ବିରୋଧୀ ଦଳ ନେତା ହେଲେ ଜୟ ନାରାୟଣ
ବିରୋଧୀ ଦଳ ନେତା ହେଲେ ବରିଷ୍ଠ ନେତା ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । ବିଧାନସଭାରେ ବିରୋଧୀ ଦଳ ନେତା ଘୋଷଣା ହୋଇଛି ।
ଭୁବନେଶ୍ବର: ବିରୋଧୀ ଦଳ ନେତା ହେଲେ ବରିଷ୍ଠ ନେତା ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । ବିଧାନସଭାରେ ଏନେଇ ଘୋଷଣା କରାଯାଇଛି । ବିଜେପି ପକ୍ଷରୁ ଏନେଇ ସାମ୍ବାଦିକ ସମ୍ମିଳନୀ କରାଯାଇ ସୂଚନା ଦିଆଯାଇଛି। ପ୍ରଦୀପ୍ତ ନାୟକଙ୍କ ସ୍ଥାନରେ ଜୟନାରାୟଣଙ୍କୁ ଦାୟିତ୍ବ ଦିଆଯାଇଛି ।
ଅସୁସ୍ଥତା କାରଣରୁ ବିଧାନ ସଭାରେ ଯୋଗ ଦେଇ ପାରୁନାହାଁନ୍ତି ପ୍ରଦୀପ । ଏଥିପାଇଁ ଦଳ ତାଙ୍କ ସ୍ଥାନରେ ଜୟନାରାୟଣଙ୍କୁ ଏହି ଗୁରୁ ଦାୟିତ୍ୱ ଦେଇଛନ୍ତି । ନୂଆ ଦାୟିତ୍ୱ ପରେ ଜୟ ନାରାୟଣ ରାଜ୍ୟ ବିଜେପି ନେତାଙ୍କୁ ଧନ୍ୟବାଦ ଦେବା ସହ ଏହାକୁ ନିଷ୍ଠାର ସହ ପୂରଣ କରିବି ବୋଲି କହିଛି ।
ସମ୍ବଲପୁରରରୁ ଚାରି ଚାରି ଥର ବିଧାୟକ ହୋଇଛନ୍ତି ଜୟନାରାୟଣ ମିଶ୍ର । 2004ରୁ 2009 ପର୍ଯ୍ୟନ୍ତ ନବୀନ ମେଣ୍ଟ ସରକାରରେ ବାଣିଜ୍ୟ ଓ ପରିବହନ ମନ୍ତ୍ରୀ ଥିଲେ । ପରେ 2014 ନିର୍ବାଚନରେ ବିଜେଡି ପ୍ରାର୍ଥୀନି ଡାକ୍ତର ରାଶେଶ୍ବରୀ ପାଣିଗ୍ରାହୀଙ୍କ ଠାରୁ ପରାଜିତ ହୋଇଥିଲେ ଜୟ ନାରାୟଣ ।
Click it and Unblock the Notifications
Sign in with Google