Lok Sabha Election 2024: ଆମେଠୀରୁ ନୁହେଁ କଂଗ୍ରେସର ଏହି ଆସନରୁ ନିର୍ବାଚନ ଲଢିପାରନ୍ତି ରାହୁଲ ଗାନ୍ଧୀ

Updated: Thursday, May 2, 2024, 11:52 [IST]

Lok Sabha Election 2024: ଗାନ୍ଧୀ ପରିବାରର ଗଡ କୁହାଯାଉଥିବା ୟୁପିର ଆମେଠୀ ଏବଂ ରାୟବରେଲି ଆସନକୁ ନେଇ କଂଗ୍ରେସ ଏପର୍ଯ୍ୟନ୍ତ ପ୍ରାର୍ଥୀଙ୍କ ନାଁ ଘୋଷଣା କରିନାହିଁ । ଏକ ଜାତିୟ ଗଣମାଧ୍ୟମ ରିପୋର୍ଟ ଅନୁସାରେ, କଂଗ୍ରେସ ନେତା ରାହୁଲ ଗାନ୍ଧୀ ଆମେଠୀ ବଦଳରେ ରାୟବରେଲି ଆସନରୁ ନିର୍ବାଚନ ଲଢିପାରନ୍ତି ।

ସେହିପରି କଂଗ୍ରେସ ବିଜେପି ପ୍ରାର୍ଥୀ ତଥା କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ବିରୋଧରେ ଆମେଠୀରୁ କେ.ଏଲ୍ ଶର୍ମାଙ୍କୁ ପ୍ରାର୍ଥୀ କରିପାରେ । ଦଳ ଗୁରୁବାର ଅର୍ଥାତ୍ ମେ'୨ ତାରିଖର ଅପରାହ୍ନ ସମୟରେ ୟୁପିର ଉଭୟ ଆସନ ପାଇଁ ପ୍ରାର୍ଥୀ ଘୋଷଣା କରିବାର ସମ୍ଭାବନା ରହିଛି ।

ସୂତ୍ରରୁ ପ୍ରକାଶ ଯେ ରାହୁଲ ଗାନ୍ଧୀ ପୂର୍ବତନ କଂଗ୍ରେସ ସଭାପତି ତଥା ତାଙ୍କ ମା ସୋନିଆ ଗାନ୍ଧୀଙ୍କ ପରାମର୍ଶ କ୍ରମେ ନିଜ ନିଷ୍ପତ୍ତି ଉପରେ ପୁନର୍ବିଚାର କରିଛନ୍ତି । ଏଥିରୁ ସ୍ପଷ୍ଟ ହୋଇଛି ଯେ, ପ୍ରିୟଙ୍କା ଗାନ୍ଧୀ ରାୟବରେଲୀ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ତେବେ ବର୍ତ୍ତମାନ ପର୍ଯ୍ୟନ୍ତ ସୋନିଆ ଗାନ୍ଧୀ ସକ୍ରିୟ ରାଜନୀତିରୁ ଅବସର ନେବା ପରେ କଂଗ୍ରେସ ରାୟବରେଲି ପ୍ରିୟଙ୍କା ଗାନ୍ଧୀଙ୍କୁ ଟିକେଟ୍ ଦେଇପାରେ ବୋଲି କଳ୍ପନାଜଳ୍ପନା ଚାଲିଛି।

ସୂଚନାଥାଉ ଯେ, ରାହୁଲ ଗାନ୍ଧୀ ୨୦୦୪ ରୁ ୨୦୧୯ ପର୍ଯ୍ୟନ୍ତ ଆମେଠୀରୁ ସାଂସଦ ରହିଛନ୍ତି । ସେ ୨୦୧୯ ଲୋକସଭା ନିର୍ବାଚନରେ କେରଳର ଆମେଠୀ ଏବଂ ୱାୟନାଡ ଆସନରୁ ପ୍ରତିଦ୍ୱନ୍ଦ୍ୱିତା କରିଥିଲେ, କିନ୍ତୁ ଆମେଠୀରୁ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ସେ ନିର୍ବାଚନ ହାରି ଯାଇଥିଲେ । ଏଥର ମଧ୍ୟ ରାହୁଲ ଗାନ୍ଧୀ ୱାୟାନାଡ ଆସନରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛନ୍ତି।