ୟୁପି ବାଇପୋଲ ରିଜଲ୍ଟ: ଆଜମଗଡରେ ବାଜି ମାରିଲେ BJP ପ୍ରାର୍ଥୀ

ଉତ୍ତର ପ୍ରଦେଶରେ ଚଳିତ ଲୋକସଭା ଉପ-ନିର୍ବାଚନରେ ଫଳାଫଳ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସମାଜବାଦୀ ପାର୍ଟିର ବରିଷ୍ଠ ନେତା ଆଜାମ ଖାନଙ୍କ ଗଡ଼ ଭାବେ ପରିଚିତ ରାମପୁରର ଆସନ ଛଡ଼ାଇ ପୂର୍ବ ରେକର୍ଡ ଭାଙ୍ଗିବାରେ ସଫଳ ହୋଇଛି ଭାରତୀୟ ଜନତା ପାର୍ଟି ।

ଲକ୍ଷ୍ନୌ: ଉତ୍ତର ପ୍ରଦେଶରେ ଚଳିତ ଲୋକସଭା ଉପ-ନିର୍ବାଚନରେ ଫଳାଫଳ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସମାଜବାଦୀ ପାର୍ଟିର ବରିଷ୍ଠ ନେତା ଆଜାମ ଖାନଙ୍କ ଗଡ଼ ଭାବେ ପରିଚିତ ରାମପୁରର ଆସନ ଛଡ଼ାଇ ପୂର୍ବ ରେକର୍ଡ ଭାଙ୍ଗିବାରେ ସଫଳ ହୋଇଛି ଭାରତୀୟ ଜନତା ପାର୍ଟି । ବିଜେପିର ଦୁଇ ପ୍ରାର୍ଥୀ ଘନଶ୍ୟାମ ଲୋଧି ଓ ଦୀନେଶ ଲାଲ ନିରୁହା ବିଜୟ ଟିକା ପିନ୍ଧିବାରେ ସଫଳ ହୋଇଛନ୍ତି।

ରାମପୁର ଆସନରୁ ପ୍ରାୟ 42 ହଜାର ଭୋଟ ବ୍ୟବଧାନରେ ଘନଶ୍ୟାମ ଲୋଧି ବିଜୟୀ ହୋଇଛନ୍ତି। ସେହିପରି ଆଜମଗଡ ଉପ-ନିର୍ବାଚନରେ ​​ବିଜେପିର ଦୀନେଶ ଲାଲ ନିରୁହା ମଧ୍ୟ ନିଜ ନିକଟତମ ପ୍ରତିଦ୍ବନ୍ଦୀଙ୍କୁ ପ୍ରାୟ 12 ହଜାର ଭୋଟ ବ୍ୟବଧାନରେ ପରାଜିତ କରିଛନ୍ତି । ଆଜି ରାମପୁର ଏବଂ ଆଜାମଗଡରେ ସକାଳ 8 ଟାରୁ ଭୋଟ୍ ଗଣନା ଆରମ୍ଭ ହୋଇଥିଲା । ଆଜମଗଡରେ ଗଣତି ଆରମ୍ଭରେ ସମାଜବାଦୀ ପାର୍ଟି ପ୍ରାର୍ଥୀ ଧର୍ମେନ୍ଦ୍ର ଯାଦବ ଆଗୁଆ ରହିଥିଲେ । ଏଥି ସହିତ ରାମପୁରର ମଧ୍ୟ ସମାଜବାଦୀ ପାର୍ଟି ପ୍ରାର୍ଥୀ ଅସୀମ ରାଜା ମଧ୍ୟ ଆଗରେ ଥିଲେ ।

ପରବର୍ତ୍ତୀ ସମୟରେ ଉଭୟ ଆସନରେ ବିଜେପି ପ୍ରାର୍ଥୀ ଆଗରେ ରହିବା ସହ ଘନଶ୍ୟାମ ଲୋଧୀଙ୍କ ବିଜୟ ସ୍ପଷ୍ଟ ହୋଇସାରିଛି । ଲୋଧୀଙ୍କୁ ମୋଟ 3,52,674 ଭୋଟ ମିଳିଥିବା ଜଣାପଡିଛି ।

English summary

The results in the ongoing Lok Sabha by-elections in Uttar Pradesh have taken everyone by surprise. The Bharatiya Janata Party has managed to break the previous record by snatching the seat of Rampur, known as the stronghold of senior Samajwadi Party leader Azam Khan. Two BJP candidates Ghanshyam Lodhi and Dinesh Lal Niruha have managed to wear the victory .