ଏସୀୟ ପାରା ଗେମ୍ସରେ ଭାରତର କମାଲ, 100 ପଦକ ହାସଲ କଲେଣି ଭାରତୀୟ ଖେଳାଳି

Updated: Saturday, October 28, 2023, 10:16 [IST]

Asian para games 2023: ଏସୀୟ ପାରା ଗେମ୍ସରେ ଭାରତକୁ ମିଳିଛି ବଡ଼ ସଫଳତା । ଶନିବାର ଦିନ ଭାରତର ପାରା-ଆଥଲେଟ୍ସମାନେ ଇତିହାସ ସୃଷ୍ଟି କରିଛନ୍ତି । ହାଙ୍ଗଜୋ ପାରା ଏସୀୟ ଗେମ୍ସର 100 ପଦକ ହାସଲ କରିଛି ଭାରତ । ଦିଲୀପ ମହାଡୁ ଗାଭିଟ୍ ପୁରୁଷ 400 ମିଟରରେ ସ୍ୱର୍ଣ୍ଣ ପଦକ ହାସଲ କରି ଦେଶ ନାଁରେ 100 ତମ ପଦକ କରିଛନ୍ତି ।

ଭାରତୀୟ ପାରା କଣ୍ଟିଜେଣ୍ଟ ପ୍ରଥମ ଥର ପାଇଁ 100 ପଦକ ହାସଲ କରିଛି । ପାରା ଏସିଆନ ଗେମ୍ସ ଅଭିଯାନରେ ଏହା ଏକ ବଡ଼ ସଫଳତା । ଖବର ଲେଖାଯିବା ସୁଦ୍ଧା, ଭାରତ 26 ଟି ସ୍ୱର୍ଣ୍ଣ, 29 ଟି ସିଲଭର ଏବଂ 45 ଟି ବ୍ରୋଞ୍ଜ ପଦକ ଜିତିଛି । ଏହା ପୂର୍ବରୁ ଭାରତ 2018 72 ପଦକ ଜିତିଥିଲା । ସେଥିରେ 15 ସ୍ୱର୍ଣ୍ଣ, 24 ରୌପ୍ୟ ଏବଂ 33 ବ୍ରୋଞ୍ଜ ପଦକ ଥିଲା ।

100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.

This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM
— Narendra Modi (@narendramodi) October 28, 2023

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏ ନେଇ ଅଭିନନ୍ଦନ ଜଣାଇଛନ୍ତି । ସେ ଟ୍ୱିଟରରେ ଲେଖିଛନ୍ତି, "ଏହି ସଫଳତା ଆମର ପ୍ରତିଭା, କଠିନ ପରିଶ୍ରମ ଏବଂ ଆମର ଆଥଲେଟ୍ମାନଙ୍କର ନିଷ୍ଠାର ଫଳାଫଳ । ଏହି ଉଲ୍ଲେଖନୀୟ ସଫଳତା ଆମକୁ ଗର୍ବିତ କରୁଛି । ଆମର ଅବିଶ୍ୱସନୀୟ ଆଥଲେଟ୍, କୋଚ୍ ଏବଂ ସେମାନଙ୍କ ସହ କାର୍ଯ୍ୟ କରୁଥିବା ସମଗ୍ର ଟିମ୍ କୁ ମୋର ଗଭୀର ପ୍ରଶଂସା ଏବଂ କୃତଜ୍ଞତା ଜଣାଉଛି ।"