ପୁଣି ପଡ଼ିଆ ମଝିରେ ମୁହାଁମୁହିଁ ହେଲେ କୋହଲି-ଗମ୍ଭୀର, କଟିଲା ଶତ ପ୍ରତିଶତ ମ୍ୟାଚ୍ ଫି
IPL 2023: ପଡ଼ିଆ ମଝିରେ ପୁଣି ମୁହାଁମୁହିଁ ହେଲେ ଦେଶର ଜଣାଶୁଣା କ୍ରିକେଟର କୋହଲି-ଗମ୍ଭୀର । ଦୁହିଁଙ୍କ ଝଗଡ଼ାର ସାଖି ରହିଲା ଶ୍ରୀ ଅଟଳ ବିହାରୀ ଷ୍ଟାଡିୟମ୍ । ଲକ୍ଷ୍ନୌ - ବାଙ୍ଗଲୋର ମ୍ୟାଚ୍ ରେ ଲକ୍ଷ୍ନୌ ହାରିବା ପରେ ଏଭଳି ଅପ୍ରୀତିକର ପରିସ୍ଥିତି ଦେଖିବାକୁ ମିଳିଥିଲା । ଉଭୟଙ୍କ ମଧ୍ୟରେ ବାକି ଯୁଦ୍ଧ ହୋଇଥିବା ଦେଖିବାକୁ ମିଳିଥିଲା ।
ଆଇପିଏଲର ନିୟମ ଉଲ୍ଲଂଘନ କରିଥିବାରୁ ଉଭୟଙ୍କୁ ଜରିମାନା ମଧ୍ୟ କରାଯାଇଛି । ଉଭୟଙ୍କ ଶତ ପ୍ରତିଶତ ମ୍ୟାଚ୍ ଫି କଟାଯାଇଛି । ସେହିପରି ନବୀନ ଉଲ-ହକ୍ଙ୍କର 50 ପ୍ରତିଶତ ମ୍ୟାଚ୍ ଫି କଟାଯାଇଛି ।
ସୋମବାର ବାଙ୍ଗଲୋର ଏବଂ ଲକ୍ଷ୍ନୌ ମଧ୍ୟରେ ଖେଳାଯାଇଥିଲା ମ୍ୟାଚ୍ । ଘରୋଇ ଗ୍ରାଉଣ୍ଡରେ ଲକ୍ଷ୍ନୌକୁ 18 ରନରେ ହରାଇଥିଲା ବାଙ୍ଗଲୋର । ମ୍ୟାଚ୍ ଜିତିବାକୁ ବେଙ୍ଗାଳୁରୁ ଟିମ୍ ଲକ୍ଷ୍ନୌକୁ 127 ରନର ଟାର୍ଗେଟ୍ ଦେଇଥିଲା, କିନ୍ତୁ 108 ରନ କରି ହାରିଥିଲା ଲକ୍ଷ୍ନୌ ଦଳ ।
ମ୍ୟାଚ୍ ପରେ ସମସ୍ତ ଖେଳାଳି ଉଭୟ ଉଭୟଙ୍କୁ ଶୁଭେଚ୍ଛା ଜଣାଉଥିବା ବେଳେ କୌଣସି କାରଣକୁ ନେଇ ବିରାଟ ଓ ଗମ୍ଭୀରଙ୍କ ମଧ୍ୟରେ ହୋଇଥିଲା ଝଗଡ଼ା । ବିରାଟ ଓ ଗୌତମଙ୍କ ମଧ୍ୟରେ ଜୋରଦାର ଝଗଡ଼ା ବେଳେ ଖେଳାଳି ଓ ଷ୍ଟାଫ୍ ଆସି ମିଂମାସା କରିଥିଲେ । ଉଭୟ ଉଭୟଙ୍କ ଦୋଷ ସ୍ୱୀକାର କରିଛନ୍ତି ।
ସେତେବେଳେ ଗୌତମ ଗମ୍ଭୀର କୋଲକାତା ନାଇଟ୍ ରାଇଡର୍ସର କ୍ୟାପଟେନ୍ ଥିଲେ । ଏବେ ଗମ୍ଭୀର ଲକ୍ଷ୍ନୌ ସୁରପର ଜିଆଣ୍ଟ୍ସର ମେଣ୍ଟର ଅଛନ୍ତି । ପୂର୍ବରୁ ବେଙ୍ଗାଳୁରୁ ଟିମ୍ର କ୍ୟାପଟେନ୍ ଥିଲେ କୋହଲି ।
ଉଲ୍ଲେଖଯୋଗ୍ୟ, 10 ବର୍ଷ ପୂର୍ବରୁ 2013 ମସିହାରେ ଆଇପିଏଲ୍ ମ୍ୟାଚ୍ ସମୟରେ ଏହି ଦୁଇ ଖେଳାଳିଙ୍କ ମଧ୍ୟରେ ଜୋରଦାର ବାକ୍-ଯୁଦ୍ଧ ହୋଇଥିଲା । ସେତେବେଳେ ଗୌତମ ଗମ୍ଭୀର କୋଲକାତା ନାଇଟ୍ ରାଇଡର୍ସର କ୍ୟାପଟେନ୍ ଥିବା ବେଳେ ବିରାଟ୍ ଆରସିବିର କ୍ୟାପଟେନ୍ ଥିଲେ ।
Click it and Unblock the Notifications
Sign in with Google