ଟ୍ୱିଟରରେ ଟ୍ରେଣ୍ଡ କଲା #ଶଙ୍ଖ ମୋ ଗର୍ବ: ୨୪ ପାଇଁ ବିଜେଡ଼ିର ଆଗୁଆ ସଜବାଜ କି ?

ଆଜି ମାଇକ୍ରୋ ବ୍ଲଗିଂ ସାଇଟ୍ ଟ୍ବିଟଟରେ କିଛି ସମୟ ପର୍ଯ୍ୟନ୍ତ ଟ୍ରେଣ୍ଡ କରିଛି #ଶଙ୍ଖ ମୋ ଗର୍ବ । ରିପୋର୍ଟ ଲେଖାଯିବା ସୁଦ୍ଧା ଟ୍ୱିଟର ଟ୍ରେଣ୍ଡିଂରେ ଏହା ଏକ ନମ୍ବର ସ୍ଥାନରେ ଥିବାବେଳେ, ମୋଟ ସାଢେ ୩ ହଜାରରୁ ଅଧିକ ଟୁଇଟ୍ ହୋଇ ସାରିଛି ।

ଭୁବନେଶ୍ୱର: ଗତ କିଛି ଦିନ ହେବ ସୋସିଆଲ ମିଡ଼ିଆରେ ଛାଇ ଯାଇଛି ବିଜୁ ଜନତା ଦଳର ଗଦା ଗଦା ପୋଷ୍ଟର । ସେଥିରେ ଲେଖା ରହିଛି 'ଶଙ୍ଖ ମୋ ଗର୍ବ' । ଏଥି ସହିତ ଗତକାଲିଠାରୁ ମଧ୍ୟ ବିଜେଡିର ସମସ୍ତ ବିଧାୟକ, ସାଂସଦ, ବରିଷ୍ଠ ନେତା, କାର୍ଯ୍ୟକର୍ତା ଓ କର୍ମୀଙ୍କ ମୁହଁରେ 'ଶଙ୍ଖ ମୋ ଗର୍ବ' ଶୀର୍ଷକ ଏକ ଭିଡି଼ଓ ରେକର୍ଡ ହୋଇ ସୋସିଆଲ ମିଡିଆରେ ଅପଲୋଡ଼ କରାଯାଉଛି ।

ଇତିମଧ୍ୟରେ ଆଜି ମାଇକ୍ରୋ ବ୍ଲଗିଂ ସାଇଟ୍ ଟ୍ବିଟଟରେ କିଛି ସମୟ ପର୍ଯ୍ୟନ୍ତ ଟ୍ରେଣ୍ଡ କରିଛି #ଶଙ୍ଖ ମୋ ଗର୍ବ । ରିପୋର୍ଟ ଲେଖାଯିବା ସୁଦ୍ଧା ଟ୍ୱିଟର ଟ୍ରେଣ୍ଡିଂରେ ଏହା ଏକ ନମ୍ବର ସ୍ଥାନରେ ଥିବାବେଳେ, ମୋଟ ସାଢେ ୩ ହଜାରରୁ ଅଧିକ ଟୁଇଟ୍ ହୋଇ ସାରିଛି । ଖାଲି ସେତିକି ନୁହେଁ, ଏହି ସ୍ଲୋଗାନକୁ ନେଇ ବିଜେଡି ଏକପ୍ରକାରର ବ୍ରାଣ୍ଡିଂ ମଧ୍ୟ ଆରମ୍ଭ କରିଛି ।

ଯାହାକୁ ନେଇ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି । କୁହାଯାଉଛି କି, ପୂର୍ବରୁ 'ଘରେ ଘରେ ଶଙ୍ଖ', 'ନବୀନ ଆମ ପରିବାର, ଶଙ୍ଖ ଆମ ଚିହ୍ନ', 'ବିଜୁ ଜନତା ଦଳ ଓଡିଶା ବାସୀଙ୍କ ବଳ' ଆଦି ସ୍ଲୋଗାନ ପରି ବିଜେଡି ଏହି ନୂଆ ସ୍ଲୋଗାନ ଶଙ୍ଖ ମୋ ଗର୍ବ ସହ ଆଗାମୀ ସାଧାରଣ ନିର୍ବାଚନର ପ୍ରସ୍ତୁତି ଆରମ୍ଭ କରି ଦେଇଛି । ଏହି ସ୍ଲୋଗାନ ସହ ୨୦୨୪ ରାଜନୈତିକ ରଣକ୍ଷେତ୍ରକୁ ଓହ୍ଲାଇବ ବିଜେଡି଼ ।

#ଶଙ୍ଖ_ମୋ_ଗର୍ବ#ShankhaMoGarba pic.twitter.com/Xex76pgRbm

— Byomakesh Ray (@Byomakesh_Ray) March 16, 2023

କେବଳ ସେତିକି ନୁହେଁ ପୂର୍ବ ନିର୍ବାଚନ ସମୟରେ ବିଜେଡି ପକ୍ଷରୁ ଗୀତ ମାଧ୍ୟମରେ ମଧ୍ୟ ବାତାବରଣ ସୃଷ୍ଟି କରା ଯାଇଥିଲା। ହେ ନବୀନ ବାବୁ ଆମେ ତମ ଫ୍ୟାନ ବୋଲି ସଙ୍ଗୀତ ଦ୍ୱାରା ଏକ ବଡ଼ ମାହୋଲ ତିଆରି କରିବାରେ ଦଳ ସଫଳ ହୋଇଥିଲା। ସେହିପରି ପୂର୍ବ ନିର୍ବାଚନ ବେଳେ ଖୋଦ ନବୀନଙ୍କ ମୁହଁରେ ଶୋଭା ପାଇଥିବା ଆପଣ ମାନେ ଖୁସି ତ ବାକ୍ୟଟି ମଧ୍ୟ ଅତି ଅଧିକ ଚର୍ଚ୍ଚା ହୋଇଥିଲା ।

ତେବେ ମୋରଡା ବିଜେଡି ବିଧାୟକ ରାଜକିଶୋର ଦାସ କହିଛନ୍ତି, "ନବୀନ ପଟ୍ଟନାୟକ ହେଉଛନ୍ତି ଆମର ନେତା ଏବଂ ବିଜୁ ଜନତା ଦଳର ଚିହ୍ନ ହେଉଛି ଶଙ୍ଖ ଚିହ୍ନ । ତେଣୁ ଶଙ୍ଖ ହେଉଛି ମୋର ଗର୍ବ । ଶଙ୍ଖ ଚିହ୍ନକୁ ଗାଁ ଗାଁରେ ଏବଂ ଘରେ ଘରେ ପହଞ୍ଚାଇବା ଆମର ଲକ୍ଷ୍ୟ । ସବୁ ଭୋଟର ଜାଣିବା ଦରକାର, ଶଙ୍ଖ ତାଙ୍କର ଚିହ୍ନ । ଆଗାମୀ ଦିନରେ ଶଙ୍ଖ ଚିହ୍ନ ହିଁ ନିର୍ବାଚନ ବୈତରଣୀ ପାର୍ ହେବ । ଏହି ବାର୍ତ୍ତା ସମସ୍ତଙ୍କ ପାଖରେ ପହଞ୍ଚାଇବାକୁ ଆମେ ଚେଷ୍ଟା କରୁଛୁ ।"

English summary

Hashtag Sankha Mo Garba is Trending on Twitter