ଧାମନଗର ଓ ତିହିଡ଼ି ବ୍ଲକର ବିଡିଓଙ୍କ ବଦଳି, ଆଗକୁ ଅଛି ଧାମନଗର ଉପ ନିର୍ବାଚନ
ଧାମନଗର ଓ ତିହିଡ଼ି ବ୍ଲକର ବିଡିଓଙ୍କ ବଦଳି। ଆସନ୍ତା ନଭେମ୍ବର 3 ତାରିଖରେ ରହିଛି ଧାମନଗର ଉପ ନିର୍ବାଚନ।
ଭଦ୍ରକ: ବଦଳିଲେ ଧାମନଗର ଓ ତିହିଡ଼ି ବ୍ଲକର ବିଡିଓ। ଏନେଇ ସୂଚନା ଦେଇଛି ପଞ୍ଚାୟତରାଜ ବିଭାଗ । ଧାମନଗର ବିଡିଓ ଦୁର୍ଗାଚରଣ ମୁର୍ମୁ ଓ ତିହିଡ଼ି ବିଡିଓ ବସନ୍ତ କୁମାର ସାହାଣୀଙ୍କ ହୋଇଛି ବଦଳି। ବର୍ତ୍ତମାନ ଧାମ ନଗର ବିଡିଓ ଭାବେ କୋରାପୁଟ ଜିଲ୍ଲା ଲକ୍ଷ୍ମୀପୁର ତହସିଲଦାର ବନବିହାରୀ ଦିଣ୍ଡାଙ୍କୁ ଅବସ୍ଥାପିତ କରାଯାଇଥିବା ବେଳେ କଳାହାଣ୍ଡି ଜିଲ୍ଲା କେସିଙ୍ଗା ତହସିଲଦାର ଜ୍ୟୋତିର୍ମୟ କରଙ୍କୁ ତିହିଡି ବିଡିଓ ଭାବେ ନିଯୁକ୍ତ କରାଯାଇଛି ।
ଆସନ୍ତା 14 ତାରିଖ ଯାଏ ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ ହୋଇପାରିବ। ଜିଲ୍ଲାରେ ବିଡିଓଙ୍କ କାର୍ଯ୍ୟାଳୟରେ ଆସନ୍ତା 15 ତାରିଖରେ ନାମାଙ୍କନ ପତ୍ର ଯାଞ୍ଚ କରାଯିବ। ଏନଇେ ଅକ୍ଟୋବର 17 ତାରିଖ ହେଉଛି ନାମାଙ୍କନ ପ୍ରତ୍ୟାହାରର ଶେଷ ତାରିଖ। ନଭେମ୍ବର 3 ତାରିଖରେ ପୂର୍ବାହ୍ନ 7ଟାରୁ ସଂଧ୍ୟା 6ଟା ଯାଏ ଭୋଟ ଗ୍ରହଣ ହେବା ନେଇ ସ୍ଥିର କରାଯାଇଛି।
Click it and Unblock the Notifications
Sign in with Google