ଶୁବମନଙ୍କ ସ୍ଥାନ ନେଇପାରନ୍ତି ଏହି ଦୁଇ ଖେଳାଳି, ଚର୍ଚ୍ଚାରେ ରହିଛି ଏହି ଖେଳାଳିଙ୍କ ନାଁ

Published: Tuesday, October 10, 2023, 13:09 [IST]

ବିଶ୍ୱକପ୍ 2023 ରେ ଭାରତ ଏହାର ପ୍ରଥମ ମ୍ୟାଚରେ ବାଜି ମାରିଛି । କିନ୍ତୁ ମ୍ୟାଚ୍ ସମୟରେ ବ୍ୟାଟିଂ ପ୍ରଦର୍ଶନ ସମସ୍ତଙ୍କୁ ଚକ୍କିତ କରିଦେଇଥିଲା । ଯଦିଓ ରୋହିତ୍ ବାହିନୀ ପ୍ରଥମ ମ୍ୟାଚ୍ ହାତେଇବାରେ ସଫଳ ହୋଇଛନ୍ତି ତଥାପି ଓପନିଂ ଅର୍ଡରକୁ ନେଇ ଚିନ୍ତାରେ ଦଳ ।

ଏଥି ମଧ୍ୟରେ ଭାରତର ଓପନର୍ ଶୁବମନ୍ ଗିଲ୍ ଡେଙ୍ଗୁରେ ପିଡ଼ିତ । ଏହି ସମୟରେ ବରିଷ୍ଠ ଚୟନ କମିଟି ଖୁବ୍ ଶୀଘ୍ର ଶୁବମନ ଗିଲଙ୍କ ବିଷୟରେ ନିଷ୍ପତ୍ତି ନେବାକୁ ଯାଉଛନ୍ତି । ଡେଙ୍ଗୁରେ ପୀଡିତ ଗିଲ ଆଫଗାନିସ୍ତାନ ବିପକ୍ଷ ମ୍ୟାଚରେ ଖେଳିବେ ନାହିଁ । ଏପରିକି ଏହା ପରେ ସେ ପାକିସ୍ତାନ ବିପକ୍ଷ ମ୍ୟାଚରୁ ମଧ୍ୟ ବାହାରେ ରହିପାରନ୍ତି । ଏଭଳି ପରିସ୍ଥିତିରେ ତାଙ୍କ ବଦଳରେ ଜଣେ ନୂତନ ଖେଳାଳିଙ୍କୁ ଆଣିବାକୁ ପଡିବ ।

ରିପୋର୍ଟ ଅନୁଯାୟୀ ଗିଲ୍ ସୁସ୍ଥ ହେବା ପାଇଁ ଏକ ସପ୍ତାହରୁ ଅଧିକ ସମୟ ଲାଗିବ । ଚୟନ କମିଟି ବର୍ତ୍ତମାନ ଶୁବମନଙ୍କ ସ୍ଥାନରେ ଅନ୍ୟ ଖେଳାଳିଙ୍କୁ ଆଣିବା ନେଇ ଆଲୋଚନା କରିପାରନ୍ତି । ଶୁବମନଙ୍କ ସ୍ଥାନରେ କାହାକୁ ନିଆଯିବ ସେ ନେଇ ମଧ୍ୟ ଆଲୋଚନା କରିବାକୁ ପଡିବ । ଏ ବାବଦରେ ବୁଧବାର ନିଷ୍ପତ୍ତି ନିଆଯାଇପାରେ ।
ଯଦି ଟିମ୍ ମ୍ୟାନେଜମେଣ୍ଟ ଶୁବମନଙ୍କ ସ୍ଥାନରେ ଦଳରେ ଅନ୍ୟ ଖେଳାଳି ଚାହୁଁଛି, ତେବେ ଯଶସ୍ୱୀ ଜୈସୱାଲ ଏବଂ ଋତୁରାଜ ଗାୟକୱାଡଙ୍କୁ କଭର ଟିମ୍ ରେ ସାମିଲ୍ କରାଯାଇପାରେ ।

Published On October 10, 2023