ପୁଣି ଭାରତ ଯୋଡୋ ଯାତ୍ରା ଆରମ୍ଭ କରିବେ କି ରାହୁଲ ଗାନ୍ଧି, ଜାଣନ୍ତୁ କ'ଣ କହିଲେ ଖଡଗେ

Rahul Gandhi Bharat Jodo Yatra Second Phase: କଂଗ୍ରେସ ନେତା ରାହୁଲ ଗାନ୍ଧି ଖୁବ ଶୀଘ୍ର ଭାରତ ଯୋଡୋ ଯାତ୍ରାର ଦ୍ୱିତୀୟ ପର୍ଯ୍ୟାୟ ଆରମ୍ଭ କରିପାରନ୍ତି । କଂଗ୍ରେସ ୱାର୍କିଂ କମିଟି ବୈଠକରେ ଦଳର ସଭାପତି ମଲ୍ଲିକାର୍ଜୁନ ଖଡଗେ ମଧ୍ୟ ତାଙ୍କୁ ଏହି ଯାତ୍ରା ଆରମ୍ଭ କରିବାକୁ କହିଥିବା ନେଇ ସୂଚନା ରହିଛି ।

କଂଗ୍ରେସ ସିଡବ୍ଲୁସି ବୈଠକ ପରେ ଦଳର ସାଂସଦ କେସି ଭେନୁଗୋପାଲ ଦାବି କରିଛନ୍ତି ଯେ, ଦେଶ ଏବେ ବିଜେପିକୁ ବିରୋଧ କରୁଛି। ଏହା ସହିତ ସେ ରାହୁଲ ଗାନ୍ଧିଙ୍କ ଭାରତ ଯୋଡୋ ଯାତ୍ରାର ଦ୍ୱିତୀୟ ପର୍ଯ୍ୟାୟ ସଂପର୍କରେ CWCରେ ଅନୁଷ୍ଠିତ ଆଲୋଚନା ବିଷୟରେ ସୂଚନା ମଧ୍ୟ ଦେଇଛନ୍ତି ।

କଂଗ୍ରେସ ସାଧାରଣ ସମ୍ପାଦକ କହିଛନ୍ତି, 'CWC ବୈଠକରେ କଂଗ୍ରେସ ସଭାପତି ପ୍ରଥମେ ରାହୁଲ ଗାନ୍ଧିଙ୍କୁ କହିଥିଲେ ଯେ, ସେ ସାରା ଭାରତରେ ଦଳର କର୍ମୀ ତଥା ନେତାଙ୍କଠାରୁ ମତ ଗ୍ରହଣ କରିଛନ୍ତି ଏବଂ ସମସ୍ତେ ଚାହିଁଛନ୍ତି ଯେ, ରାହୁଲ ଗାନ୍ଧି ପୂର୍ବରୁ ପଶ୍ଚିମକୁ ଦ୍ୱିତୀୟ ଭାରତ ଯୋଡୋ ଯାତ୍ରା କରିବା ଉଚିତ ।

ଭେନୁଗୋପାଲଙ୍କ କିହିବା ଅନୁସାରେ, ସିଡବ୍ଲୁସିର ସମସ୍ତ ସଦସ୍ୟ ସର୍ବସମ୍ମତି କ୍ରମେ ରାହୁଲ ଗାନ୍ଧିଙ୍କୁ ଏହି ଯାତ୍ରା ଆରମ୍ଭ କରିବାକୁ ଅନୁରୋଧ କରିଛନ୍ତି । ବିଳମ୍ବ ନକରି ଯାତ୍ରା ବିବରଣୀ ଏବଂ ଯାତ୍ରା ନିଷ୍ପତ୍ତି ନିଆଯିବ । ପ୍ରଥମ ଭାରତ ଯୋଡୋ ଯାତ୍ରା 126 ଦିନ ଧରି ଅନୁଷ୍ଠିତ ହୋଇଥିଲା। ଗତ ବର୍ଷ ସେପ୍ଟେମ୍ବର 7 ରେ ତାମିଲନାଡୁର କନ୍ୟାକୁମାରିରୁ କଂଗ୍ରେସ ଭାରତ ଯାତ୍ରାର ପ୍ରଥମ ପର୍ଯ୍ୟାୟ ଆରମ୍ଭ କରିଥିଲା ​​ଏବଂ ଏହା ଚଳିତ ବର୍ଷ ଜାନୁଆରୀ 30ରେ ଶ୍ରୀନଗରରେ ଶେଷ ହୋଇଥିଲା। ଦେଶର 75 ଟି ଜିଲ୍ଲା ଦେଇ 4,080 କିଲୋମିଟର ଦୂରତା ଅତିକ୍ରମ କରାଯାଇଥିବା ନେଇ ଦଳ ପକ୍ଷରୁ ସୂଚନା ଜାରି କରାଯାଇଛି ।

English summary

Rahul Gandhi Bharat Jodo Yatra Second Phase.