ପଞ୍ଚାୟତ ଫଳାଫଳ, ୟୁକ୍ରେନ ସଙ୍କଟ ଓ ମହିଳାଙ୍କ ପ୍ରାର୍ଥୀତ୍ୱକୁ ଅସ୍ତ୍ର କରି ପୌର ଫାଇଟ୍ କ୍ଲିନ ସୁଇପ୍ ଲକ୍ଷ୍ୟରେ ବିଜେଡ଼ି

BJD All Set to Sweep Urban Votes: ହ୍ୱାଟସଆପ ପରି ସୋସିଆଲ ମିଡିଆରେ ଡିଜିଟାଲ ପ୍ରଚାର, ପଞ୍ଚାୟତ ଫଳାଫଳ, ମେୟର ତଥା କର୍ପୋରେଟର ସିଟ ପାଇଁ ମହିଳାଙ୍କ ପ୍ରାର୍ଥୀତ୍ୱ, ୟୁକ୍ରେନରୁ ଓଡିଆ ଡାକ୍ତରୀ ଛାତ୍ରଙ୍କ ଉଦ୍ଧାର ଆଦି ସଫଳତାକୁ ଅସ୍ତ୍ର କରି ଆଗାମୀ ପୌର ନିର୍ବାଚନ (ପୌର ଫାଇଟ୍)କୁ କ୍ଲିନ ସୁଇପ୍ କରିବା ଲକ୍ଷ୍ୟରେ ରହିଛି ବିଜୁ ଜନତା ଦଳ (ବିଜେଡ଼ି) ।

ଋଷ-ୟୁକ୍ରେନ ଯୁଦ୍ଧ ବିଭୀଶିକା ମଧ୍ୟରେ ବିଭିନ୍ନ ଆନ୍ତର୍ଜାତୀୟ ସଂଗଠନରେ କାର୍ଯ୍ୟ କରୁଥିବା ବରିଷ୍ଠ ଅମଲାତନ୍ତ୍ର ତଥା ବୃତ୍ତିଗତ ଓ ଭୁବନେଶ୍ୱରରେ ଅବସ୍ଥିତ ଏକ ଘରୋଇ ବିଶ୍ୱବିଦ୍ୟାଳୟର ସେବାକୁ ବ୍ୟବହାର କରି ଓଡିଶା ସରକାର ପାଖାପାଖି 600 ଓଡିଆ ଛାତ୍ରଛାତ୍ରୀଙ୍କୁ ସୁରକ୍ଷିତ ଭାବେ ସେମାନଙ୍କ ଘରକୁ ଫେରାଇ ଆଣିବାରେ ସଫଳ ହୋଇଛନ୍ତି । ଯେତେବେଳେ କି ଯୁଦ୍ଧରେ ସର୍ବାଧିକ ପ୍ରଭାବିତ ହୋଇଥିବା ଖାର୍କିଭରୁ ପ୍ରାୟ 400 ଓଡିଆ ଛାତ୍ରଛାତ୍ରୀଙ୍କୁ ସ୍ଥାନାନ୍ତର କରାଯାଇଛି ।

ତେବେ ଏହି ଜରୁରୀକାଳୀନ ପରିସ୍ଥିତିର ଅସାଧାରଣ ସହାୟତା ଏବଂ ସଫଳ ପରିଚାଳନା ରାଜ୍ୟ ସରକାରଙ୍କ ଭାବମୂର୍ତ୍ତିକୁ ଏକ ସକାରାତ୍ମକ ଦୃଷ୍ଟିକୋଣ ଦେଇଛି । ଯାହାକି ଶାସକ ଦଳର ଆଭିମୁଖ୍ୟ ତଥା ବିଜେଡି ସୁପ୍ରିମୋ ନବୀନ ବାବୁଙ୍କୁ ରାଜ୍ୟ ଭିତରେ, ବାହାରେ କିମ୍ବା ବିଦେଶୀ ଦେଶରେ ରହୁଥିବା ଅଭାବୀ ଲୋକଙ୍କ "ମସିହା" ଭାବରେ ସ୍ଥାନିତ କରିଛି ।

ଯୁଦ୍ଧ ବିପର୍ଯ୍ୟସ୍ତ ଦେଶରୁ ଛାତ୍ରମାନଙ୍କୁ ସ୍ଥାନାନ୍ତର କରିବାର ସଫଳତା ବ୍ୟତୀତ, ଓଡିଶାର ସମସ୍ତ 106 ଟି ସହରାଞ୍ଚଳରେ ଆଗାମୀ ପୌର ନିର୍ବାଚନ ପାଇଁ 50 ପ୍ରତିଶତରୁ ଅଧିକ ଆସନରେ ମହିଳାଙ୍କୁ ପ୍ରାର୍ଥୀ କରିବା ଏବଂ ଦୁଇଟି ପ୍ରମୁଖ ସହରାଞ୍ଚଳର ମେୟର ପ୍ରାର୍ଥୀ (ବ୍ରହ୍ମପୁର ଓ ଭୁବନେଶ୍ୱର) ପାଇଁ ଦୁଇ ମହିଳାଙ୍କୁ ସୁଯୋଗ ଦେବା ବିଜେଡି ପାଇଁ ଏକ ସକାରାତ୍ମକ ଭାବମୂର୍ତ୍ତି ସୃଷ୍ଟି କରିଛି ।

ମିଶନ ଶକ୍ତିର ଉନ୍ନତିକରଣକୁ ଏକ ସାଧାରଣ ସଙ୍ଗଠନରୁ ରାଜ୍ୟ ପ୍ରଶାସନ ଅଧୀନରେ ଏକ ପୃଥକ ବିଭାଗକୁ ଉନ୍ନୀତ କରିବା ଏବଂ ମହିଳା ସ୍ୱୟଂ ସହାୟକ ଗୋଷ୍ଠୀକୁ ଏକ ସଫଳତମ ସ୍ଥରକୁ ନେବା ଯୋଗୁଁ ରାଜ୍ୟର ମହିଳାମାନଙ୍କ ପାଇଁ ବିଜେଡି ସୁପ୍ରିମୋ ଲୋକପ୍ରିୟ ହୋଇ ପାରିଛନ୍ତି ।

English summary

Women representation, Ukraine crisis and Panchayat poll results: BJD all set to sweep the urban votes