ଚାଷୀ ଆନ୍ଦୋଳନ ନେଇ ଆଭିମୁଖ୍ୟ ସ୍ପଷ୍ଟ କଲା ବିଜେଡି : 'ଏମଏସପି ଦୁଇଗୁଣା ବୃଦ୍ଧି ସହ ସ୍ୱାମୀନାଥନ କମିଟି ସୁପାରିଶକୁ ଲାଗୁ କରାଯାଉ'

ଆସନ୍ତାକାଲି ହେବାକୁ ଥିବା ଚାଷୀ ଆନ୍ଦୋଳନ ନେଇ ନିଜ ଆଭିମୁଖ୍ୟ ସ୍ପଷ୍ଟ କରିଛି ବିଜେଡି ।

ଭୁବନେଶ୍ୱର : ଆସନ୍ତାକାଲି ହେବାକୁ ଥିବା ଚାଷୀ ଆନ୍ଦୋଳନ ନେଇ ନିଜ ଆଭିମୁଖ୍ୟ ସ୍ପଷ୍ଟ କରିଛି ବିଜେଡି । ଏନେଇ ଆଜି ପ୍ରତିକ୍ରିୟା ରଖିଛନ୍ତି ଦଳର ମୁଖପାତ୍ର ତଥା ରାଜ୍ୟସଭା ସାଂସଦ ସସ୍ମିତ ପାତ୍ର । ଚାଷୀଙ୍କ ସହ ସବୁବେଳେ ବିଜେଡି ଛିଡା ହୋଇଛି । ଏବେ ରାଜରାସ୍ତାରେ ଆନ୍ଦୋଳନ କରୁଥିବା ଚାଷୀଙ୍କ ପାଇଁ ସରକାରଙ୍କ ଚିନ୍ତା ରହିଛି ।

କେନ୍ଦ୍ର ସରକାର ଚାଷୀଙ୍କ ଦ୍ୱନ୍ଦ ଦୂର କରନ୍ତୁ ବୋଲି କହିଛନ୍ତି ସସ୍ମିତ । ଚାଷୀଙ୍କ ଦୁଇଗୁଣା ଏମଏସପି ମିଳିବା ସହ ସ୍ୱାମୀନାଥନ କମିଟି ସୁପାରିଶକୁ ଲାଗୁ କରିବା ପାଇଁ ଦାବି କରିଛି ବିଜେଡି । ଆସନ୍ତା 9 ତାରିଖରେ ହେବାକୁ ଥିବା କେନ୍ଦ୍ର ସରକାର ଓ ଚାଷୀଙ୍କ ମଧ୍ୟରେ ଆଲୋଚନାକୁ ଅପେକ୍ଷା କରାଯାଇଥିବା କହିଛନ୍ତି ସସ୍ମିତ ପାତ୍ର ।
ଏଠାରେ ସୂଚନାଥାଉକି, ନୂଆ ଚାଷୀ ଆଇନକୁ ବିରୋଧ କରି ସାରା ଦେଶରେ ଚାଷୀମାନଙ୍କ ମଧ୍ୟରେ ଆନ୍ଦୋଳନ ଜୋରଦାର୍ ହୋଇଛି । ଚାଷୀମାନେ ଆସନ୍ତା 8 ତାରିଖରେ ଭାରତ ବନ୍ଦ ଡାକରା ଦେଇଛି । ଓଡ଼ିଶାରେ କଂଗ୍ରେସ ଓ ଆପ୍ ଏହି ଆନ୍ଦୋଳନକୁ ସମର୍ଥନ କରୁଛି । ସେହିପରି ଚାଷୀ ଆନ୍ଦୋଳନକୁ ସମର୍ଥନ ନେଇ ମୁଖ୍ୟମନ୍ତ୍ରୀ ନିଷ୍ପତି ନେବେ ବୋଲି ସକାଳେ ବିଜେଡି ବିଧାୟକ ଦେବୀ ମିଶ୍ର କହିଥିଲେ ।

English summary

BHarat Band BJD Statement on Farmers Protest