ମୋହନ ଯାଦବଙ୍କ ପରି ଏକ ନୂଆ ମୁହଁ ରାଜସ୍ଥାନର ସିଏମ୍ ହେବେ କି? ଏମାନଙ୍କୁ ବସୁନ୍ଧରାଙ୍କ ବଦଳରେ ମୁଖ୍ୟମନ୍ତ୍ରୀ କରାଯାଇପାରେ
ରାଜସ୍ଥାନ:ଛତିଶଗଡ-ମଧ୍ୟପ୍ରଦେଶ ଭଳି ବିଜେପି ରାଜସ୍ଥାନରେ ଚୟନ ନିଷ୍ପତ୍ତିରେ ସମସ୍ତଙ୍କୁ ଆଶ୍ଚର୍ଯ୍ୟ କରିପାରେ । ତେବେ ମଧ୍ୟପ୍ରଦେଶର ଓବିସି ବର୍ଗ ତଥା ଛତିଶଗଡର ଆଦିବାସୀ ବର୍ଗରୁ ମୁଖ୍ୟମନ୍ତ୍ରୀ ହେବା ପରେ ସାଧାରଣ ବର୍ଗର ଜଣେ ବିଧାୟକଙ୍କୁ ରାଜସ୍ଥାନରେ ସିଏମ୍ କରାଯାଇପାରେ ବୋଲି ଏବେ ଆଲୋଚନା ହେଉଛି । ଆଜି ଦିନ ଅପରାହ୍ନ ୪ ଟାରେ ଜୟପୁରରେ ବିଜେପିର ବିଧାୟକ ଦଳର ବୈଠକ ଅନୁଷ୍ଟିତ ହେବ । ଆଉ ସକାଳ ୧୧ ଟା ମଧ୍ୟ ସମସ୍ତ ବିଧାୟକଙ୍କୁ ନିର୍ଦ୍ଦେଶ ଦିଆଯାଇଛି ବୈଠକରେ ଆସି ପହଁଞ୍ଚିବା ପାଇଁ ରାଜସ୍ଥାନର ନୂଆ ମୁଖ୍ୟମନ୍ତ୍ରୀ ଚୟନ ପାଇଁ ନିଯୁକ୍ତ ହୋଇଥିବା ପର୍ଯ୍ୟବେକ୍ଷକ ରାଜନାଥ ସିଂହ, ଦିନ ୧୨ଟାରେ ଜୟପୁର ବିମାନବନ୍ଦରରେ ପହଞ୍ଚିବେ ।
ସେ ଏକ ସ୍ୱତନ୍ତ୍ର ବାୟୁସେନା ବିମାନ ଯୋଗେ ଦିଲ୍ଲୀରୁ ଜୟପୁର ଆସୁଛନ୍ତି ରାଜନାଥ । ରାଜନାଥ ସିଂ ଜଣେ ପର୍ଯ୍ୟବେକ୍ଷକ ଭାବରେ ସିଏମଙ୍କ ଚେହେରା ସ୍ଥିର କରିବାକୁ ଆସୁଛନ୍ତି । ରାଜସ୍ଥାନ ଆଜି ଅପରାହ୍ନରେ ଏକ ନୂତନ ସିଏମ୍ ପାଇବ ପରେ ରାଜନାଥ ସିଂ ସନ୍ଧ୍ୟା ୭ ଟାରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି । ମଧ୍ୟପ୍ରଦେଶର ଶିବରାଜ ସିଂଙ୍କୁ ସୁଯୋଗ ନ ଦେବା ପରେ ରାଜସ୍ଥାନରେ ବସୁନ୍ଦର ରାଜେଙ୍କୁ ସିଏମ୍ କରିବାର ସମ୍ଭାବନା ଯଥେଷ୍ଟ କମିଛି । ରାଜସ୍ଥାନରେ ସିଏମ ଚେହେରା କେବଳ ନୂଆ ନୁହେଁ ବରଂ ବିଧାୟକମାନଙ୍କ ମଧ୍ୟରୁ ଚୟନ କରାଯାଇପାରେ ବୋଲି ଏବେ ଆକଳନ କରାଯାଉଛି । ରାଜସ୍ଥାନରେ, ସାଧାରଣ ବର୍ଗ ସହିତ, ଜଣେ ମହିଳା ବିଧାୟକଙ୍କ ମଧ୍ୟରୁ କାହାକୁ ବି ସୁଯୋଗ ମିଳିପାରେ କିମ୍ବା ଏସସି ବର୍ଗର ଜଣେ ବିଧାୟକଙ୍କୁ ମଧ୍ୟ ସୁଯୋଗ ଦିଆଯାଇପାରେ ବୋଲି ଆଲୋଚନା ହେଉଛି ।
ଆଉ ଯଦି ଏଭଳି ହୁଏ ତେବେ ଏହି ବିଧାୟକଙ୍କ ନାମ ଉପରେ ଅଧିକ ଆଲୋଚନା କରାଯିବ । ଏଥିରେ ଦିୟା କୁମାରୀ, ରାଜୀବର୍ଦ୍ଧନ ରାଠୋର, ପୁଷ୍ପେନ୍ଦ୍ର ସିଂ ରାଣାଟ, ଯୋଗେଶ୍ୱର ଗର୍ଗ ଏବଂ ଅନୀତା ଭଡେଲଙ୍କ ପରି ବିଧାୟକଙ୍କ ନାମ ଆଲୋଚନା ହେଉଛି । ଯଦି ବିଧାୟକଙ୍କ ବାହାରେ କାହାକୁ ସୁଯୋଗ ଦିଆଯାଏ, ତେବେ ସିପି ଯୋଶୀ ଗଜେନ୍ଦ୍ର ଶେଖୱାଟ ମଧ୍ୟ ମୁଖ୍ୟମନ୍ତ୍ରୀଙ୍କ ଦୌଡ଼ରେ ରହିଛନ୍ତି ।
Click it and Unblock the Notifications
Sign in with Google