ଭରେ 139.35 କୋଟି ଟଙ୍କା ବେଆଇନ ପ୍ରତ୍ୟାହାର ମାମଲାରେ 170 ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଥିଲା । ଏଥିମଧ୍ୟରୁ 55 ଅଭିଯୁକ୍ତଙ୍କ ମୃତ୍ୟୁ ହୋଇସାରିଛି । ସିବିଆଇ ଏହି ମାମଲାରେ 7 ଜଣଙ୍କୁ ସରକାରୀ ସାକ୍ଷୀ କରିଛି । ଏଥିସହ 6 ଜଣ ଅଭିଯୁକ୍ତ ଏବେ ମଧ୍ୟ ଫେରାର ଅଛନ୍ତି ।
Click it and Unblock the Notifications
Sign in with Google