କଂଗ୍ରେସ ଉପରେ ବର୍ଷିଲେ ମୋଦି, କହିଲେ ଓବିସି ମାନଙ୍କର ଏକତା ଭାଙ୍ଗିବାକୁ....

ନୂଆଦିଲ୍ଲୀ: ଝାଡ଼ଖଣ୍ଡରେ ବିଧାନସଭା ନିର୍ବାଚନକୁ ନେଇ ଏବେ ପ୍ରଚାର ଅଭିଯାନ ଜୋର ଧରିଛି | ଝାଡ଼ଖଣ୍ଡର ବୋକାରୋ ରାଲିରୁ କଂଗ୍ରେସକୁ ଟାର୍ଗେଟ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଏମାନେ ଓବିସିମାନଙ୍କର ଏକତା ଭାଙ୍ଗିବାକୁ ଚାହୁଁଛନ୍ତି। ସେମାନଙ୍କୁ ବିଭିନ୍ନ ଜାତିରେ ବିଭକ୍ତ କରିବାକୁ ଚାହୁଁଛନ୍ତି |

ଏହାପୂର୍ବରୁ କଂଗ୍ରେସ କେନ୍ଦ୍ରରେ ସରକାର ଗଠନ କରି ଲୋକଙ୍କୁ ଲୁଟୁଥିଲା। ସେମାନେ ସର୍ବଦା ଏସସି-ଏସଟି ଏକତାର ଘୋର ବିରୋଧୀ ରହିଆସିଛନ୍ତି। କଂଗ୍ରେସ-ଜେଏମଏମର ଏକ ବଡ ଷଡଯନ୍ତ୍ରରୁ ଆମକୁ ସତର୍କ ରହିବାକୁ ପଡିବ। ବର୍ତ୍ତମାନ ସରକାର ଆପଣଙ୍କୁ ବିଦ୍ୟୁତ୍ ପାଇଁ ଟଙ୍କା ଦେଉଛନ୍ତି। ତୁମ ଘରେ ସୌର ପ୍ୟାନେଲ ଲଗାଇବ |

ପ୍ରଧାନମନ୍ତ୍ରୀ ଜନସାଧାରଣଙ୍କୁ ନିବେଦନ କରି କହିଛନ୍ତି ଯେ, ଭାଜପା, ଏଜେୟୁ, ଜେଡିୟୁ ଏବଂ ଏଲ୍‌ଜେପି ପ୍ରାର୍ଥୀଙ୍କୁ ବହୁ ଭୋଟ୍‌ ଦେଇ ନିର୍ବାଚନରେ ଜିତିବାକୁ ଦିଅନ୍ତୁ। ସେ ଆହୁରି ମଧ୍ୟ କହିଛନ୍ତି, ଝାଡ଼ଖଣ୍ଡରେ ଆମକୁ ଏପରି ସରକାର ଗଠନ କରିବାକୁ ପଡ଼ିବ ଯେ, ଆପଣଙ୍କ ଝିଅ ଏବଂ ଜମି ସୁରକ୍ଷିତ ରହିବ।

ଧାରା ୩୭୦ ବିଷୟରେ ପ୍ରଧାନମନ୍ତ୍ରୀ କହିଛନ୍ତି, ଜମ୍ମୁ-କଶ୍ମୀର ବିଧାନସଭାରେ ଧାରା ୩୭୦ ଆଣିବାକୁ କଂଗ୍ରେସ ପୁଣିଥରେ ପ୍ରସ୍ତାବ ଦେଇଛି। ସେମାନେ ଆମର ସୈନିକମାନଙ୍କୁ ପୁଣି ଆତଙ୍କୀ ନିଆଁରେ ପକାଇବାକୁ ଚାହୁଁଛନ୍ତି। ଯଦି ଆମେ ଏକାଠି ରହିବା ତେବେ ଆମେ ନିରାପଦରେ ରହିବା। ଏହି ନିର୍ବାଚନ ପରେ ପ୍ରଥମ ଥର ପାଇଁ ଜମ୍ମୁ-କଶ୍ମୀରର ମୁଖ୍ୟମନ୍ତ୍ରୀ ବାବା ସାହେବଙ୍କ ସମ୍ବିଧାନ ଉପରେ ଶପଥ ନେଇଛନ୍ତି।

ଗୁମ୍‌ଲାରେ ଏକ ସାଧାରଣ ସଭାରେ ସମ୍ବୋଧିତ କରି ମୋଦି କହିଛନ୍ତି, ଜେଏମ୍‌ଏମ୍‌-କଂଗ୍ରେସର ଆପଣମାନଙ୍କର ସୁଖ-ଦୁଃଖରେ କୌଣସି ସମ୍ପର୍କ ନାହିଁ, ସେମାନେ ସେମାନଙ୍କର କାର୍ଯ୍ୟ ହାସଲ କରିବାରେ ବ୍ୟସ୍ତ। ଝାଡ଼ଖଣ୍ଡରେ କୌଣସି ପରୀକ୍ଷା ନାହିଁ, ଯାହାର ପେପର ଲିକ୍‌ ହୋଇନାହିଁ। ଭାଜପା ଏବଂ ଏନଡିଏ ସରକାର ସେମାନଙ୍କର ପ୍ରତ୍ୟେକ ଦୁର୍ନୀତିର ହିସାବନିକାଶ କରିବେ।

ପ୍ରଧାନମନ୍ତ୍ରୀ କହିଛନ୍ତି ଯେ ହରିୟାଣାରେ ସରକାର ଗଠନ ହେବା ମାତ୍ରେ ଚାକିରି ଦିଆଯାଉଛି। ୨୦୧୪ ପରେ ମୋଦୀଙ୍କୁ ଦିଲ୍ଲୀରେ ସେବା କରିବାର ସୁଯୋଗ ଦିଆଯାଇଥିଲା। ଆମେ ଝାଡଖଣ୍ଡକୁ ୩ ଲକ୍ଷ କୋଟିରୁ ଅଧିକ ଟଙ୍କା ଦେଇଛୁ। ବିଜେପି ଚାହୁଁଛି ଯେ ଝାଡଖଣ୍ଡରେ ଭଲ ରାସ୍ତା, ଶିକ୍ଷା ଏବଂ ବିଦ୍ୟାଳୟ ହେଉ, କିନ୍ତୁ ଜେଏମଏମ ସରକାର ସମୟରେ ଆପଣଙ୍କଠାରୁ ଲୁଟ କରାଯାଇଛି |

ସେମାନଙ୍କ ନେତାମାନେ ବାଲି ଚୋରା ଚାଲାଣ କରି କୋଟି କୋଟି ଟଙ୍କା ରୋଜଗାର କରୁଛନ୍ତି। ସେମାନଙ୍କଠାରୁ ଏତେଗୁଡ଼ିଏ ନୋଟ୍ ବାହାରୁଛି ଯେ ମେସିନ୍ ହାଲିଆ ହୋଇଯାଉଛି | ମୋଦୀ କହିଛନ୍ତି ଯେ ବିଜେପି ସରକାର ଗଠନ ପରେ ଦୁର୍ନୀତିଗ୍ରସ୍ତଙ୍କୁ ଦଣ୍ଡ ଦିଆଯିବ। ସେହିଭଳି କେନ୍ଦ୍ର ସରକାର ରାଜପଥ ଏବଂ ରେଳପଥ ପାଇଁ ଟଙ୍କା ଖର୍ଚ୍ଚ କରୁଛନ୍ତି। ବୋକାରୋ ରେଳ ଷ୍ଟେସନ କିଛି ସମୟ ମଧ୍ୟରେ ଆଧୁନିକ ହୋଇଯିବ |