Shyam Rangeela: ପ୍ରଧାନମନ୍ତ୍ରୀ ମୋଦୀଙ୍କୁ ଟକ୍କର ଦେବେ ଶ୍ୟାମ ରଙ୍ଗିଲା ! କିଏ ଏହି ଶ୍ୟାମ୍... ଜାଣନ୍ତୁ ସମ୍ପୂର୍ଣ୍ଣ କାହାଣୀ

Shyam Rangeela: ୨୦୨୪ ଲୋକସଭା ନିର୍ବାଚନ ପାଇଁ ସରଗରମ୍ ପ୍ରଚାର ମୈଦାନ । ସାରା ଦେଶରେ ବିଜେପି ନିଜର କାୟା ବିସ୍ତାର କରି ୪୦୦ ପାର୍ ଆସନ ହାତେଇବା ଲକ୍ଷ୍ୟରେ ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଜୋରଦାର ହେଉଛି ପ୍ରଚାର । ଏଥର ମଧ୍ୟ ମୋଦୀ ତୃତୀୟ ଥର ପାଇଁ ବାରଣାସୀ ଆସନରୁ ନାମାଙ୍କନ ଦାଖଲ କରିଛନ୍ତି ।

ସବୁଠାରୁ ରୋଚକ କଥା ହେଲା, ମୋଦୀଙ୍କ ପ୍ରତିଦ୍ୱନ୍ଦୀ ଭାବେ ନାମାଙ୍କନ ଭରିବାକୁ ଚାହୁଁଛନ୍ତି ଶ୍ୟାମ୍ ରଙ୍ଗିଲା । କିନ୍ତୁ ଶ୍ୟାମ ରଙ୍ଗେଇଲା ବାରାଣାସୀରୁ ନାମାଙ୍କନପତ୍ର ଦାଖଲ କରିବାରେ ସକ୍ଷମ ହୋଇ ନାହାଁନ୍ତି । ନାମାଙ୍କନ ଭରିବାକୁ ତାଙ୍କୁ ଅନୁମତି ଦିଆଯାଉ ନାହିଁ ବୋଲି ସେ ଅଭିଯୋଗ କରୁଛନ୍ତି ।
ଶ୍ୟାମ ରଙ୍ଗେଇଲା ମଧ୍ୟ ନିର୍ବାଚନ ଆୟୋଗଙ୍କୁ ଏକ ଚିଠି ପଠାଇ ସ୍ଥାନୀୟ ପ୍ରଶାସନ ତାଙ୍କୁ ବାରାଣାସୀ ଆସନରୁ ନାମାଙ୍କନ ଫର୍ମ ପୂରଣ କରିବାକୁ ଦେଇ ନ ଥିବା ଅଭିଯୋଗ କରିଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ ନିର୍ବାଚନ ଲଢିବାକୁ ଘୋଷଣା କରିବା ଦିନଠାରୁ ଶ୍ୟାମ ରଙ୍ଗିଲା ସୋଲିଆଲ ମିଡିଆ ଠାରୁ ଆରମ୍ଭ କରି ଖବରରେ ଟ୍ରେଣ୍ଡରେ ରହିଛନ୍ତି ।

ତେବେ କିଏ ଏହି ଶ୍ୟାମ ରଙ୍ଗିଲା ? ମୋଦୀଙ୍କ ବିପକ୍ଷରେ ପ୍ରାର୍ଥୀ ହେବାକୁ କାହିଁକି ମନସ୍ଥ କରିଛନ୍ତି ? ତାଙ୍କର ମୋଟ୍ ସମ୍ପତ୍ତି କେତେ ଆସନ୍ତୁ ଜାଣିବା ।

ବାରାଣାସୀ ସଂସଦ ନିର୍ବାଚନମଣ୍ଡଳୀରୁ ୨୦୨୪ ସାଧାରଣ ନିର୍ବାଚନରେ ତାଙ୍କ ପ୍ରାର୍ଥୀ ଘୋଷଣା ପରେ ଗଣମାଧ୍ୟମ ସହ କଥାବାର୍ତ୍ତା ବେଳେ ଶ୍ୟାମ ରଙ୍ଗିଲା ନିଜେ କହିଛନ୍ତି ଯେ ସୋସିଆଲ ମିଡିଆରେ ତାଙ୍କର 25 ଲକ୍ଷ ଫଲୋର୍ସ ଅଛନ୍ତି, କିନ୍ତୁ ନାମାଙ୍କନ ଦାଖଲ କରିବାକୁ 25 ହଜାର ଟଙ୍କା ମଧ୍ୟ ନାହିଁ । ସେ ନିର୍ବାଚନୀ ପ୍ରଚାର ଖର୍ଚ୍ଚ ପାଇଁ କ୍ରାଉଡ୍ ଫଣ୍ଡି କରିବେ ।

ଆପଣଙ୍କୁ କହି ରଖୁଛୁ, ଶ୍ୟାମ ରଙ୍ଗିଲା ଜଣେ ୟୁଟ୍ୟୁବର । ସେ କମେଡ଼ି କରିବା ସହ ମିମିକ୍ରି କରିଥାନ୍ତି । ଏପରିକି ସେ ପ୍ରଧାନମନ୍ତ୍ରୀ ମୋଦୀ ଏବଂ କଂଗ୍ରେସ ନେତା ରାହୁଲ ଗାନ୍ଧୀଙ୍କ ମିମିକ୍ରି କରି ବେଶ୍ ଲୋକପ୍ରିୟ ହୋଇଥିଲେ । ନିଜର କମେଡ଼ି ଭିଡ଼ିଓ ୟୁଟ୍ୟୁବରେ ଅପଲୋଡ୍ କରନ୍ତି । @ShyamRangeela ୟ୍ୟୁଟୁବ୍ ଚ୍ୟାନେଲରେ ୯୪୮ହଜାର ସବସ୍କ୍ରାଇବର ଅଛନ୍ତି । NetWorthSpot ନାମକ ଏକ ୱେବସାଇଟ୍ ଅନୁସାରେ, ଯଦିଓ ଶ୍ୟାମ ରେଙ୍ଗିଲାଙ୍କ ସମ୍ପତ୍ତିର ମୂଲ୍ୟ ସ୍ପଷ୍ଟ ନୁହେଁ, କିନ୍ତୁ ଅନୁମାନ କରାଯାଉଛି ଯେ ୟୁଟ୍ୟୁବ୍ ଚ୍ୟାନେଲରୁ ଶ୍ୟାମ ରେଙ୍ଗିଲାଙ୍କ ଆୟ ପ୍ରାୟ 100 ହଜାର ଡଲାର ।

English summary

shyam rangeela contesting against Narendra modi From Varanasi, know about him