ନୂପୁର ଶର୍ମାଙ୍କ ପ୍ରୋଫାଇଲ ଦେଖି ମାଡ ଖାଇଲେ ଯୁବକ, ହସ୍ପିଟାଲରେ ଭର୍ତ୍ତି

ନୂପୁର ଶର୍ମାଙ୍କ ପ୍ରୋଫାଇଲ ଦେଖିବା ପଡିଲା ମହଙ୍ଗା। ଏନେଇ ବିହାରର ଜଣେ ଯୁବକଙ୍କୁ ଛୁରୀରେ ଆକ୍ରମଣ କରାଯାଇଛି । ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।

Published: Tuesday, July 19, 2022, 14:54 [IST]

ପାଟନା: ନୂପୁର ଶର୍ମାଙ୍କ ପ୍ରୋଫାଇଲ ଦେଖିବା ପଡିଲା ମହଙ୍ଗା। ଏନେଇ ବିହାରର ଜଣେ ଯୁବକଙ୍କୁ ଛୁରୀରେ ଆକ୍ରମଣ କରାଯାଇଛି । ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ନୂପୁର ଶର୍ମାଙ୍କ ପ୍ରଫେଟ ମହମ୍ମଦ ବିରୋଧି ମନ୍ତବ୍ୟକୁ ସମର୍ଥନ କରି ହତ୍ୟାକାଣ୍ଡ ଆଦି ଘଟିଛି । ଉଦୟପୁରରେ ଦରଜୀଙ୍କୁ ଗଳାକାଟି ନିର୍ମମ ହତ୍ୟା ଏବଂ ମହାରାଷ୍ଟ୍ରରେ ଔଷଧ ଦୋକାନୀ ହତ୍ୟା ଘଟଣା ଚାରିଆଡେ ଭୟ ସୃଷ୍ଟି କରିଥିଲା। ଏହାପରେ ବର୍ତ୍ତମାନ ବିହାରର ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ଆହତ ଯୁବକ ହେଉଛନ୍ତି ବିହାରର ଅଙ୍କିତ ଝା । ତାଙ୍କ ଅଭିଯୋଗ ଅନୁଯାୟୀ, "ସେ ରାସ୍ତାକଡ ଏକ ଠେଲା ଦୋକାନରେ ବସି ମୋବାଇଲରେ ନୂପୁର ଶର୍ମାଙ୍କ ଷ୍ଟାଟସ୍ ଦେଖୁଥିଲେ । ଏହି ସମୟରେ କିଛି ଲୋକେ ସେ ନୂପୁର ଶର୍ମାଙ୍କ ସମର୍ଥକ ବୋଲି ତାଙ୍କୁ ପଚାରିଥିଲେ । ଏନେଇ ଯୁବକ କହିଥିଲେ ଯେ, ସେ ହିନ୍ଦୁ ଏବଂ ନୂପୁର ଶର୍ମାଙ୍କୁ ସମର୍ଥନ କରୁଛନ୍ତି । ଏହାପରେ ସେହି ଲୋକମାନେ ହଠାତ୍ ଏକ ଛୁରୀରେ ତାଙ୍କୁ ମରଣାନ୍ତକ ଆକ୍ରମଣ କରିଥିଲେ ।''

ପରବର୍ତ୍ତୀ ସମୟରେ ତାଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ବର୍ତ୍ତମାନ ତାଙ୍କର ଚିକିତ୍ସା ଚାଲିଛି । ଏହାକୁ ନେଇ ଚର୍ଚ୍ଚା ଜୋର ଧରିଛି ।

Published On July 19, 2022