Odisha Assembly Election: ରାଉରକେଲାରେ ବିଗ୍ ଫାଇଟ୍, ଦିଲ୍ଲୀପ ରାୟ ବନାମ ସାରଦା ପ୍ରସାଦ ନାୟକ

Published: Tuesday, April 16, 2024, 13:27 [IST]

ରାଉରକେଲାରେ ବିଗ୍ ଫାଇଟ୍ । ରାଉଲକେଲାରୁ ବିଜେପି ଦିଲ୍ଲୀପ ରାୟଙ୍କୁ ଟିକେଟ୍‌ ଦେଇଛି । ଆଉ ତା ପରେ ମଇଦାନ ଏବେ ପୁରା ଚଳଚଞ୍ଚଳ । ଲୋକଙ୍କ ଭିତରେ ବି ପୁରା ଜୋସ୍। ଆଉ କର୍ମୀମାନେ ବି ଉତ୍ସାହିତ । ଆଉ ଟିକେଟ ଘୋଷଣା ପରେ ପୁରା ଦମରେ ଦୁଇ ଦଳର ପ୍ରାର୍ଥୀ ।

ଦିଲ୍ଲୀପ ରାୟ ଭାଜପାରୁ ପ୍ରାର୍ଥୀ ହୋଇଥିବା ବେଳେ ବିଜେଡି ସାରଦା ପ୍ରସାଦ ନାୟକଙ୍କୁ ଟିକେଟ୍‌ ଦେଇଛି । ଏଭଳି ସ୍ଥିତିରେ ରାଉଲକେଲା ନିର୍ବାଚନମଣ୍ଡଳୀରେ ବିଗ୍‌ ଫାଇଟ୍‌ ହେବ ବୋଲି ଚର୍ଚ୍ଚା ଆରମ୍ଭ ହୋଇଯାଇଛି ।

ଗତ ୨୦୧୯ ନିର୍ବାଚନରେ ବିଜୁ ଜନତା ଦଳ ପ୍ରାର୍ଥୀ ଶାରଦା ପ୍ରସାଦ ନାୟକ ଭାରତୀୟ ଜନତା ପାର୍ଟି ପ୍ରାର୍ଥୀ ନିହାର ରାୟଙ୍କୁ ୧୦,୪୬୦ ଭୋଟରେ ପରାଜିତ କରିଥିଲେ । ୨୦୧୪ ନିର୍ବାଚନରେ ଭାରତୀୟ ଜନତା ପାର୍ଟି ପ୍ରାର୍ଥୀ ଦିଲୀପ କୁମାର ରାୟ ବିଜୁ ଜନତା ଦଳ ପ୍ରାର୍ଥୀ ଶାରଦା ପ୍ରସାଦ ନାୟକଙ୍କଠାରୁ ୧୦୯୨୯ ଖଣ୍ଡ ଅଧିକ ଭୋଟ୍ ପାଇ ନିର୍ବାଚିତ ହୋଇଥିଲେ । ଗତ ୨୦୦୯ ନିର୍ବାଚନରେ ବିଜୁ ଜନତା ଦଳ ପ୍ରାର୍ଥୀ ଶାରଦା ପ୍ରସାଦ ନାୟକ, ଭାରତୀୟ ଜନତା ପାର୍ଟି ପ୍ରାର୍ଥୀ ରମେଶ କୁମାର ଅଗ୍ରୱାଲଙ୍କଠାରୁ ୨୫,୫୯୬ ଅଧିକ ଭୋଟ ପାଇ ନିର୍ବାଚିତ ହୋଇଥିଲେ ।

୨୦୧୯ରେ ନିର୍ବାଚନ ଲଢି ନ ଥିବା ପୂର୍ବତନ ମନ୍ତ୍ରୀ ଦିଲ୍ଲୀପ ରାୟ ଏଥର ନିର୍ବାଚନ ଲଢିବେ। ରାଉରକେଲାରୁ ଦିଲ୍ଲୀପ ରାୟ ତିନି ଥର ବିଧାନସଭାକୁ ନିର୍ବାଚିତ ହୋଇଛନ୍ତି। ୧୯୮୫ ଓ ୧୯୯୦ରେ ଜନତା ଦଳ ଟିକେଟରେ ସେ ବିଜୟୀ ହୋଇଥିଲେ। ୨୦୧୪ରେ ସେ ଏହି ଆସନରୁ ଭାଜପା ଟିକେଟ୍‌ରେ ବିଧାନସଭାକୁ ନିର୍ବାଚିତ ହୋଇଥିଲେ। ଆଜି ୨୧ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି ।

କିଏ କୋଉଠୁ ପ୍ରାର୍ଥୀ ?