ବିହାର ନିର୍ବାଚନ : ଜଟିଳ ହେଉଛି ଅଙ୍କ, ଅଧରାତିରେ ନେଇପାରେ ନିର୍ଣ୍ଣାୟକ ମୋଡ
ବିହାରରେ ଜଟିଳ ହେଉଛି ଅଙ୍କ
ବିହାର : ସମୟ ଯେତିକି ବିତୁଛି ବିହାର ଭୋଟ ଗଣତିର ଅଙ୍କ ସେତିକି ଜଟିଳ ହେଉଛି । ଏବେ ବିହାରରେ 243 ଆସନରେ ଭୋଟ ଗଣତି ଚାଲିଥିବା ବେଳେ ଏନଡିଏ 119 ଓ ମହାମେଣ୍ଟ 116 ଆସନରେ ଆଗୁଆ ଅଛନ୍ତି । ସବୁଠାରୁ ବଡ କଥା ହେଉଛି କିଛି ସମୟ ବ୍ୟବଧାନରେ ମହାମେଣ୍ଟରର ପ୍ରତ୍ୟାବର୍ତ୍ତନ । ଅଧିକାଂଶ ସ୍ଥାନରେ ଏନଡିଏର ଆସନ କମୁଥିବା ବେଳେ ମହାମେଣ୍ଟର ଆସନ ବଢିଛି । ଆରମ୍ଭରୁ ଏନଡିଏ ଆଗରେ ରହିଥିଲା ହେଲେ ସମୟ ଗଡିବା ସହ ମହାମେଣ୍ଟର ପ୍ରତ୍ୟାବର୍ତ୍ତନ ଦେଖିବାକୁ ମିଳିଛି । 18ଟି ଆସନରେ ଏକ ହଜାରରୁ କମ୍ ଭୋଟ୍ ବ୍ୟବଧାନରେ ଲଢେଇ ହେଉଥିବା ନିର୍ବାଚନ ଆୟୋଗଙ୍କ ପକ୍ଷରୁ ସୂଚନା ମିଳିଛି।
କୋଭିଡ୍ ନିୟମ ଅନୁସାରେ ଭୋଟ୍ ଗଣତି ହେଉଥିବାରୁ ନିର୍ବାଚନ ଫଳାଫଳ ଆସିବା ବିଳମ୍ବ ହୋଇପାରେ ବୋଲି ମୁଖ୍ୟ ନିର୍ବାଚନ ଆୟୋଗ କହିଛନ୍ତି ।
ଏଜାବତ୍ 4.11 କୋଟି ଭୋଟରୁ 2.7 କୋଟି ଭୋଟ୍ ଗଣନା ହୋଇ ସାରିଲାଣି । ଏଥିସହ ସମୁଦାୟ 7ହଜାର 737 ରାଉଣ୍ଡରୁ 4ହଜାର 858 ରାଉଣ୍ଡ ଭୋଟ ଗଣନା ଶେଷ ହୋଇ ସାରିଥିବା ନିର୍ବାଚୟ ଆୟୋଗଙ୍କ ପକ୍ଷରୁ ସୂଚନା ଦିଆଯାଇଛି । ପାଖାପାଖି 119 ନିର୍ବାଚନ ମଣ୍ଡଳୀର ଅଧାରୁ ଅଧିକ ଆସନର ଭୋଟ୍ ଶେଷ ହୋଇ ସାରିଥିବା ଜଣାପଡିଛି । ସେହିପରି ଆରଜେଡିର ନେତା ତଥା ଲାଲୁଙ୍କ ପୁଅ ତେଜ ପ୍ରତାପ ଯାଦବ ନିର୍ବାଚନ ଜିତି ସାରିଥିବା ବେଳେ ତାଙ୍କ ଶଶୂର ଚନ୍ଦ୍ରୀକା ରାୟ ନିର୍ବାଚନାରେ ପରାସ୍ତ ହୋଇଛନ୍ତି ।
Click it and Unblock the Notifications
Sign in with Google