ଭୁବନେଶ୍ୱରରେ ପହଞ୍ଚିଲେ ପିସିସି ନୂଆ ପ୍ରଭାରୀ ଅଜୟ କୁମାର; କହିଲେ ଏଠାରେ ବିଜେପି-ବିଜେଡି ସମାନ
ଭୁବନେଶ୍ୱରରେ ପହଞ୍ଚିଲେ ଅଜୟ କୁମାର । ପିସିସି ନୂଆ ପ୍ରଭାରୀ ଅଜୟ କୁମାର ଭୁବନେଶ୍ଵରରେ ପହଞ୍ଚିଛନ୍ତି । ଏୟାରପୋର୍ଟରେ ପହଞ୍ଚିବା ପରେ କଂଗ୍ରେସ ଭବନ ଅଭିମୁଖେ ରାଲି କରିଛନ୍ତି ଅଜୟ କୁମାର । ରାଲିରେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ଅଜୟ କୁମାର । ବାହାର ଲୋକ ଓଡ଼ିଶା ଚଳାଉଛନ୍ତି ବୋଲି କହିଲେ ଅଜୟ କୁମାର ।
ବାହାର ଲୋକଙ୍କୁ ହଟାଅ, ଓଡ଼ିଶା ବଞ୍ଚାଅ ନାରା ଦେଲେ ପିସିସି ନୂଆ ପ୍ରଭାରୀ । 'ଓଡ଼ିଆଙ୍କ ପାଇଁ ଓଡ଼ିଶା, ବାହାର ଲୋକଙ୍କୁ ହଟାଅ' ବୋଲି ସେ କହିଛନ୍ତି । ପ୍ରତ୍ୟେକ ଓଡ଼ିଶାବାସୀ ଏହା ହିଁ ଚାହୁଁଛନ୍ତି ବୋଲି ସେ କହିଛନ୍ତି ।
ବିଜେପି-ବିଜେଡି ଏଠାରେ ଏକ ବୋଲି ସେ କହିଛନ୍ତି । ଓଡ଼ିଶାରେ ଇଡି, CBI ରେଡ୍ କାହିଁକି ହେଉନି ବୋଲି ସେ ପ୍ରଶ୍ନ କରିଛନ୍ତି । ଲୋକ କଂଗ୍ରେସକୁ ପସନ୍ଦ କରୁଛନ୍ତି, ଆମକୁ ଆମ ଶକ୍ତି ଜାଣିବାକୁ ହେବ ବୋଲି ସେ କହିଛନ୍ତି ।
ବିମାନ ବନ୍ଦରରେ ଅଜୟ କୁମାର ପହଞ୍ଚିିବା ପରେ ପୁଷ୍ପଗୁଚ୍ଛ ସହିତ ବାଜା ବଜାଇ ଦଳର ନେତା ଓ କର୍ମୀ ସ୍ୱାଗତ କରିଛନ୍ତି । ପରେ ବାଇକ ରାଲି ଯୋଗେ ପାଛୋଟି ନିଆଯାଇଛି । ଏହି ଗସ୍ତ ସମୟରେ ରାଜ୍ୟ ନେତାଙ୍କ ସହ ପ୍ରଭାରୀ ଆଗାମୀ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିବେ । ତେବେ ଓଡିଶାରେ ପାଦ ଦେଉ ଦେଉ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ।
ରାଜ୍ୟ କଂଗ୍ରେସର ବରିଷ୍ଠ ନେତାଙ୍କ ସହ ଅଜୟ କୁମାର ଏକ ଗୁରୁତ୍ୱପୂର୍ଣ୍ଣ ବୈଠକ କରିବେ । କଂଗ୍ରେସର ଓଡ଼ିଶା ଶାଖା କେମିତି ଅଧିକ ସଶକ୍ତ ହୋଇ ୨୦୨୪ ନିର୍ବାଚନକୁ ସାମ୍ନା କରିବ ସେନେଇ ରଣନୀତି ପ୍ରସ୍ତୁତ ହୋଇପାରେ ।
ରାଜ୍ୟ କଂଗ୍ରେସ ପ୍ରଭାରୀ ନିଯୁକ୍ତ ହେଲା ପରେ ପ୍ରଥମ ଥର ପାଇଁ ଅଜୟ କୁମାର ଓଡ଼ିଶା ଆସୁଛନ୍ତି । ବିମାନବନ୍ଦରରେ ତାଙ୍କୁ ସ୍ୱାଗତ କରିବା ପାଇଁ କଂଗ୍ରେସ ନେତାଙ୍କ ଗହଳି ଲାଗି ରହିଥିଲା। ତେବେ ଏହା କଂଗ୍ରେସ ପାଇଁ କେତେ ଲାଭଦାୟକ ହେବ ଆଗକୁ ଜଣାପଡ଼ିବ ।
Click it and Unblock the Notifications
Sign in with Google