World Cup 2023: ନ୍ୟୁଜିଲାଣ୍ଡ ଆଗରେ ଅଷ୍ଟ୍ରେଲିଆର ବିଶାଳ ସ୍କୋର, ନେଦରଲ୍ୟାଣ୍ଡ ବିପକ୍ଷରେ ବ୍ୟାଟିଂ କରୁଛି ବାଂଲାଦେଶ
World Cup 2023: ଦିନିକିଆ କ୍ରିକେଟ୍ ବିଶ୍ୱକପ୍ ରେ ଆଜି ଦୁଇଟି ମ୍ୟାଚ୍ ଖେଳାଯାଉଛି । ପ୍ରଥମ ମ୍ୟାଚ୍ ରେ ଅଷ୍ଟ୍ରେଲିଆ ନ୍ୟୁଜିଲାଣ୍ଡ କୁ ଭେଟିଛି । ହିମାଚଳ ପ୍ରଦେଶର ଧର୍ମଶାଳାରେ ଖେଳାଯାଉଛି ଏହି ମ୍ୟାଚ୍ । ଟସ୍ ଜିତି ଅଷ୍ଟ୍ରେଲିଆ ବିପକ୍ଷରେ ବୋଲିଙ୍ଗ୍ କରିବାକୁ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ ।
କଙ୍ଗାରୁ ଦଳ ଧୁଆଁଧାର ବ୍ୟାଟିଂ କରି 49.2 ଓଭରରେ ସମସ୍ତ ୱିକେଟ୍ ହରାଇ 388 ରନ୍ ର ବିଶାଳ ସ୍କୋର କରିଛନ୍ତି । ଟ୍ରାଭିସ୍ ହେଡ୍ 67 ବଲରେ 7 ଟି ଛକା ଓ 10 ଟି ଚୌକା ବଳରେ 109 ବ୍ୟକ୍ତିଗତ ସ୍କୋର କରିଥିବା ବେଳେ ଡେଭିଡ୍ ୱାର୍ଣ୍ଣର 65 ବଲରେ 81 ରନ୍ କରିଛନ୍ତି । ସେହିପରି ଗେନ୍ ମାକ୍ସୱେଲ୍ ମାତ୍ର 24 ବଲରେ 41 ରନ୍ କରିବା ସହ କଙ୍ଗାରୁ ଦଶଳ ନ୍ୟୁଜିଲାଣ୍ଡକୁ 389 ରନ୍ ର ବିଜୟ ଲକ୍ଷ୍ୟ ଦେଇଛି ।
ସେହିପରି ନ୍ୟୁଜିଲାଣ୍ଡ ପକ୍ଷରି ଟ୍ରେଣ୍ଚ ବୋଲ୍ଡ ଓ ଗ୍ଲେନ୍ ଫିଲିପ୍ସ 3 ଟି ଲେଖାଏଁ ୱିକେଟ୍ ପାଇଥିବା ବେଳେ ସାଣ୍ଟନର 2 ଟି ୱିକେଟ୍ ପାଇଛନ୍ତି ।
ଅପରପକ୍ଷରେ କୋଲ୍କାତାର 'ଇଡେନ୍ ଗାର୍ଡେନ୍ ଷ୍ଟାଡିୟମ୍'ରେ ନେଦରଲ୍ୟାଣ୍ଡ ଏବଂ ବାଂଲାଦେଶ ମଧ୍ୟରେ ଖେଳାଯାଉଛି ଅନ୍ୟ ଏକ ମ୍ୟାଚ୍ । ଏହି ମ୍ୟାଚ୍ ରେ ଟସ୍ ଜିତି ନେଦର୍ଲାଣ୍ଡ୍ସ୍ର ଅଧିନାୟକ ସ୍କଟ୍ ଏଡ୍ୱାର୍ଡସ୍ ପ୍ରଥମେ ବାଂଲାଦେଶ ବିପକ୍ଷରେ ବ୍ୟାଟିଙ୍ଗ୍ କରିବାକୁ ନିଷ୍ପତ୍ତି ନେଇଛନ୍ତି ।
Click it and Unblock the Notifications
Sign in with Google