ପ୍ରଦୀପ ପାଣିଗ୍ରାହୀଙ୍କ ରହସ୍ୟଜନକ ମନ୍ତବ୍ଯ: ୨୪ରେ ଜଣେ ମହିଳା ମୁଖ୍ୟମନ୍ତ୍ରୀ ହୁଅନ୍ତୁ...

Published: Friday, May 26, 2023, 22:10 [IST]

ଭୁବନେଶ୍ୱର: ବିଜେଡିରୁ ବହିଷ୍କୃତ ନେତା ତଥା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ରହସ୍ଯଜନକ ମନ୍ତବ୍ଯ । ଆସନ୍ତା ୨୦୨୪ ସାଧାରଣ ନିର୍ବାନରେ ବିଜେଡ଼ିରୁ ଜଣେ ମହିଳା ମୁଖ୍ୟମନ୍ତ୍ରୀ ପ୍ରାର୍ଥୀ ହୁଅନ୍ତୁ ବୋଲି ଆଜି ପ୍ରଦୀପ କହିଛନ୍ତି । ତେବେ ପ୍ରଦୀପଙ୍କ ଏପରି ରହସ୍ଯଜନକ ବୟାନ ପରେ ସରଗରମ ହୋଇଛି ରାଜ୍ୟ ରାଜନୀତି ।

ପ୍ରଦୀପ ପାଣିଗ୍ରାହୀ କହିଛନ୍ତି ଯେ, 'ଓଡ଼ିଶାରେ ପରିବର୍ତ୍ତନର ଆବଶ୍ୟକତା ରହିଛି । ଆଗାମୀ ଦିନରେ ଗଞ୍ଜାମରେ ହେଉ କିମ୍ବା ଓଡ଼ିଶାରେ ପରିବର୍ତ୍ତନର ଆବଶ୍ୟକତା ରହିଛି । ମୋର ଅନୁରୋଧ, ମୁଖ୍ୟମନ୍ତ୍ରୀ ତାଙ୍କରି ଦଳ ଭିତରୁ ଜଣେ ଉଚ୍ଚ ଶିକ୍ଷିତା ମହିଳାଙ୍କ ହାତରେ ଓଡ଼ିଶାର ଶାସନ ଭାର ଦିଅନ୍ତୁ।'

ତେବେ କାହିଁକି ଏଭଳି କହିଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ? ଯାହାକୁ ନେଇ ଏବେ ସାଧାରଣରେ ପ୍ରଶ୍ନ ଉଠଛି । ସେହିପରି କେଉଁ ଉଚ୍ଚ ଶିକ୍ଷିତା ମହିଳାଙ୍କୁ ଇଙ୍ଗିତ କରୁଛନ୍ତି ପ୍ରଦୀପ ? କଣ ପାଇଁ ଉକ୍ତ ମହିଳାଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଦେଖିବାକୁ ଚାହୁଁଛନ୍ତି ପ୍ରଦୀପ ? କଣ ପୁଣି ବିଜେଡି଼କୁ ପ୍ରଦୀପଙ୍କ କମବ୍ୟାକ୍ ହେବ କି ? ଏପରି ଆଲୋଚନା ଏବେ ସାଧାରଣରେ ଆରମ୍ଭ ହୋଇଛି ।

Published On May 26, 2023