ଏଥର ଗ୍ରହ ନକ୍ଷତ୍ର ଦେଖି ଟିକେଟ୍ ଦେଉଛି ବିଜେପି

Updated: Wednesday, October 4, 2023, 11:47 [IST]

2023 Chhattisgarh Assembly Election: 2023 ଶେଷ ସୁଦ୍ଧା ଦେଶର ପାଞ୍ଚଟି ରାଜ୍ୟ ମଧ୍ୟପ୍ରଦେଶ, ଛତିଶଗଡ, ରାଜସ୍ଥାନ, ମିଜୋରାମ ଏବଂ ତେଲେଙ୍ଗାନାରେ ବିଧାନସଭା ନିର୍ବାଚନ ଅନୁଷ୍ଠିତ ହେବା ପାଇଁ ଯାଉଛି । ସମସ୍ତ ଦଳ ଜିତିବା ପାଇଁ ଚାହୁଁଛନ୍ତି । ବିଜୟ ପାଇଁ ଛତିଶଗଡରେ ବିଜେପି ୟୁପି ସୂତ୍ର ଆପଣାଇବା ପାଇଁ ଜାଉଛି ।

ସୂଚନା ରହିଛି ଯେ, ଏଥର ଛତିଶଗଡ଼ ବିଧାନସଭା ନିର୍ବାଚନରେ 2023 ରେ ହାରିବା ପରେ ବିଜେପି ପ୍ରାର୍ଥୀମାନେ ଭାଗ୍ୟକୁ ଅଭିଶାପ ଦେଇ ପାରିବେ ନାହିଁ, କାରଣ ଗ୍ରହ ଏବଂ ନକ୍ଷେତ୍ର ଦେଖିବା ପରେ ହିଁ ବିଜେପି ପ୍ରାର୍ଥୀଙ୍କୁ ଚୂଡ଼ାନ୍ତ କରାଯାଇଛି । ଯେଉଁ ନେତାଙ୍କ ଭାଗ୍ୟରେ ବିଜୟ ଲାଭ କରିବାର ଯୋଗ ରହିଛି ସେଇ ମାନଙ୍କୁ ହିଁ ଟିକେଟ୍ ଦିଆଯାଉଛି ।

ନିର୍ବାଚନରେ ଜଣେ ପ୍ରାର୍ଥୀଙ୍କ ବିଜୟର ସମ୍ଭାବନା ତାଙ୍କ କ୍ଷେତ୍ରରେ କାର୍ଯ୍ୟ, ପ୍ରତିଛବି, ଶିକ୍ଷାଗତ ଯୋଗ୍ୟତା, ଆଞ୍ଚଳିକ-ଜାତି ସମୀକରଣ, ବରିଷ୍ଠ ନେତାଙ୍କ ସହ ସମ୍ପର୍କ, ଅର୍ଥନୈତିକ ସ୍ଥିତି ଏବଂ ସାମାଜିକ ପ୍ରତିଷ୍ଠା ଉପରେ ନିର୍ଭର କରେ । ଏସବୁ ସତ୍ତ୍ୱେ, ଯେତେବେଳେ ଜଣେ ହାରିଯାଏ, ସେତେବେଳେ ସମସ୍ତ ନେତା କେବଳ ଗୋଟିଏ କଥା ହିଁ କହିଥାନ୍ତି ଯେ, ଭାଗ୍ୟରେ ବିଜୟ ଲେଖା ନଥିଲା । ତେଣୁ ବିଜେପି ବର୍ତ୍ତମାନ ପ୍ରାର୍ଥୀଙ୍କ ଗ୍ରହ ଏବଂ ନକ୍ଷତ୍ର ଉପରେ ମଧ୍ୟ ନଜର ରଖିଛି । ବର୍ତ୍ତମାନ ଛତିଶଗଡରେ କଂଗ୍ରେସ ସରକାର । 2023ରେ ଏଠାରେ ଜିତିବା ପାଇଁ ବିଜେପି ୟୁପି ସୂତ୍ର ଆପଣାଇବା ବୋଲି କୁହାଯାଉଛି । ଯେଉଁଥିରେ ପ୍ରାର୍ଥୀମାନଙ୍କ ଭାଗ୍ୟ ଦେଖି ତାଙ୍କୁ ଟିକେଟ୍ ଦିଆଯିବ କି ନାହିଁ ନିଷ୍ପତ୍ତି ନିଆଯାଉଛି ।

ଛତିଶଗଡ ବିଧାନସଭା ନିର୍ବାଚନ 2023ରେ ବିଜେପି ପ୍ରାର୍ଥୀଙ୍କ ନାମ ଚୂଡ଼ାନ୍ତ କରିବା ପୂର୍ବରୁ ପାର୍ଟି ଉତ୍ତରପ୍ରଦେଶର ବରିଷ୍ଠ ଜ୍ୟୋତିଷଙ୍କ ସାହାଯ୍ୟ ନେଇ ସେମାନଙ୍କର ରାଶିଫଳ ବିଶ୍ଳେଷଣ କରୁଛି । ଜ୍ୟୋତିଷ ନାମ ଫାଇନାଲ୍ କରିବା ପରେ କାହାକୁ ଟିକେଟ୍ ଦିଆଯିବ ସେ ନେଇ ନିଷ୍ପତ୍ତି ନିଆଯିବ । ଅନ୍ୟ ରାଜ୍ୟରେ ମଧ୍ୟ ଏହି ସୂତ୍ର ଗ୍ରହଣ କରାଯାଇପାରେ ବୋଲି ଖବର ରହିଛି ।

ରିପୋର୍ଟ ଅନୁସାରେ, ଛତିଶଗଡରେ ବ୍ୟତୀତ ଓଡ଼ିଶା, ଗୁଜୁରାଟ, ବିହାର, ହରିୟାଣା ଏବଂ ଆସାମର ବିଧାୟକମାନଙ୍କ ନକ୍ଷେତ୍ର ଉପରେ ନଜର ରଖାଯାଇଛି । ବିଜେପି 21 ଜଣ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ଦ୍ୱିତୀୟ ତାଲିକାରେ 56 ନାମ ଚୂଡାନ୍ତ ହୋଇଛି ହେଲେ ତାଲିକା ଏପର୍ଯ୍ୟନ୍ତ ପ୍ରକାଶ ପାଇନାହିଁ। ଦିନେ କିମ୍ବା ଦୁଇ ଦିନ ମଧ୍ୟରେ ପ୍ରକାଶ ପାଇବ ବୋଲି ଆଶା କରାଯାଉଛି ।