ମୁସେୱାଲା ହତ୍ୟାରେ ସାମିଲ ଥିଲା 19 ବର୍ଷୀୟ ସାର୍ପ ସୁଟର, ଅତି ନିକଟରୁ ମାରିଥିଲା ଗୁଳି

ମୁସେୱାଲା ହତ୍ୟାରେ ସମ୍ପୃକ୍ତ ଥିବା ସାର୍ପ ସୁଟର ଅଙ୍କିତ ସିର୍ସା ଏବଂ ତାର ସହଯୋଗୀ ସଚିନ ଭିବାନୀକୁ ଦିଲ୍ଲୀ ପୋଲିସ ଗିରଫ କରିଛି । ଦିଲ୍ଲୀର ଆନ୍ତଃରାଜ୍ୟ ବସ୍ ଷ୍ଟାଣ୍ଡ (ଆଇଏସବିଟି) ରୁ ଗିରଫ ହୋଇଥିବା ଅଙ୍କିତ ସିର୍ସା ମାତ୍ର 19 ବର୍ଷ ବୟସର ।

Published: Monday, July 4, 2022, 17:40 [IST]

ନୂଆଦିଲ୍ଲୀ : ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ହତ୍ୟା ମାମଲାରେ ଦିଲ୍ଲୀର ସ୍ୱତନ୍ତ୍ର ପୋଲିସ ସୋମବାର ଏକ ବଡ଼ ଖୁଲାସା କରିଛି । ମୁସେୱାଲା ହତ୍ୟାରେ ସମ୍ପୃକ୍ତ ଥିବା ସାର୍ପ ସୁଟର ଅଙ୍କିତ ସିର୍ସା ଏବଂ ତାର ସହଯୋଗୀ ସଚିନ ଭିବାନୀକୁ ଦିଲ୍ଲୀ ପୋଲିସ ଗିରଫ କରିଛି । ଦିଲ୍ଲୀର ଆନ୍ତଃରାଜ୍ୟ ବସ୍ ଷ୍ଟାଣ୍ଡ (ଆଇଏସବିଟି) ରୁ ଗିରଫ ହୋଇଥିବା ଅଙ୍କିତ ସିର୍ସା ମାତ୍ର 19 ବର୍ଷ ବୟସର । ଅଙ୍କିତଙ୍କ ଅନେକ ଫଟୋ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି ।

ଦିଲ୍ଲୀ ପୋଲିସର ସ୍ୱତନ୍ତ୍ର ସିପି ଏଚ୍.ଜି.ଏସ ଧାଲୀୱାଲ କହିଛନ୍ତି ମୁସେୱାଲାର ଅସଲ ସୁଟରକୁ ଧରିବା ଆମର ଲକ୍ଷ୍ୟ । ଏହି ପର୍ଯ୍ୟାୟରେ, ଆମେ ଗତ ରାତି ପ୍ରାୟ 11 ଟା ସମୟରେ ISBT ରୁ ସୁଟର ଅଙ୍କିତ ସିର୍ସା ଏବଂ ସଚିନ୍ ଭିବାନୀକୁ ଗିରଫ କରିଥିଲୁ । ଅଙ୍କିତ ନିକଟରୁ ଗୁଳି ଚଳାଇଥିଲା । ସଚିନ ଭିବାନୀ ଏବଂ ତାର ସହଯୋଗୀ କପିଲ ପଣ୍ଡିତ ଏହି ଘଟଣା ପୂର୍ବରୁ ଏବଂ ଘଟଣା ପରେ ଅଙ୍କିତକୁ ସମସ୍ତ ସାହାଯ୍ୟ କରିଥିଲେ ।

ଦିଲ୍ଲୀ ପୋଲିସ କହିଛି ଯେ 19 ବର୍ଷୀୟ ଅଙ୍କିତ ଅତି ନିକଟରୁ ମୁସେୱାଲାଙ୍କ ଉପରକୁ ଗୁଳି ଚଳାଇଥିଲା । ପୋଲିସର ସୂଚନାନୁସାରେ, ଏହା ଅଙ୍କିତର ପ୍ରଥମ ହତ୍ୟା । ସେ ଦୁଇ ହାତରେ ଗୁଳି ଚଳାଇଥିଲା । ସିଦ୍ଧୁ ମୁସେୱାଲାଙ୍କ ଉପରେ ଆକ୍ରମଣ ସମୟରେ ପ୍ରିୟବ୍ରତ ଫୌଜି ଏବଂ ଅଙ୍କିତ ସିର୍ସା ପଞ୍ଜାବ ପୋଲିସର ୟୁନିଫର୍ମ ପିନ୍ଧିଥିଲେ ଯାହା ଦ୍ୱାରା କେହି ତାଙ୍କୁ ସନ୍ଦେହ କରି ପାରିବେ ନାହିଁ ଏବଂ ହତ୍ୟା ପରେ ଘଟଣାସ୍ଥଳରୁ ଖସିଯିବାକୁ ମଧ୍ୟ ସହଜ ହୋଇଥିଲା ।

ପୋଲିସ କହିଛି ଯେ ରାଜସ୍ଥାନରେ ହତ୍ୟା ଉଦ୍ୟମର ଅନ୍ୟ ଦୁଇଟି ଜଘନ୍ୟ ମାମଲାରେ ମଧ୍ୟ ଅଙ୍କିତ ସମ୍ପୃକ୍ତ ଅଛି । କିନ୍ତୁ ସେ ପ୍ରଥମ ଥର ପାଇଁ ଏହି ହତ୍ୟା କରିଛି । ଏଙ୍କିତ ଲରେନ୍ସ ବିଷ୍ଣୋଇ ଗ୍ୟାଙ୍ଗର ଜଣେ ସଦସ୍ୟ । ସୂଚନା ଅନୁଯାୟୀ, ସେ କେବଳ ନବମ ପାସ୍ । ପୋଲିସ କହିଛି ଯେ ଯେତେବେଳେ ସିଦ୍ଧୁ ମୁସେୱାଲାଙ୍କୁ ଟାର୍ଗେଟ କରାଯାଇଥିଲା ସେତେବେଳେ ପ୍ରିୟବ୍ରତ ଫୌଜୀ ମଧ୍ୟ ତାଙ୍କ ସହ ଗୁଳି ଚଳାଇଥିଲା । ହତ୍ୟା ପରେ ଉଭୟ ଗୁଜରାଟ ଯାଇ ଲୁଚି ରହିଲେ ଏବଂ ସେଠାରେ 7 ଜୁନ୍ ପର୍ଯ୍ୟନ୍ତ ରହିଥିଲେ ।

Published On July 4, 2022