World Cup 2023: ସେମି ଫାଇନାଲକୁ ଶେଷ ରାସ୍ତା, ଆଜି ବାଂଲାଦେଶକୁ ଭେଟିବ ପାକିସ୍ତାନ

Published: Tuesday, October 31, 2023, 8:52 [IST]

World Cup 2023: ଆଜି ବିଶ୍ୱକପରେ ପାକିସ୍ତାନ କୁ ଭେଟିବ ବାଂଲାଦେଶ । କୋଲକାତାରେ ଖେଳାଯିବ ଆଜିର ମ୍ୟାଚ୍ । ଅପରାହ୍ନ 2ଟା ରୁ ଆରମ୍ଭ ହେବ ମ୍ୟାଚ୍ ।

ତେବେ ସେମି ଫାଇନାଲ ଦୌଡ଼ରେ ଆଗକୁ ଯିବାକୁ ହେଲେ , ଉଭୟ ଟିମ୍‌ ପାଇଁ ଏହି ମ୍ୟାଚ୍‌ରେ ଜିତିବା ଜରୁରୀ । ବିଶେଷ କରି ପାକିସ୍ତାନ ଟିମ୍‌ ପାଇଁ ବଂଲାଦେଶକୁ ହରାଇବା ଜରୁରୀ । ଯଦି ପାକିସ୍ତାନ ଆଜିର ମ୍ୟାଚ୍‌ରେ ପରାଜୟ ହେଉଛି, ତେବେ ବିଶ୍ୱକପ୍‌ର ସେମି ରେସ୍‌ରୁ ଆଉଟ୍‌ ହୋଇଯିବ ।

ବର୍ତ୍ତମାନ ସୁଦ୍ଧା ପାକିସ୍ତାନ ଟିମ୍‌ ଚଳିତ ବିଶ୍ୱକପ୍‌ 2023 ରେ 6 ଟି ମ୍ୟାଚ୍ ଖେଳିସାରିଛି । ସେଥିରୁ ମାତ୍ର 2 ଟି ଜିତିଥିବା ବେଳେ 5 ଟି ମ୍ୟାଚ୍ ରେ ପରାଜୟ ସମ୍ନା କରିବାକୁ ପଡ଼ିଛି । ଯାହାଫଳରେ ଟିମ୍‌ ଏବେ 4 ଅଙ୍କ ପାଇଁ ପଏଣ୍ଟ ଟେବୁଲ୍‌ର 7ମ ସ୍ଥାନରେ ରହିଛି ।

ସେହିପରି ବାଂଲାଦେଶ ଟିମ୍‌ ଏବେ ସୁଦ୍ଧା 6 ଟି ମ୍ୟାଚରୁ ମାତ୍ର ଗୋଟିଏ ଜିତିଛଇ । ତଥାପି ବଡ଼ ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିବାରେ ବାଂଲାଦେଶ ଟିମ୍ ମାହିର । ତେଣୁ ସେମି ରେସ୍‌ରେ ରହିବାକୁ ହେଲେ ଆଜିର ମ୍ୟାଚ୍‌ ବିଜୟୀ ଜରୁରୀ । ଦଳ ବର୍ତ୍ତମାନ ସୁଦ୍ଧା 2 ଅଙ୍କ ପାଇ ପଏଣ୍ଟ ଟେବୁଲର୍‌ ନବମ ସ୍ଥାନରେ ରହିଛି ।

ଆଜିର ମ୍ୟାଚ୍ କୋଲକାତାର ଇଡେନ୍ ଗାର୍ଡେନ୍ ଗାର୍ଡେନରେ ଖେଳାଯିବ । ଅପରାହ୍ନରେ ପଡ଼ିଆ 60 ପ୍ରତିଶତ ଆର୍ଦ୍ରତା ହୋଇପାରେ । ଏଭଳି ପରିସ୍ଥିତିରେ ଯେଉଁ ଦଳ ଟସ୍ ଜିତିବ ପ୍ରଥମେ ବ୍ୟାଟିଂ କରିବାକୁ ଚାହିଁବ । ଇଡେନ୍ ଗାର୍ଡେନରେ ହୋଇଥିବା 8 ଟି ମ୍ୟାଚ୍ ମଧ୍ୟରୁ 7 ଟି ମ୍ୟାଚ୍ ପ୍ରଥମେ ବ୍ୟାଟିଂ କରିଥିବା ଦଳ ଜିତିଛି ।