ଉପରାଷ୍ଟ୍ରପତି ନିର୍ବାଚନ 2022 : ମତଦାନ ଆରମ୍ଭ, ଭୋଟ ଦେଲେ ପ୍ରଧାନମନ୍ତ୍ରୀ

ଆଜି ସକାଳ 10ଟାରୁ ସଂସଦରେ ଭୋଟ ଗ୍ରହଣ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ନିଜର ମତସାବ୍ୟସ୍ତ କରିଛନ୍ତି

ନୂଆଦିଲ୍ଲୀ: ଆଜି ଉପରାଷ୍ଟ୍ରପତି ନିର୍ବାଚନ । ଏନେଇ ଆଜି ସକାଳ 10ଟାରୁ ସଂସଦରେ ଭୋଟ ଗ୍ରହଣ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମେ ନିଜର ମତସାବ୍ୟସ୍ତ କରିଛନ୍ତି । ଏହାପରେ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ, ରେଳମନ୍ତ୍ରୀ ଅଶ୍ବିନୀ ବୈଷ୍ଣବ, ଜ୍ୟୋତିରାଦିତ୍ୟ ସିନ୍ଧିଆ, ରାଜୀବ ଚନ୍ଦ୍ରଶେଖର ପ୍ରମୁଖ ଭୋଟ ଦେଇଛନ୍ତି ।

ସେହିପରି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଅସୁସ୍ଥତା ଯୋଗୁଁ ହ୍ବିଲଚେୟାର ଯୋଗେ ସଂସଦରେ ପହଞ୍ଚି ନିଜର ମତଦାନ କରିଛନ୍ତି । ଏଥିସହ କେନ୍ଦ୍ର ମନ୍ତ୍ରୀ ନୀତିନ ଗଡକରୀ ଏବଂ ଧର୍ମେନ୍ଦ୍ର ପ୍ରଧାନ ମତଦାନ କରିଛନ୍ତି । କେନ୍ଦ୍ର ମନ୍ତ୍ରୀ ରାଜନାଥ ସିଂ ଏବଂ ପୀୟୂଷ ଗୋୟଲଙ୍କ ସହ ବିଜେପି ମୁଖ୍ୟ ଜେପି ନଡ୍ଡା ଉପରାଷ୍ଟ୍ରପତି ନିର୍ବାଚନ ପାଇଁ ଭୋଟ୍ ଦେଇଛନ୍ତି।

#WATCH | Delhi: Prime Minister Narendra Modi casts his vote for the Vice Presidential election, at the Parliament pic.twitter.com/cJWlgGHea7

— ANI (@ANI) August 6, 2022

ଉପରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଜଗଦୀପ ଧନଖଡ ଏବଂ ବିରୋଧି ମେଣ୍ଟ ପ୍ରାର୍ଥୀ ମାର୍ଗାରେଟ୍‌ ଆଲ୍‌ଭାଙ୍କ ମଧ୍ୟରେ ଟକ୍କର । ସମସ୍ତ ଗଣିତ ଓ ଆକଳନ ମୁତାବକ NDA ପ୍ରାର୍ଥୀ ଜଗଦୀପ ଧନକଡ଼ ଦେଶର ଦ୍ବିତୀୟ ସର୍ବୋଚ୍ଚ ସାମ୍ବିଧାନିକ ପଦବୀ ପାଇଁ ନିର୍ବାଚନରେ ବାଜିମାତ୍‌ କରିବେ ବୋଲି ଚର୍ଚ୍ଚା ହେଉଛି । ଉପରାଷ୍ଟ୍ରପତି ନିର୍ବାଚନରେ ଉଭୟ ଗୃହର ମୋଟ 788 ଜଣ ସଦସ୍ୟ ମତଦାନ କରିବେ । ଲୋକସଭାର 543 ଜଣ ସଦସ୍ୟ ଓ ରାଜ୍ୟସଭାର 233 ଜଣ ସଦସ୍ୟ ଉପରାଷ୍ଟ୍ରପତିଙ୍କ ପାଇଁ ନିଜ ମତ ସାବ୍ୟସ୍ତ କରିବେ । ଅଗଷ୍ଟ 10 ତାରିଖରେ ଉପରାଷ୍ଟ୍ରପତି ଭେଙ୍କିଆ ନାଇଡ଼ୁଙ୍କ କାର୍ଯ୍ୟକାଳ ଶେଷ ହେବ । ଏହାପରେ ନୂଆ ଉପରାଷ୍ଟ୍ରପତି ଅଗଷ୍ଟ 11 ତାରିଖରେ ଶପଥ ନେବା ପରେ ଦାୟିତ୍ବଭାର ଗ୍ରହଣ କରିବେ ।

English summary

olling to elect the next Vice President of India began at 10 am, with Prime Minister Narendra Modi being among the first ones to cast vote.