ଏଥର କାମ କରିବ ତ ରାହୁଲଙ୍କ 'ନ୍ୟାୟ' କାର୍ଡ?
ନୂଆଦିଲ୍ଲ:ରାହୁଲ ଗାନ୍ଧୀଙ୍କ ଭାରତ ଯୋଡ ଯାତ୍ରାର ଦ୍ୱିତୀୟ ପର୍ଯ୍ୟାୟ କଂଗ୍ରେସ ଘୋଷଣା କରିଛି । ଏହାର ନାମ ରଖିଛି ଭରତ ନ୍ୟାୟ ଯାତ୍ରା । ଲୋକସଭା ନିର୍ବାଚନ ପୂର୍ବରୁ ରାହୁଲ ଗାନ୍ଧୀ ଜାନୁଆରୀ ୧୪ ରେ ଉତ୍ତର-ପୂର୍ବ ରାଜ୍ୟ ମଣିପୁରରୁ ଏହି ଯାତ୍ରା ଆରମ୍ଭ କରିବେ ଏବଂ ମାର୍ଚ୍ଚ ୨୦ ରେ ମୁମ୍ବାଇରେ ଏହି ଯାତ୍ରା ଶେଷ ହେବ । ୧୪ ଟି ରାଜ୍ୟ ଦେଇ ଯାଉଥିବା ଏହି ଯାତ୍ରା ସମୟରେ ରାହୁଲ ବସ୍ ଏବଂ ପାଦରେ ପ୍ରାୟ ୬୨୦୦ କିଲୋମିଟର ଅତିକ୍ରମ କରିବେ ।
କଂଗ୍ରେସର ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି ଯେ ଏହି ଯାତ୍ରା ଅର୍ଥନୈତିକ, ସାମାଜିକ ତଥା ରାଜନୈତିକ ନ୍ୟାୟ ପାଇଁ ହେବ । ଏଭଳି ପରିସ୍ଥିତିରେ ଏବେ ପ୍ରଶ୍ନ ଉଠୁଛି, ରାହୁଲ ଗାନ୍ଧୀଙ୍କ ଏହି ଗସ୍ତ ଲୋକସଭା ନିର୍ବାଚନରେ କେତେ ପ୍ରଭାବ ପକାଇବ?
କଂଗ୍ରେସ ତାହାର ପୁରୁଣା ପ୍ରତିଶ୍ରୁତିକୁ ଆଗକୁ ବଢ଼ାଇବ
୨୦୧୯ ଲୋକସଭା ନିର୍ବାଚନ ପୂର୍ବରୁ ମଧ୍ୟ ରାହୁଲ ଗାନ୍ଧୀ "ନ୍ୟାୟ" ପ୍ରସଙ୍ଗରେ ପ୍ରତିଦ୍ୱନ୍ଦ୍ୱିତା କରିଥିଲେ । କଂଗ୍ରେସ ଏହାର ମନିଫେଷ୍ଟରେ ସର୍ବନିମ୍ନ ଆୟ ଯୋଜନା (ନ୍ୟାୟ) ଘୋଷଣା କରିଥିଲେ । ଯେଉଁଥିରେ ଗରୀବ ପରିବାରକୁ ଅତି କମରେ ୭୨ ହଜାର ଟଙ୍କା ଦେବାକୁ ପ୍ରତିଶୃତି ଦିଆଯାଇଥିଲା । କିନ୍ତୁ ଲୋକମାନେ ପିଏମ ମୋଦୀଙ୍କୁ ଆଉ ଏକ ସୁଯୋଗ ଦେଇଥିଲେ ।
ନିର୍ବାଚନ ପରେ ଦଳ କରିଥିବା ସମୀକ୍ଷାରେ କଂଗ୍ରେସ ଜାଣିବାକୁ ପାଇଥିଲା ଯେ ନ୍ୟାୟ ଯୋଜନା ବିଷୟରେ ଲୋକମାନେ ଅଧିକ ଜାଣି ନଥିଲେ । ଆଉ ବର୍ତ୍ତମାନ, ୨୦୨୪ ଲୋକସଭା ନିର୍ବାଚନ ପୂର୍ବରୁ ରାହୁଲ ଗାନ୍ଧୀଙ୍କ ଯାତ୍ରାକୁ ନୟା ଯାତ୍ରାର ନାମକରଣ କରାଯାଇଛି, ଏଥିରୁ ସ୍ପଷ୍ଟ ହେଉଛି କଂଗ୍ରେସ ସର୍ବନିମ୍ନ ଆୟ ଯୋଜନାର ପୁରୁଣା ପ୍ରତିଶ୍ରୁତି ଏହି ଯାତ୍ରା ମାଧ୍ୟମରେ ଆରମ୍ଭ କରିବାକୁ ଯାଉଛି ।
ରାହୁଲ ମଣିପୁରରୁ ଯାତ୍ରା ଆରମ୍ଭ କରିବାର ରହିଛି ଅର୍ଥ
ଏହି ଗସ୍ତ ସମୟରେ ରାହୁଲ ଗାନ୍ଧୀ ସର୍ବନିମ୍ନ ଆୟ ଗ୍ୟାରେଣ୍ଟି ତଥା ମୁଦ୍ରାସ୍ଫୀତି, ବେକାରୀ, କେତେକ ପୁଞ୍ଜିପତିଙ୍କ ସାମ୍ରାଜ୍ୟ ଭଳି ଅର୍ଥନୈତିକ ପ୍ରସଙ୍ଗ ଉଠାଇ ମୋଦୀ ସରକାରଙ୍କୁ ଘେରିବେ । ପ୍ରାୟ ଏକ ବର୍ଷ ଧରି ଅଶାନ୍ତ ହୋଇପଡିଥିବା ମଣିପୁରରୁ ଏହି ଯାତ୍ରା ଆରମ୍ଭ ହେଉଥିବାରୁ ରାହୁଲ ମଧ୍ୟ ବିଜେପି ସରକାର ଉପରେ ଦେଶରେ ସାମ୍ପ୍ରଦାୟିକ ପୋଲାରାଇଜେସନ୍ ଅଭିଯୋଗ ମଧ୍ୟ ଲଗାଇବେ ।
ରାହୁଲ ଗାନ୍ଧୀ ସେପ୍େଟମ୍ବର ୨୦୨୨ ରୁ ଜାନୁୟାରୀ ୨୦୨୩ ମଧ୍ୟରେ କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ ପାଦରେ ଚାଲି ଭାରତ ଯୋଡା ଯାତ୍ରା କରିଥିଲେ । ଏହା ପରେ କର୍ଣ୍ଣାଟକ ଏବଂ ତେଲେଙ୍ଗାନାରେ କଂଗ୍ରେସ ଗଠନ କରିଥିଲା କିନ୍ତୁ ରାଜସ୍ଥାନ ଏବଂ ମଧ୍ୟପ୍ରଦେଶରେ ନିର୍ବାଚନରେ ହାରିଗଲା । ଦେଖିବାକୁ ବାକି ରହିଲା ରାହୁଲ ଗାନ୍ଧୀଙ୍କ ଦ୍ୱିତୀୟ ଯାତ୍ରା କେତେ ସଫଳ ହେଉଛି ।
ନ୍ୟାୟ ଯାତ୍ରା କେଉଁ ରାଜ୍ୟ ଦେଇ ଯିବ ?
ଆସନ୍ତୁ ଆପଣଙ୍କୁ କହିବା ଯେ ଏଥର ରାହୁଲ ଗାନ୍ଧୀଙ୍କ ଯାତ୍ରା ୬,୨୦୦ କିଲୋମିଟର ହେବ ଯାହା ୧୪ ଟି ରାଜ୍ୟକୁ ଅତିକ୍ରମ କରିବ । କଂଗ୍ରେସର ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି ଯେ ଏଥର 'ଯାତ୍ରା' ର ମାଧ୍ୟମ ବସ୍ ଏବଂ ପାଦ ଯାତ୍ରା ହେବ । ସେ କହିଛନ୍ତି ଯେ ନୟା ଯାତ୍ରା ମଣିପୁର, ନାଗାଲାଣ୍ଡ, ଆସାମ, ମେଘାଳୟ, ପଶ୍ଚିମବଙ୍ଗ, ବିହାର, ଷ ।ଡଖଣ୍ଡ, ଓଡ଼ିଶା, ଛତିଶଗଡ, ଉତ୍ତରପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନ, ଗୁଜୁରାଟ ଏବଂ ମହାରାଷ୍ଟ୍ରର ରାଜ୍ୟକୁ ଏହି ଯାତ୍ରା କଭର କରିବ ।
Click it and Unblock the Notifications
Sign in with Google