ଲଢିବେ ନାହିଁ ନିର୍ବାଚନ: ମା'ମେନକାଙ୍କ ପାଇଁ ପ୍ରଚାର କରିବେ ବରୁଣ ଗାନ୍ଧୀ

Updated: Wednesday, March 27, 2024, 12:58 [IST]

Varun Gandhi News: ମିଳିଲା ନାହିଁ ଟିକେଟ୍, ୨୦୨୪ ଲୋକସଭା ନିର୍ବାଚନ ଲଢିବେ ନାହିଁ ବରୁଣ ଗାନ୍ଧୀ । ହେଲେ ମା' ମାନେକା ଗାନ୍ଧୀଙ୍କ କରିବେ ପ୍ରଚାର । ଉତ୍ତରପ୍ରଦେଶର ପଲଭିତରୁ ଆସନରୁ ବିଜେପି ନେତା ବରୁଣ ଗାନ୍ଧୀ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ପାର୍ଟି ତାଙ୍କ ସ୍ଥାନରେ ଏଥର ଏହି ସ୍ଥାନରୁ ଜିତିନ ପ୍ରସାଦଙ୍କୁ ପାର୍ଟି ପକ୍ଷରୁ ଟିକେଟ୍ ମିଳିଛି ସେହିପରି ବରୁଣ ଗାନ୍ଧୀଙ୍କ ମା ମାନେକା ଗାନ୍ଧୀଙ୍କୁ ପୁଣି ସୁଲତାନପୁରରୁ ସୁଯୋଗ ଦିଆଯାଇଛି। ଏନେଇ ନିଜେ ବରୁଣି ଗାନ୍ଧୀ ଆଜି ସୂଚନା ଦେଇଛନ୍ତି ।

ବର୍ତ୍ତମାନ ଏହା ସ୍ପଷ୍ଟ ହୋଇଛି ଯେ, ବରୁଣ ଗାନ୍ଧୀ ଏଥର ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ବରଂ ତାଙ୍କୁ ତାଙ୍କ ମା ପାଇଁ ପ୍ରଚାର କରୁଥିବାର ଦେଖିବାକୁ ମିଳିବ। ପ୍ରକୃତରେ, ଟିକେଟ୍ ଘୋଷଣା ପୂର୍ବରୁ ବରୁଣ ନାମାଙ୍କନପତ୍ର କ୍ରୟ କରିଥିଲେ, ଯାହା ପରେ ତାଙ୍କର ନିର୍ବାଚନରେ ପ୍ରତିଦ୍ୱନ୍ଦ୍ୱିତା ପାଇଁ ସମ୍ପୂର୍ଣ୍ଣ ପ୍ରସ୍ତୁତି ଚାଲିଥିଲା।

ସେପଟେ ବରୁଣଙ୍କୁ ଟେକଟ୍ ନମିଳିବା ନେଇ ପ୍ରତିକ୍ରିୟା ରଖିଛନ୍ତି ବିଜେପି ଅଧ୍ୟକ୍ଷ ଚୌଧୁରୀ ଭୂପେନ୍ଦ୍ର ସିଂହ । ସେ କହିଛନ୍ତି, ଏଥର ବରୁଣ ଗାନ୍ଧୀଙ୍କୁ ଲୋକସଭା ନିର୍ବାଚନ ୨୦୨୪ ପାଇଁ ଟିକେଟ୍ ମିଳିନାହିଁ ହେଲେ ସେ ଦଳ ସହ ଅଛନ୍ତି । ତାଙ୍କ ପାଇଁ ଦଳୀୟ ନେତୃତ୍ୱ ଉତ୍ତମ ପ୍ଲାନ୍ ନିଶ୍ଚୟ କରିଥିବ ।

ବିଜେପିରୁ ଟିକେଟ୍ ନ ମିଳିଲେ ବରୁଣ ଗାନ୍ଧୀ ସ୍ୱାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ନେଇ ଚର୍ଚ୍ଚା ଜୋର ଧରିଥିଲା । ଆଲୋଚନ ଉପରେ ଦଳର ବରିଷ୍ଠ ନେତା ମାନେ ବ୍ରେକ୍ ଲଗାଇଥିଲେ । ବରୁଣ ଗାନ୍ଧୀ ସୁଲତାନପୁରରୁ ତାଙ୍କ ମା' ମାନେକା ଗାନ୍ଧୀଙ୍କ ପାଇଁ ପ୍ରଚାର କରୁଥିବା ଦେଖିବାକୁ ମିଳିବ।

ବରୁଣ ଗାନ୍ଧୀଙ୍କ ଟିକେଟ୍ ନ ମିଳିବାରୁ, କଂଗ୍ରେସ ନେତା ଆଧୀର ରଂଜନ ଚୌଧୁରୀଙ୍କ ବିବୃତ୍ତି ପ୍ରକାଶ ପାଇଛି । ସେ ବରୁଣଙ୍କୁ କଂଗ୍ରେସରେ ଯୋଗ ଦେବା ନେଇ ପ୍ରସ୍ତାବ ଦେଇଛନ୍ତି ଏହା ସହ ସେ ଅଭିଯୋଗ କରିଛନ୍ତି ଯେ ସେ ଗାନ୍ଧୀ ପରିବାରର ହୋଇଥିବାରୁ ବରୁଣ ଗାନ୍ଧୀଙ୍କୁ ଟିକେଟ୍ ଦେଇନାହାଁନ୍ତି।