ନିର୍ବାଚନ ପୂର୍ବରୁ ହିଂସାକାଣ୍ତ :କଂଗ୍ରେସ କର୍ମକର୍ତ୍ତାଙ୍କର ହତ୍ୟା, TMC ନେତା ଗିରଫ

Updated: Saturday, June 10, 2023, 20:08 [IST]

West Bengal Panchayat Election:ନିର୍ବାଚନ ପୂର୍ବରୁ ହିଂସାକାଣ୍ତ । ୮ ଜୁଲାଇରେ ପଶ୍ଚିମବଙ୍ଗରେ ଅନୁଷ୍ଠିତ ହେବା ପାଇଁ ଯାଉଛି ପଞ୍ଚାୟତ ନିର୍ବାଚନ । ନାମାଙ୍କନପତ୍ର ଦାଖଲ କରିବାର ପ୍ରଥମ ଦିନରେ ବିଭିନ୍ନ ସ୍ଥାନରେ ଉତ୍ତେଜନା ସୃଷ୍ଟି ହୋଇଥିଲା । ଏହା ପରେ ମଧ୍ୟ କିଛି ରାଜନୈତିକ ଦଳ କର୍ମୀଙ୍କ ମଧ୍ୟରେ ସଂଘର୍ଷ ବନ୍ଦ ହେବାର ନା ହେଉ ନାହିଁ ।

ଶନିବାର ଦିନ ମୁର୍ସିଦାବାଦରେ ଟିଏମସି, ସିପିଏମ୍ ଏବଂ କଂଗ୍ରେସ କର୍ମୀଙ୍କ ମଧ୍ୟରେ ସଂଘର୍ଷ ଜାରି ରହିଛି । ପଞ୍ଚାୟତ ନିର୍ବାଚନ ସମୟରେ ମୁର୍ସିଦାବାଦର ଡୋମକାଲରେ କଂଗ୍ରେସ ଏବଂ ଏହାର ସହଯୋଗୀ ସିପିଏମ୍ କର୍ମୀମାନେ ଟିଏମସି କର୍ମଚାରୀଙ୍କ ଉପରେ ଆକ୍ରମଣ କରିଥିଲେ ।

ଏଠାରେ 45 ବର୍ଷୀୟ କଂଗ୍ରେସ କର୍ମୀ ଫୁଲଚାନ୍ଦ ଶେଖଙ୍କୁ ଗୁଳି କରି ହତ୍ୟା କରାଯାଇଥିଲା। କଂଗ୍ରେସ ଅଭିଯୋଗ କରିଛି ଯେ ଦଳର କର୍ମୀଙ୍କ ହତ୍ୟା ପଛରେ ଟିଏମସିର ହାତ ରହିଛି । ନାମାଙ୍କନପତ୍ର ଦାଖଲ କରିବାର ପ୍ରଥମ ଦିନରେ ଶେଖଙ୍କୁ ହତ୍ୟା କରାଯାଇଥିବାରୁ
ବିବାଦ ବଢିବାରେ ଲାଗିଛି ।

ଉତ୍ତେଜନା ମଧ୍ୟରେ ଡୋମକାଲର ସ୍ଥାନୀୟ ଟିଏମସି ନେତା ବଶିର ମଲ୍ଲିକଙ୍କ ନିକଟରୁ ଏକ ବନ୍ଧୁକ ଜବତ କରାଯିବା ସହ ତାଙ୍କୁ ଗରିଫ କରାଯାଇଛି । ରାଜ୍ୟ ନିର୍ବାଚନ ଆୟୋଗ ଏହି ପ୍ରସଙ୍ଗରେ ମୁର୍ସିଦାବାଦ ଜିଲ୍ଲା ପ୍ରଶାସନ ପକ୍ଷରୁ ବିସ୍ତୃତ ରିପୋର୍ଟ ମାଗିଛନ୍ତି। ପୋଲିସ ଦେଇଥିବା ସୂଚନା ଅନୁସାରେ ଏହି ମାମଲାର ତଦନ୍ତ ଚାଲିଛି ଏବଂ ଦୁଇ ଜଣଙ୍କୁ ପଚରାଉଚରା କରାଯାଉଛି।