ଅଟଳ ବିହାରୀ ବାଜପେୟୀଙ୍କ ନିକଟତମ ପୂର୍ବତନ ବିଜେପି ନେତା ଯଶବନ୍ତ ସିହ୍ନା ଟିଏମସିରେ ସାମିଲ
ଜେପି ଛାଡ଼ିଛନ୍ତି ଦଳର ପୂର୍ବତନ ଟାଣୁଆ ନେତା ଯଶବନ୍ତ ସିହ୍ନା । ଟିଏମସିରେ ସାମିଲ ।
କୋଲକାତା : ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଘୋଷଣା ପୂର୍ବରୁ ଦଳବଦଳ ରାଜନୀତି ଜୋର୍ ଧରିଛି । ଗତକିଛି ଦିନ ହେବ ତୃଣମୂଳ କଂଗ୍ରେସର ବହୁ ମନ୍ତ୍ରୀ, ବିଧାୟକ ଏବଂ କର୍ମୀ ଦିଦିଙ୍କ ହାତ ଛାଡ଼ି ବଜେପି ହାତ ଧରୁଥିବା ଖବର ଆସୁଛି । ଏହି ସମୟରେ ବଙ୍ଗଳା ରାଜନୀତିରେ ଦେଖିବାକୁ ମିଳିଛି ଆଉ ଏକ ମୋଡ଼ । ବହୁ ଟିଏମସି ନେତା ବିଜେପିରେ ସାମିଲ ହେଉଥିବା ବେଳେ ବିଜେପି ଛାଡ଼ିଛନ୍ତି ଦଳର ପୂର୍ବତନ ଟାଣୁଆ ନେତା ଯଶବନ୍ତ ସିହ୍ନା । ସେ ବିଜେପି ଛାଡ଼ି ଦିଦିଙ୍କ ସମର୍ଥନ ଦେବାକୁ ଘୋଷଣା କରିଛନ୍ତି । ଯଶୱନ୍ତ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତଃ ଅଟଳ ବିହାରୀ ବାଜପେୟୀଙ୍କ ନିକଟତମ ଲୋକ ଭାବେ ବେଶ୍ ଜଣାଶୁଣା । ସେ ମଧ୍ୟ ତାଙ୍କ ସରକାରରେ କେନ୍ଦ୍ର ମନ୍ତ୍ରୀ ଭାବରେ ଦୀର୍ଘ ସମୟ କାର୍ଯ୍ୟ କରିଥିଲେ ।
ନିକଟରେ ବଙ୍ଗଳା ନିର୍ବାଚନ ସମୟରେ ସେ ଟିଏମସିକୁ ସମର୍ଥନ କରିପାରନ୍ତି ବୋଲି ଖବର ଆସିଥିଲା । ଏହି ସମୟ ମଧ୍ୟରେ ସେ ଶନିବାର କୋଲକାତାରେ ଟିଏମସି କାର୍ଯ୍ୟାଳୟରେ ପହଞ୍ଚିଛନ୍ତି । ଏହି ସମୟରେ ତାଙ୍କୁ ସ୍ୱାଗତ କରାଯାଇଥିଲା । ସେ ଦଳର ସଦସ୍ୟତା ମଧ୍ୟ ନେଇଛନ୍ତି । ଏଭଳି ପରିସ୍ଥିତିରେ ସେ ଆସନ୍ତା ନିର୍ବାଚନ ପାଇଁ ବଙ୍ଗଳାରେ ଟିଏମସିକୁ ପ୍ରୋତ୍ସାହିତ କରିବେ ବୋଲି ଘୋଷଣା କରାଯାଇଛି ।
Click it and Unblock the Notifications
Sign in with Google