କରୋନ ଯୁଦ୍ଧରେ ହାରିଗଲେ ଫ୍ଲାଇଙ୍ଗ ଶିଖ୍ ମିଲଖା ସିଂହ
ଭାରତର କିମ୍ବଦନ୍ତୀ ଧାବକ ମିଲଖା ସିଂହ ଙ୍କ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ 91 ବର୍ଷ ବୟସରେ ହୋଇଥିଲା । କରୋନା ସଂକ୍ରମିତ ହେବା ପରେ ତାଙ୍କ ଅବସ୍ଥା ଗୁରୁତର ରହିଥିଲା ।
ନୂଆଦିଲ୍ଲୀ : ଭାରତର କିମ୍ବଦନ୍ତୀ ଧାବକ ମିଲଖା ସିଂହ ଙ୍କ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ 91 ବର୍ଷ ବୟସରେ ହୋଇଥିଲା । କରୋନା ସଂକ୍ରମିତ ହେବା ପରେ ତାଙ୍କ ଅବସ୍ଥା ଗୁରୁତର ରହିଥିଲା । ସିଂହ କରୋନା ସହିତ ଏକ ମାସର ଯୁଦ୍ଧ ପରେ ହାରିଗଲେ । ଡାକ୍ତରଖାନାରେ ଭର୍ତ୍ତି ହୋଇଥିବା ମିଲଖା ସିଂହଙ୍କ ସ୍ୱାସ୍ଥ୍ୟରେ ଅବନତି ଘଟୁଥିବା ଦେଖିବାକୁ ମିଳିଥିଲା । ଶୁକ୍ରବାର ଦିନ ତାଙ୍କର ଅମ୍ଳଜାନ ସ୍ତର ମଧ୍ୟ ଯଥେଷ୍ଟ ହ୍ରାସ ପାଇଥିଲା ।
ଚଣ୍ଡିଗଡ଼ର PGIMER ହସ୍ପିଟାଲର ଆଇସିୟୁରେ ଭର୍ତ୍ତି ହୋଇ ମିଲଖା ସିଂଙ୍କ ଚିକିତ୍ସିତ ହେଉଥିଲେ । ପରେ ଶୁକ୍ରବାର ବିଳମ୍ବିତ ରାତିରେ 11.24 ମିନିଟରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ଏହାପୂର୍ବରୁ ରବିବାର ଦିନ ମିଲଖା ସିଂହଙ୍କ ପତ୍ନୀ ନିର୍ମଳ କୌରଙ୍କର ମଧ୍ୟ କରୋନା କାରଣରୁ ମୋହାଲିର ଏକ ଡାକ୍ତରଖାନାରେ ମୃତ୍ୟୁ ହୋଇଛି ।
ଗତ ମାସରେ ଏହି କିମ୍ୱଦନ୍ତୀ ଧାବକ କୋଭିଡରେ ସଂକ୍ରମିତ ହୋଇଥିଲେ । କିନ୍ତୁ ଦୁଇ ଦିନ ତଳେ ବୁଧବାର ସେ କୋଭିଡ ପରୀକ୍ଷା କରାଇଥିଲେ । ରିପୋର୍ଟ ନେଗେଟିଭ ଆସିଥିଲା । ପରେ ତାଙ୍କୁ କୋଭିଡ ଆଇସିୟୁରୁ ସାଧାରଣ ଆଇସିୟୁକୁ ସ୍ଥାନାନ୍ତର କରାଯାଇଥିଲା । ଏହାପରେ ଏକ ଡାକ୍ତରୀ ଟିମ୍ ତାଙ୍କ ସ୍ୱାସ୍ଥ୍ୟ ଉପରେ ନଜର ରଖିଥିଲେ ।
ଗୁରୁବାର ରାତିରେ ସେ ଜ୍ୱରରେ ଆକ୍ରାନ୍ତ ହୋଇଥିଲେ ଏବଂ ତାଙ୍କର ଅକ୍ସିଜେନ ସ୍ତର କ୍ରମଶଃ ହ୍ରାସ ପାଇଥିଲା । ଏହା ପୂର୍ବରୁ କିନ୍ତୁ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିଲା ।ତାଙ୍କ ପତ୍ନୀ ନିର୍ମଲ କୌର ରବିବାର ଦିନ ମୋହାଲିର ଏକ ଘରୋଇ ଡାକ୍ତରଖାନାରେ କୋଭିଡରେ ସଂକ୍ରମିତ ହୋଇ ଆଖି ବୁଜି ଦେଇଥିଲେ। ଭାରତୀୟ ଭଲିବଲ ଦଳର ପୂର୍ବତନ ଅଧିନାୟକ ହେଉଛନ୍ତି ନିର୍ମଲ କୌର। ମିଲଖା ଏବଂ ନର୍ମଲଙ୍କର ଜଣେ ପୁଅ ଗୋଲଫର ଜୀଭ ମିଲଖା ସିଂ ଏବଂ ତିନି ଝିଅ ରହିଛନ୍ତି।
4 ଥର ଏସୀୟ ଗେମ୍ସରେ ସ୍ୱର୍ଣ୍ଣ ଜିତିଥିଲେ
ମିଲଖା ସିଂହ 20 ନଭେମ୍ବର 1929 ରେ ପଞ୍ଜାବ ପ୍ରଦେଶର ଗୋବିନ୍ଦପୁରାରେ (ବର୍ତ୍ତମାନ ପାକିସ୍ତାନର ଅଂଶ) ରାଠୌର ରାଜପୁତ ଶିଖ ପରିବାରରେ ଜନ୍ମଗ୍ରହଣ କରିଥିଲେ । ସେ ରୋମରେ 1960 ଗ୍ରୀଷ୍ମ ଅଲିମ୍ପିକ୍ସ ଏବଂ 1964 ଟୋକିଓରେ ଅଲିମ୍ପିକ୍ସରେ ଭାରତର ପ୍ରତିନିଧିତ୍ୱ କରିଥିଲେ । ତାଙ୍କୁ 'ଫ୍ଲାଇଙ୍ଗ୍ ଶିଖ୍' ଉପାଧି ମିଳିଥିଲା ।
ମିଲଖା ସିଂହ ଏସୀୟ ଗେମ୍ସରେ 4 ଥର ସ୍ୱର୍ଣ୍ଣପଦକ ଜିତିଛନ୍ତି । ସେ 1958 ମସିହାରେ କମନୱେଲଥ ଗେମ୍ସର ଚାମ୍ପିଅନ୍ ମଧ୍ୟ ହୋଇଥିଲେ । ତାଙ୍କୁ 1959 ମସିହାରେ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା । 1960 ରୋମ୍ ଅଲିମ୍ପିକ୍ସରେ ସେ 400 ମିଟର ଦୌଡ଼ରେ ପଦକରୁ ବଞ୍ଚିତ ହୋଇଥିଲେ । ସେ ସେହି ସମୟରେ ଚତୁର୍ଥ ସ୍ଥାନରେ ରହିଥିଲେ ।