କୋଏମ୍ବାଟୁର ଦକ୍ଷିଣ ଆସନରୁ ପ୍ରତିଦ୍ୱନ୍ଦ୍ୱିତା କରିବେ କମଲ ହାସନ
କମଲ ହାସନ ଏପ୍ରିଲ 6 ରେ ହେବାକୁ ଥିବା ତାମିଲନାଡୁ ବିଧାନସଭା ନିର୍ବାଚନରେ କୋଏମ୍ବାଟୁର ଦକ୍ଷିଣ ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି
ତାମିଲନାଡୁ : ଅଭିନେତା-ରାଜନେତା କମଲ ହାସନ ଏପ୍ରିଲ 6 ରେ ହେବାକୁ ଥିବା ତାମିଲନାଡୁ ବିଧାନସଭା ନିର୍ବାଚନରେ କୋଏମ୍ବାଟୁର ଦକ୍ଷିଣ ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି । ତାଙ୍କ ଦଳର ପ୍ରାର୍ଥୀଙ୍କ ଦ୍ୱିତୀୟ ତାଲିକା ପ୍ରକାଶ କରି ଶୁକ୍ରବାର ଦିନ ମକ୍କାଲ ନିଧି ମାୟାମ (ଏମଏନଏମ) ର ସଭାପତି ଏହି ଘୋଷଣା କରିଛନ୍ତି ।
ତାଙ୍କ ସ୍ୱର୍ଗତ ପିତା ଶ୍ରୀନିବାସନ୍ ଙ୍କୁ ସ୍ମରଣ କରି ହାସନ ଆତ୍ମବିଶ୍ୱାସ ବ୍ୟକ୍ତ କରିଥିଲେ ଯେ ତାଙ୍କ ନିର୍ବାଚନମଣ୍ଡଳୀର ଲୋକମାନେ ତାଙ୍କୁ ଭୋଟ୍ ଦେବେ ଏବଂ ତାଙ୍କୁ ବିଧାନସଭାରେ ନିଜର ମତ ରଖିବାକୁ ସକ୍ଷମ କରିବେ । ସାମ୍ବାଦିକମାନଙ୍କୁ ପ୍ରତିକ୍ରିୟା ଦେଇ ସେ କହିଛନ୍ତି, 'ମୋ ବାପାଙ୍କ ସ୍ୱପ୍ନ ଥିଲା ଆଇଏଏସ୍ ଅଧିକାରୀ ହେବା ଏବଂ ପରେ ରାଜନୀତିରେ ପ୍ରବେଶ କରିବା ।
ଯଦିଓ ମୁଁ ତାଙ୍କ ସ୍ୱପ୍ନକୁ ସାକାର କରିପାରିଲି ନାହିଁ (IAS ଅଧିକାରୀ ହେବାର), ମୋ ପାର୍ଟି ଅନେକ (ପୂର୍ବତନ) IAS ଅଧିକାରୀଙ୍କୁ ନେଇ ଗଠିତ । ଏହା ଆମ ପାଇଁ ଗର୍ବର ମୁହୂର୍ତ୍ତ। ' ନିକଟରେ MNM ଆସନ୍ତା ତାମିଲନାଡୁ ନିର୍ବାଚନ ପାଇଁ ଏହାର ମିଳିତ ସହଯୋଗୀମାନଙ୍କ ସହ ସିଟ୍ ବଣ୍ଟନ ବ୍ୟବସ୍ଥା ଚୂଡାନ୍ତ କରିସାରିଛି ଏବଂ 234 ଟି ସିଟ୍ ମଧ୍ୟରୁ 154 ଟି ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛି । ଅବଶିଷ୍ଟ 80 ଟି ସିଟ୍ ପାଇଁ ଏହାର ଦୁଇ ମିଳିତ ସହଯୋଗୀ - ଆର ସାରଥକୁମାରଙ୍କ ନେତୃତ୍ୱରେ ଅଲ୍ ଇଣ୍ଡିଆ ସାମୁଥୁୱା ମକ୍କାଲ କାଚି (AISMK) ଏବଂ ଟିଆର ପାର୍ବିନ୍ଦରଙ୍କ ଇଣ୍ଡିଆ ଜନନାୟାଗା କାଚି (IJK) 40-40 ଟି ଆସନରେ ପ୍ରତିଦ୍ୱନ୍ଦ୍ୱିତା କରିବେ ।
Click it and Unblock the Notifications
Sign in with Google