ସରକାରଙ୍କ 9 ହଜାର ସ୍କୁଲ ବନ୍ଦକୁ ବିଜେପିର ବିରୋଧ

ଭୁବନେଶ୍ୱର : ରାଜ୍ୟରେ 9 ହଜାର ସ୍କୁଲ ବନ୍ଦ ପାଇଁ ସରକାର ନେଇଥିବା ନିଷ୍ପତିକୁ ବିରୋଧ କରିଛି ରାଜ୍ୟ ବିଜେପି । ଏହି ନିଷ୍ପତି ଭୟଙ୍କର ବୋଲି କହିଛି ବିଜେପି । ପ୍ରତିବର୍ଷ 11 ଲକ୍ଷ ପିଲା ପ୍ରାଥମିକ ବିଦ୍ୟାଳୟରେ ନାଁ ଲେଖାଉଥିବା ବେଳେ 10ମ ଶ୍ରେଣୀ ପରୀକ୍ଷା ଦେଉଛନ୍ତି 5 ଲକ୍ଷ ଛାତ୍ରଛାତ୍ରୀ । ତେଣୁ 6 ଲକ୍ଷ ପିଲା ଅଧାରୁ ପାଠ ଛାଡୁଥିବା ଅଭିଯୋଗ କରିଛି ବିଜେପି ।

ସ୍କୁଲ ବନ୍ଦ ଯୋଗୁ ଅଧାରୁ ସ୍କୁଲ ଛାଡିବା ହାର 80 ପ୍ରତିଶତକୁ ପବୃଦ୍ଧି ପାଇବ ବୋଲି ଆଶଙ୍କା କରିଛି ଦଳ । ସ୍କୁଲ ବନ୍ଦ ନିଷ୍ପତିକୁ ପ୍ରତ୍ୟାହାର କରିବା ପାଇଁ ସରକାରଙ୍କୁ 15 ଦିନ ସମୟ ଦେଇଛି ଦଳ । ଯଦି ସରକାର ସଠିକ୍ ନିଷ୍ପତି ନ ନିଅନ୍ତି ତାହାଲେ ଆଗାମୀ ଦିନରେ ସମସ୍ତ ବିଇଓ ଏବଂ ଡିଇଓ କାର୍ଯ୍ୟାଳୟ ଆଗରେ ବିଜେପି ଧାରଣା ଦେବ ବୋଲି ଚେତାବନି ଦେଇଛି । ଆହୁରି ମଧ୍ୟ ସରକାରଙ୍କ ଏହି ନିଷ୍ପତିକୁ ନେଇ ଆଗାମୀ ଦିନରେ କୋର୍ଟର ଦ୍ୱାରସ୍ଥ ହେବ ବୋଲି ବିଜେପି କହିଛି ।

English summary

BJP Protest Government Decision on Closing School