କଂଗ୍ରେସକୁ ବଡ଼ ଝଟକା: ଦଳ ଛାଡ଼ିଲେ ୨୭ରୁ ଅଧିକ ନେତା
କଂଗ୍ରେସକୁ ବଡ଼ ଝଟକା। ଦଳ ଛାଡିଲେ ଅନେକ କଂଗ୍ରେସ ନେତା । ଆଜି ଦଳର ପଦଯାତ୍ରା ପୂର୍ବରୁ ୨୭ରୁ ଅଧିକ କଂଗ୍ରେସ ନେତାମାନେ ଦଳ ଛାଡିଛନ୍ତି ।
ଭୁବନେଶ୍ୱର: କଂଗ୍ରେସକୁ ବଡ଼ ଝଟକା। ଦଳ ଛାଡିଲେ ଅନେକ କଂଗ୍ରେସ ନେତା । ଆଜି ଦଳର ପଦଯାତ୍ରା ପୂର୍ବରୁ ୨୭ରୁ ଅଧିକ କଂଗ୍ରେସ ନେତାମାନେ ଦଳ ଛାଡିଛନ୍ତି ।
ପୂର୍ବତନ ସାଂସଦ ରାଧାକାନ୍ତ ଦିଗଲ, ପୂର୍ବତନ ବିଧାୟକ ରବି ବେହେରା, ପିସିସିର ପୂର୍ବତନ ସମ୍ପାଦକ ତଥା ମୁଖପାତ୍ର ନିକୁଞ୍ଜ ପଶାୟତ, ପୂର୍ବତନ ମୁଖପାତ୍ର ଅଶୋକ ସାମଲ, ପିସିସିର ପୂର୍ବତନ ସାଧାରଣ ସମ୍ପାଦକ ବିଶ୍ୱଜିତ ଦାସ, ଜାତୀୟ ସଂଯୋଜକ ସୌମ୍ୟ ମିଶ୍ର , ରାଜ୍ୟ ଯୁବ କଂଗ୍ରେସ ସମ୍ପାଦକ ସଞ୍ଜୟ ବାରିକ, ଛାତ୍ର କଂଗ୍ରେସ ସାଧାରଣ ସମ୍ପାଦକ ଅକ୍ଷୟ ମଲ୍ଲ, ଛାତ୍ର କଂଗ୍ରେସ ସମ୍ପାଦକ ପ୍ରବୀଣ ବୋଦଲା ପ୍ରମୁଖ କଂଗ୍ରେସ ଛାଡ଼ଛନ୍ତି ।
ଦଳ ଛାଡିଥିବା ଅନେକ କଂଗ୍ରେସ ନେତା ମହମ୍ମଦ ମୋକିମଙ୍କ ସମର୍ଥକ । ମୋକିମଙ୍କୁ କଂଗ୍ରେସ ନୋଟିସ୍ କରିଥିବା ଘଟଣାକୁ ଏମାନେ ନିନ୍ଦା କରିଛନ୍ତି । ଏମାନେ ଅଭିଯୋଗ କରିଛନ୍ତି, ନିଜ ଭିତରେ ନିଜକୁ ଯୋଡି ପାରୁନି କଂଗ୍ରେସ । ଦଳୀୟ ସାଂଗଠନିକ ନେତା ଠିକ୍ ନାହାନ୍ତି ।
ଏମାନେ ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି, କଂଗ୍ରେସ ଦଳ ନୀତି ଆଦର୍ଶରୁ ବିଚ୍ୟୁତ ହୋଇଛି । ବର୍ତ୍ତମାନର ପିସିସି ସଭାପତି ଶରତ ପଟ୍ଟନାୟକ କିଛି ନ୍ୟସ୍ତସ୍ୱାର୍ଥ ଗୋଷ୍ଠୀ ଦ୍ୱାରା ପରିଚାଳିତ ହେଉଛନ୍ତି। ଶରତ ପଟ୍ଟନାୟକ ଦୀର୍ଘ ଦିନ ହେବ ସଂଗଠନ ସହିତ ସକ୍ରିୟ ଭାବେ ଜଡିତ ନ ଥିଲେ। ତେଣୁ ଏବେ ସେ ସଠିକ ଢଙ୍ଗରେ କାର୍ଯ୍ୟ କରି ପାରୁନାହାନ୍ତି ବୋଲି ପିସିସିର ପୂର୍ବତନ ମୁଖପାତ୍ର ଅଶୋକ ସାମଲ କହିଛନ୍ତି । ତେଣୁ ଦଳରେ ରହିବା ସମ୍ଭବ ହେଉନାହିଁ ।
Click it and Unblock the Notifications
Sign in with Google