ଦ୍ୱିତୀୟ ସୁପର ଓଭରରେ ସିରିଜ କ୍ଲିନ୍ ସୁଇପ୍ କଲା ଭାରତ

IND Vs AFG: ଗୋଟିଏ ମ୍ୟାଚରେ ଦୁଇ ଦୁଇ ଥର ସୁପର ଓଭର । ପ୍ରଥମ ମ୍ୟାଚ୍ ଟାଇ ହେବା ପରେ ହେଲା ସୁପର ଓଭର । ପ୍ରଥମ ସୁପର ଓଭର ମଧ୍ୟ ଅମୀମାଂସିତ ରହିବାରୁ ପୁଣି ଖେଳାଗଲା ଦ୍ୱିତୀୟ ସୁପର ଓଭର । ଏମିତି ଏକ ରୋମାଞ୍ଚକର ମ୍ୟାଚ୍ ଦେଖିବାକୁ ମିଳିଛି ଭାରତ- ଆଫଗାନିସ୍ତାନ ମଧ୍ୟରେ ଖେଳାଯାଇଥିବା ତୃତୀୟ ଟି-20 ମ୍ୟାଚରେ ।

ତୃତୀୟ ଟି-20 ମ୍ୟାଚରେ ଦ୍ୱିତୀୟ ସୁପର ଓଭରରେ ବାଜି ମାରି ନେଇଛି ଭାରତ । ଏହି ମ୍ୟାଚରେ ଦ୍ୱିତୀୟ ସୁପର ଓଭରରେ 2 ଟି ୱିକେଟ ନେଇ ହିରୋ ବନିଛନ୍ତି ରବି ବିଷ୍ଣୋଇ ।

ଏମ ଚିନ୍ନାସ୍ଵାମୀ ଷ୍ଟାଡିୟମରେ ଖେଳା ଯାଇଥିବା ହାଇସ୍କୋରିଂ ଟି-20 ମୁକାବିଲାରେ ଭାରତ ବ୍ୟାଟରଙ୍କ ପରି ଆଫଗାନିସ୍ତାନ ବ୍ୟାଟର ମଧ୍ୟ ବିସ୍ଫୋରକ ବ୍ୟାଟିଂ କରି ମ୍ୟାଚ୍‌ରେ ରୋମାଞ୍ଚ ଭରିଥିଲେ । କିନ୍ତୁ ଶେଷରେ ପରାଜିତ ହୋଇଥିଲେ । ଶେଷରେ ରୋମାଞ୍ଚକର ଟି-20 କୁ ଜିତି ଭାରତ ତିନି ମ୍ୟାଚ୍ ବିଶିଷ୍ଟ ଟି-20 ଶୃଙ୍ଖଳାରେ କ୍ଲିନ୍ ସୁଇପ୍ କରିଛି ।

ପ୍ରଥମେ ବ୍ୟାଟିଂ କରିଥିବା ଭାରତ ଅଧିନାୟକ ରୋହିତ ଶର୍ମାଙ୍କ 121 ରନ ଓ ରିଙ୍କୁ ସିଂଙ୍କ 69 ରନ ବଳରେ 4 ଓ୍ଵିକେଟ୍ ହରାଇ 212 ରନ କରିଥିଲା । ଏହାର ଜବାବରେ ଆଫଗାନିସ୍ତାନ ମଧ୍ୟ ଭଲ ବ୍ୟାଟିଂ କରି ରେହମନତୁଲ୍ଲାଙ୍କ 50 ରନ, ଇବ୍ରାହିମ ଜଦ୍ରାନଙ୍କ 50 ଓ ଗୁଲବଦି ନାଏବଙ୍କ ଅପରାଜିତ 55 ରନ ବଳରେ 212 ରନ କରି ମ୍ୟାଚ୍‌କୁ ଟାଇ କରିଥିଲା ।
ତେବେ ପ୍ରଥମ ସୁପର ଓଭରରେ ଆଫଗାନିସ୍ତାନ 16 ରନ୍ କରିଥିଲା । ଆଉ ଭାରତ ସମାନ 16 ରନ କରି ମ୍ୟାଚ୍ ଟାଇ କରିଦେଇଥିଲା । ପୁଣି ଦ୍ଵିତୀୟ ସୁପର ଓଭରରେ ଭାରତ ମାତ୍ର 11 ରନ କରିଥିଲେ ହେଁ ଆଫଗାନିସ୍ତାନ ହାସଲ କରି ପାରି ନ ଥିଲା । ରବି ବିଷ୍ଣୋଇ ଦ୍ଵିତୀୟ ସୁପର ଓଭର ବୋଲିଂ କରି ମହମ୍ମଦ ନବି ଓ ଗୁରବାଜଙ୍କୁ ଆଉଟ୍ କରି ଭାରତକୁ ବହୁ ଉତ୍କଣ୍ଠାପୂର୍ଣ୍ଣ ବିଜୟୀ ଦେଇଛନ୍ତି ।

English summary

IND Vs AFG: India won third T-20 against Afghanistan in second super over