ବିଜେପି ପାଇଁ ଅଡୁଆ ବଢାଇ ପାରେ ଅପରାଜିତାଙ୍କ ବୟାନ: କହିଲେ, ଜୟନାରାୟଣଙ୍କର ଏମିତି କରିବାର ନଥିଲା

ଜୟନାରାୟଣ କିଛି ଟା କରି ଦେଲେ, ଯେଉଁଟା କରିବାର ନଥିଲା । ମହିଳା ପୋଲିସ ଅଧିକାରୀଙ୍କୁ ବିରୋଧୀ ଦଳ ନେତା ଜୟନାରାୟଣ ମିଶ୍ର ଧକ୍କା ମାରିବା ଘଟଣାରେ ଏମିତି କିଛି ବୟନା ଦେଇଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ।

Published: Thursday, February 16, 2023, 16:55 [IST]

ଭୁବନେଶ୍ୱର: ଜୟନାରାୟଣ କିଛି ଟା କରି ଦେଲେ, ଯେଉଁଟା କରିବାର ନଥିଲା । ମହିଳା ପୋଲିସ ଅଧିକାରୀଙ୍କୁ ବିରୋଧୀ ଦଳ ନେତା ଜୟନାରାୟଣ ମିଶ୍ର ଧକ୍କା ମାରିବା ଘଟଣାରେ ଏମିତି କିଛି ବୟନା ଦେଇଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ।

ସେ କହିଛନ୍ତି ଯେ, କହିଛନ୍ତି, ଜୟନାରାୟଣଙ୍କର ଏମିତି କରିବାର ନଥିଲା । ମହିଳା ପୋଲିସ ହୁଅନ୍ତୁ ବା ପୁରୁଷ ପୋଲିସ ହୁଅନ୍ତୁ ତାଙ୍କ ସହ ଏମିତି କରିବାର ନଥିଲା । ଆଇନ ତା ବାଟରେ ଯିବ । ରାଜ୍ୟ ସରକାର ଏହାକୁ ଦେଖନ୍ତୁ । ବିରୋଧୀ ଦଳ ନେତା ଭାବେ ଜିଲ୍ଲାପାଳ ଅଫିସକୁ ଜୟନାରାୟଣ ଯିବାକୁ ଚାହୁଁଥିଲେ । କିନ୍ତୁ ତାଙ୍କୁ ସେଠାରେ ଅଟକାଯିବାରୁ ଭାବାବେଗରେ ଆସି ଜୟନାରାୟଣ ଏମିତି କରିଛନ୍ତି । କିନ୍ତୁ ଏମିତି କରିବାର ନଥିଲା । ଆଇନ ଶୃ୍ଙ୍ଖଳା ପରିସ୍ଥିତି ପାଇଁ ଆମେ ମର୍ମାହତ, ଏମିତିକି ଜୟନାରାୟଣ ମିଶ୍ର ମଧ୍ୟ ମର୍ମାହତ ବୋଲି କହିଛନ୍ତି ଅପରାଜିତା ।

ଉଲ୍ଲେଖଥାଉ କି, ଗତକାଲି ମହିଳା ପୋଲିସ ଅଧିକାରୀଙ୍କୁ ବିରୋଧୀ ଦଳ ନେତା ଜୟନାରାୟଣ ମିଶ୍ର ଧକ୍କା ମାରିବା ଘଟଣାର ପ୍ରତିବାଦରେ ସମ୍ବଲପୁର ସ୍ଥିତ ସର୍କିଟ ହାଉସକୁ ଘେରିଛନ୍ତି ବିଜେଡି କର୍ମୀ । ଜୟନାରାୟଣ ମିଶ୍ରଙ୍କ ବିରୋଧରେ ଦୃଷ୍ଟାନ୍ତମୂଳକ ଦଣ୍ଡବିଧାନ କରିବା ପାଇଁ ଦାବି କରିଛନ୍ତି ବିଜେଡି କର୍ମୀ । ସେହିପରି ଆଜି ଲୋୟର ପିଏମଜିରେ ଧାରଣା ଦେଇଛି ବିଜେଡି ମହିଳା ମୋର୍ଚ୍ଚା । ଜୟନାରାୟଣଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ଦଳ ।

Published On February 16, 2023