ଆଜି ଭାରତ-ଆଫଗାନିସ୍ତାନ ପ୍ରଥମ ଟି-20 ମ୍ୟାଚ୍, ଖେଳିବେନି କୋହଲି
IND Vs AFG: ଟି-20 ବିଶ୍ୱକପ୍ ପୂର୍ବକୁ ଏହି ସର୍ଟ ଫର୍ମାଟରେ ଆଜି ପ୍ରଥମ ମ୍ୟାଚ୍ ଖେଳିବେ ଭାରତ-ଆଫଗାନିସ୍ତାନ । ତିନି ମ୍ୟାଚ୍ ବିଶିଷ୍ଟ ଏହି ଟି-20 ସିରିଜର ପ୍ରଥମ ମ୍ୟାଚ୍ ଆଜି ଖେଳାଯିବ । ମୋହାଲି ରେ ଏହି ମ୍ୟାଚ୍ କେଳାଯିବ । ସନ୍ଧ୍ୟା 7 ଟାରେ ମ୍ୟାଚ୍ ଆରମ୍ଭ ହେବ ।
ପ୍ରାୟ 14 ମାସ ପରେ ଟି-20 ଫର୍ମାଟ୍କୁ ଫେରିଛନ୍ତି ଭାରତୀୟ ଅଧିନାୟକ ରୋହିତ ଶର୍ମା ଓ ବିରାଟ କୋହଲି । କିନ୍ତୁ ଆଜିର ମ୍ୟାଚ୍ ରୁ ବାଦ୍ ପଡ଼ିଛନ୍ତି ବିରାଟ କୋହଲି । ବ୍ୟକ୍ତିଗତ କାରଣ ପାଇଁ କୋହଲି ପ୍ରଥମ ମ୍ୟାଚ୍ରେ ଖେଳିବେନି । କିନ୍ତୁ ପରବର୍ତ୍ତୀ ଦୁଇଟି ମ୍ୟାଚରେ ସେ ଖେଳିବେ । ଭାରତ ପକ୍ଷରୁ ଯଶସ୍ୱୀ ଏବଂ ରୋହିତ ଇନିଂସ ଆରମ୍ଭ କରିବେ । ପୂର୍ବରୁ ରୋହିତ ଓ ବିରାଟ ଟ୍ବେଣ୍ଟି-20 ବିଶ୍ୱକପ୍ ସେମିଫାଇନାଲ୍ରେ ଶେଷଥର ପାଇଁ ଖେଳିଥିଲେ । କିନ୍ତୁ ଆଗକୁ ୱେଷ୍ଟଇଣ୍ଡିଜ୍ ଓ ଆମେରିକାରେ ମିଳିତ ଭାବେ ଆୟୋଜିତ ହେବାକୁ ଥିବା ବିଶ୍ବକପ୍କୁ ଦୃଷ୍ଟିରେ ରଖି ଏହି ଦୁଇ ବରିଷ୍ଠ କ୍ରିକେଟର୍ଙ୍କୁ ଦଳରେ ସ୍ଥାନ ଦିଆଯାଇଛି । ଏହି ସିରଜରେ ଖେଳାଳିଙ୍କ ପ୍ରଦର୍ଶନ ହିଁ ବିଶ୍ୱକପ୍ ପାଇଁ ଦଳର ଚିତ୍ର ସ୍ପଷ୍ଟ କରିପାରିବ । ତଥାପି ଆଇପିଏଲ୍ ପ୍ରଦର୍ଶନ ଉପରେ ଚୂଡ଼ାନ୍ତ 15 ଜଣିଆ ଦଳ ଚୟନ ନିର୍ଭର କରୁଛି ।
ଅନ୍ୟପକ୍ଷରେ ଆଫଗାନିସ୍ତାନ ଦଜଳରୁ ବାଦ୍ ପଡ଼ିଛନ୍ତି ଅଲରାଉଣ୍ଡର ରସିଦ ଖାନ୍ । ତାଙ୍କ ବିନା ଭାରତ ବିପକ୍ଷରେ ଖେଳିବ ଦଳ । ପ୍ରାଥମିକ ପର୍ଯ୍ୟାୟରେ ଘୋଷଣା ହୋଇଥିବା ଦଳରେ ରସିଦଙ୍କୁ ସାମିଲ କରାଯାଇଥିଲା । କିନ୍ତୁ ଏପର୍ଯ୍ୟନ୍ତ ସେ ସଂପୂର୍ଣ୍ଣ ସୁସ୍ଥ ହୋଇ ନଥିବାରୁ ବିଶ୍ବକପ୍ ପୂର୍ବରୁ ତାଙ୍କ ଉପରେ ଅଧିକ ଚାପ ନଦେବାକୁ ଆଫଗାନିସ୍ତାନ ବୋର୍ଡ ଚାହୁଛି ।
ସମ୍ଭାବ୍ୟ ଭାରତୀୟ ଏକାଦଶ: ରୋହିତ ଶର୍ମା, ଯଶସ୍ୱୀ ଜୟସ୍ୱାଲ୍, ତିଳକ ବର୍ମା, ଶିବମ ଦୁବେ, ରିଙ୍କୁ ସିଂହ, ଜିତେଶ ଶର୍ମା, ଅକ୍ଷର ପଟେଲ, ରବି ବିଷ୍ଣୋଇ/କୁଲଦୀପ ଯାଦବ, ଅର୍ଶଦୀପ ସିଂହ, ଆୱେସ ଖାନ୍, ମୁକେଶ କୁମାର।
ସମ୍ଭାବ୍ୟ ଆଫଗାନିସ୍ତାନ ଏକାଦଶ: ଈବ୍ରାହିମ୍ ଜଦ୍ରାନ୍, ଅଜମାତୁଲ୍ଲା ଓମରଜାଇ, ରହମାନୁଲ୍ଲା ଗୁରବାଜ, କରିମ ଜନତ, ନଜିବୁଲ୍ଲା ଜଦ୍ରାନ, ମହମ୍ମଦ ନବି, ନବୀନ ଉଲ୍ ହକ୍, ଗୁଲବଦିନ୍ ନଇବ, ଫଜଲହକ୍ ଫାରୁକି, ମୁଜିବ ଉର ରହମାନ, ହଜରାତୁଲ୍ଲା ଜଜାଇ।
Click it and Unblock the Notifications
Sign in with Google