Lok Sabha Election 2024: ପଞ୍ଜାବରେ ବିଜେପି-ଅକାଳି ଦଳ ମଧ୍ୟରେ ହୋଇପାରେ ମେଣ୍ଟ !

Updated: Wednesday, March 20, 2024, 10:44 [IST]

Lok Sabha Election 2024: ଲୋକସଭା ନିର୍ବାଚନ ତାରିଖ ଘୋଷଣା ପରେ ପଞ୍ଜାବର ରାଜନୀତି ହୋଇଛି ସରଗରମ । ପୂର୍ବରୁ ଆମ୍ ଆଦମୀ ପାର୍ଟି ସ୍ପଷ୍ଟ କରିସାରିଛି ଯେ ଏହା ସମସ୍ତ ୧୩ଟି ଆସନରେ ଏକାକୀ ନିର୍ବାଚନ ଲଢିବ । ଯାହା ପରେ ବର୍ତ୍ତମାନ ବିଜେପି ଏବଂ ଶିରୋମଣି ଅକାଳୀ ଦଳ ମଧ୍ୟରେ ମେଣ୍ଟକୁ ଚର୍ଚ୍ଚା ଆରମ୍ଭ ହୋଇଯାଇଛି ।

୧ ଜୁନ୍ ୨୦୨୪ରେ ପଞ୍ଜାବର ସମସ୍ତ ୧୩ଟି ଲୋକସଭା ଆସନରେ ମତଦାନ ହେବ । ଇଣ୍ଡିଆ ଟୁଡେ ରିପୋର୍ଟ ଅନୁସାରେ, ବରିଷ୍ଠ ବିଜେପି ନେତା ତଥା ଦଳର ମୁଖପାତ୍ର ଏସ.ଏସ୍ ଚନ୍ନି କହିଛନ୍ତି ଯେ ପଞ୍ଜାବରେ ଦୁଇ ଦଳ ମଧ୍ୟରେ ଆଲୋଚନା ଜାରି ରହିଛି । ହେଲେ ଏଥିପାଇଁ କିଛି ସମୟ ଲାଗିବା । ଯାହା ପରେ ପଞ୍ଜାବ ରାନୈତୀକ ମାହୋଲରେ ଚର୍ଚ୍ଚା ଆରମ୍ଭ ହୋଇଯାଇଛି ।

ରିପୋର୍ଟ ଅନୁସାରେ ୨୨ ମାର୍ଚ୍ଚ ୨୦୨୪ରେ ଅକାଳୀ ଦଳର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବା ପାଇଁ ଯାଉଛି । ଯାହା ପରେ ବିଜେପି ଏବଂ ଶିରୋମଣି ଅକାଳୀ ଦଳ ମଧ୍ୟରେ ଏକ ବୈଠକ ବସିବ । ଏହା ପରେ ମେଣ୍ଟକୁ ନେଇ ସ୍ପଷ୍ଟ ସୂଚନା ମିଳିବାର ଆଶଙ୍କା ରହିଛି । ଶିରୋମାନି ଅକାଳୀ ଦଳ (SAD) ର ମୂଳ କମିଟି ବୈଠକ ଚଣ୍ଡିଗଡ଼ରେ ଅନୁଷ୍ଠିତ ହେବ । ବୈଠକରେ ବରିଷ୍ଠ ଅକାଳୀ ଦଳର ନେତା ତଥା ଦଳର ସାଧାରଣ ସମ୍ପାଦକ ଦଲଜିତ ସିଂ ଖେମା ମଧ୍ୟ ନିଶ୍ଚିତ କରିଛନ୍ତି ଯେ ନିର୍ବାଚନ ମିଳିତ ମଞ୍ଚ ସମେତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରାଯିବ।

ମିଳିତ ମଞ୍ଚର ସମ୍ଭାବନାକୁ ସୂଚାଇ ଦଲଜିତ ସିଂ ଖେମା କହିଛନ୍ତି ଯେ ଯେତେବେଳେ ବି କୋର କମିଟି ବୈଠକ ହୁଏ, ସବୁ ପ୍ରସଙ୍ଗରେ ବିସ୍ତୃତ ଭାବରେ ଆଲୋଚନା କରାଯାଇଥାଏ। ରାଜନିତୀ ସହିତ ଦେଶ ଏବଂ ପଞ୍ଜାବର ସ୍ଥିତି ଉପରେ ମଧ୍ୟ ଆଲୋଚନା କରାଯିବ।