ପୁଣିଥରେ ବିରେନ ସିଂ ହେବେ ମଣିପୁର ମୁଖ୍ୟମନ୍ତ୍ରୀ
ବିଧାୟକ ଦଳର ନେତା ଭାବରେ ବିରେନ ସିଂଙ୍କୁ ମନୋନୀତ କରାଯାଇଛି । ଏଭଳି ପରିସ୍ଥିତିରେ ସେ ପୁଣିଥରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଯାଉଛନ୍ତି ।
ଇମ୍ଫାଲ: ମଣିପୁରରେ ଅନୁଷ୍ଠିତ ବିଧାନସଭା ନିର୍ବାଚନରେ ବିଜେପି ସଂଖ୍ୟାଗରିଷ୍ଠତା ହାସଲ କରିଛି। ସେବେଠାରୁ ସେଠାରେ ସରକାର ଗଠନ ପ୍ରକ୍ରିୟା ଚାଲିଛି । କିନ୍ତୁ ମୁଖ୍ୟମନ୍ତ୍ରୀ ପଦକୁ ନାମରେ ସସପେନ୍ସ ଲାଗି ରହିଥିଲା । ରବିବାର ଦିନ ହାଇ କମାଣ୍ଡ-ନିଯୁକ୍ତ ପର୍ଯ୍ୟବେକ୍ଷକ ନିର୍ମଳା ସୀତାରମଣ ଏବଂ କିରନ ରିଜିଜୁ ଇମ୍ଫାଲରେ ପହଞ୍ଚିଥିଲେ । ଯେଉଁଠାରେ ବିଧାୟକ ଦଳର ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ସମସ୍ତ ବିଧାୟକ ସର୍ବସମ୍ମତି କ୍ରମେ ଏନ ବିରେନଙ୍କୁ ଭୋଟ୍ ଦେଇଛନ୍ତି। ବିଧାୟକ ଦଳର ନେତା ଭାବରେ ବିରେନ ସିଂଙ୍କୁ ମନୋନୀତ କରାଯାଇଛି । ଏଭଳି ପରିସ୍ଥିତିରେ ସେ ପୁଣିଥରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଯାଉଛନ୍ତି ।
ବିଧାୟକ ଦଳ ବୈଠକରେ ନିର୍ମଳା ସୀତାରମଣ କହିଛନ୍ତି ଯେ, ସମସ୍ତଙ୍କ ସହମତି ଅନୁଯାୟୀ ଏହା ଏକ ଭଲ ନିଷ୍ପତ୍ତି। ଏହା ନିଶ୍ଚିତ କରିବ ଯେ, ମଣିପୁରର ଏକ ସ୍ଥିର ଏବଂ ଦାୟିତ୍ୱପୂର୍ଣ୍ଣ ସରକାର ହେବ । ଯାହା ରାଜ୍ୟକୁ ଆହୁରି ବିକାଶ କରିବ। ଉଲ୍ଲେଖଥାଉ କି, ମୋଦୀ ସରକାର ଉତ୍ତର-ପୂର୍ବ ରାଜ୍ୟ ପ୍ରତି ବିଶେଷ ଧ୍ୟାନ ଦେଉଛନ୍ତି। ଏଥି ସହିତ ବିଧାନସଭା ଦଳର ନେତା ଭାବରେ ନିର୍ବାଚିତ ହେବା ପରେ ବିରେନ ସିଂ ସମସ୍ତ ବିଧାୟକ ତଥା କେନ୍ଦ୍ରୀୟ ନେତୃତ୍ୱଙ୍କୁ ଧନ୍ୟବାଦ ଜଣାଇଛନ୍ତି।
ମଣିପୁର ବିଧାନସଭାରେ 60ଟି ସିଟ୍ ଅଛି । ସେଥିମଧ୍ୟରୁ 32 ଟି ସିଟ୍ ବିଜେପି ଆକାଉଣ୍ଟକୁ ଯାଇଛି। ଯେଉଁଥିପାଇଁ ସେ ବର୍ତ୍ତମାନ ସଂପୂର୍ଣ୍ଣ ସଂଖ୍ୟାଗରିଷ୍ଠତା ସହ ଆରାମରେ ସରକାର ଗଠନ କରୁଥିବାବେଳେ କଂଗ୍ରେସ 28 ଟି ଆସନରୁ 5 କୁ ଆସିଛି।
Click it and Unblock the Notifications
Sign in with Google