ମନ୍ତ୍ରିମଣ୍ଡଳ ପାଇଁ ହରିୟାଣା ଗସ୍ତରୁ ଶୀଘ୍ର ଫେରି ଆସିଲେ ରାଜ୍ୟପାଳ !

Published: Wednesday, May 17, 2023, 20:40 [IST]

ଭୁବନେଶ୍ବର: ଫେରିଲେ ରାଜ୍ୟପାଳ । କେବେ ମନ୍ତ୍ରିମଣ୍ଡଳ ଅଦଳବଦଳ ? ରାଜ୍ୟପାଳ ପ୍ରଫେସର ଗଣେଶୀ ଲାଲ ହରିୟାଣା ଗସ୍ତରୁ ଶୀଘ୍ର ଫେରି ଆସିଛନ୍ତି । ଆଜି ରାତି ୮ଟାରେ ରାଜ୍ୟପାଳ ଭୁବନେଶ୍ୱର ପହଞ୍ଚିଛନ୍ତି ।

ତେବେ ରାଜ୍ୟପାଳଙ୍କ ଗସ୍ତ କାର୍ଯ୍ୟସୂଚରେ ହଠାତ ଏପରି ପରିବର୍ତ୍ତନ ରାଜନୈତିକ ମହଲରେ ଚର୍ଚ୍ଚାକୁ ଖୋରାକ ଯୋଗାଇଛି । କାରଣ ପୂର୍ବରୁ ଆଗମୀ ୨୨ ତାରିଖରେ ରାଜ୍ୟପାଳଙ୍କ ଫେରିବା କାର୍ଯ୍ୟକ୍ରମ ରହିଥିଲା । ହେଲେ ସେ ଏବେ ନିର୍ଦ୍ଧାରିତ ସମୟ ପୂର୍ବରୁ ଫେରି ଆସିଛନ୍ତି । ରାଜ୍ୟପାଳଙ୍କ ଫେରିବା ପ୍ରସଙ୍ଗ ଭିତରେ ପୁଣି ଥରେ ମନ୍ତ୍ରିମଣ୍ଡଳ ଅଦଳବଦଳ ଚର୍ଚ୍ଚା ଜୋର ଧରିଛି ।

ସେପେଟ ଆସନ୍ତାକାଲି ପୁରୀରେ ହେବାକୁ ଥିବା ବନ୍ଦେ ଭାରତ ଏକ୍ସପ୍ରସର ଶୁଭାରମ୍ଭ କାର୍ଯ୍ୟକ୍ରମରେ ଯୋଗ ଦେବେ ରାଜ୍ୟପାଳ । ଏହାରି ଭିତରେ ଦୁବାଇ ଯାଇଥିବା କିଛି ନେତା ଆଜି ଭୁବନେଶ୍ୱର ଫେରୁଥିବା ସୂଚନା ମିଳିଛି । ତେଣୁ ଯେକୌଣସି ମୂହୁର୍ତ୍ତରେ ରାଜନୈତିକ ହଟ୍ଟଚମଟ ହୋଇପାରେ ବୋଲି ଚର୍ଚ୍ଚା ହେଉଛି ।

ଉଲ୍ଲେଖଥାଉ କି, ଗତ ୧୨ ତାରିଖରେ ବାଚସ୍ପତି ବିକ୍ରମ ଆରୁଖଙ୍କ ପରେ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଓ ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁ ଇସ୍ତଫା ଦେଇଥିଲେ । ଏହାପରେ ମନ୍ତ୍ରିମଣ୍ଡଳ ଅଦବଦଳ ହେବ ବୋଲି ଚର୍ଚ୍ଚା ଜୋର ଧରିଥିଲା । ତେବେ ବହୁ ନେତାଙ୍କ ନାଁକୁ ନେଇ ଚର୍ଚ୍ଚା ହେଉଥିବା ବେଳେ କାହାକୁ ମନ୍ତ୍ରୀପଦ ମିଳିବ,ତାହା ସ୍ପଷ୍ଟ ହୋଇନି । କିଏ ବାଚସ୍ପତି ହେବେ ତାହା ବି ସ୍ପଷ୍ଟ ହୋଇନି ।

Published On May 17, 2023