ପଶ୍ଚିମବଙ୍ଗ ନିର୍ବାଚନ 2021 : ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ଜାଣନ୍ତୁ କେଉଁ ସବୁ ହାଇପ୍ରୋଫାଇଲ୍ ନେତାଙ୍କ ଉପରେ ରହିବ ନଜର

Published: Thursday, April 1, 2021, 8:33 [IST]

ପଶ୍ଚିମବଙ୍ଗ : ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ପଶ୍ଚିମବଙ୍ଗର 30 ଟି ଆସନ ଏବଂ ଆସାମରେ 39 ଟି ଆସନରେ ଭୋଟ୍ ଗ୍ରହଣ ଆରମ୍ଭ ହୋଇଛି । ବଙ୍ଗଳାରେ 75 ଲକ୍ଷ ଭୋଟର 191 ପ୍ରାର୍ଥୀଙ୍କ ଭାଗ୍ୟ ସ୍ଥିର କରିବେ । କିନ୍ତୁ, ଏହି ପର୍ଯ୍ୟାୟରେ ସମସ୍ତଙ୍କ ଆଖି ହାଇ-ପ୍ରୋଫାଇଲ୍ ନନ୍ଦିଗ୍ରାମ ଆସନ ଉପରେ ରହିଛି, ଯେଉଁଠାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ତାଙ୍କ ପୂର୍ବତନ ସହାଯୋଗୀ ତଥା ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ବିରୋଧରେ ଲଢେଇ ହେଉଛି । ପୂର୍ବ ମେଦିନାପୁର ହେଉଛି ଶୁଭେନ୍ଦୁ ଅଧିକାରୀଙ୍କ ଘର ଜିଲ୍ଲା ଏବଂ ଏହି ଜିଲ୍ଲାରେ ନନ୍ଦିଗ୍ରାମ ସିଟ୍ ପଡେ ।
କୋଭିଡ -19 ନିର୍ଦ୍ଦେଶାବଳୀ ମଧ୍ୟରେ ମତଦାନ ଆରମ୍ଭ ହୋଇଛି । ପଶ୍ଚିମ ମେଦିନୀପୁରର 9 ଟି ଆସନ, ବାଙ୍କୁରାରେ 8 ଟି, ଦକ୍ଷିଣ 24 ପ୍ରଗନାରେ 4 ଟି ଏବଂ ପୂର୍ବ ମେଦିନାପୁରରେ 9 ଟି ଆସନରେ ଭୋଟ୍ ଦିଆଯିବ ।

ନିର୍ବାଚନ ଅଧିକାରୀ କହିଛନ୍ତି ଯେ ନିର୍ବାଚନ ଆୟୋଗ ସମସ୍ତ 10,620 ମତଦାନ କେନ୍ଦ୍ରକୁ ସମ୍ବେଦନଶୀଳ ବୋଲି ଘୋଷଣା କରିଛନ୍ତି ଏବଂ କେନ୍ଦ୍ରୀୟ ସୁରକ୍ଷା ବାହିନୀର ପ୍ରାୟ 651 ଟି କମ୍ପାନୀ ନିୟୋଜିତ ହୋଇଛନ୍ତି । ବଙ୍ଗଳାରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ସମୟରେ ଅନେକ ଚେହେରା ଉପରେ ନଜର ରହିବ ।
ବଙ୍ଗଳାର ମୁଖ୍ୟ ପ୍ରାର୍ଥୀ କିଏ ?
ନନ୍ଦିଗ୍ରାମ - ମୁଖ୍ୟମନ୍ତ୍ରୀ ମମତା ବାନାର୍ଜୀ ବନାମ ବିଜେପିର ଶୁଭେନ୍ଦୁ ଅଧିକାରୀ ଓ ସିପିଏମର ମୀନାକ୍ଷୀ ମୁଖାର୍ଜୀ
ଦେବରା - ବିଜେପିର ଭାରତୀ ଘୋଷ ବନାମ ଟିଏମସିର ହୁମାୟୁନ କବୀର
ବାଙ୍କୁରା- ଅଭିନେତ୍ରୀରୁ ଟିଏମସିର ପ୍ରାର୍ଥୀ ହୋଇଥିବା ସାୟନ୍ତିକା ବାନାର୍ଜୀ ବନାମ ବିଜେପି ନିଲାଦ୍ରି ଶେଖର ଦାନା
ଖଡଗପୁର ସଦର- ଅଭିନେତାରୁ ବିଜେପି ପ୍ରାର୍ଥୀ ହିରନ ଚାଟାର୍ଜୀ ବନାମ ଟିଏମସିର ପ୍ରଦୀପ ସାରକାର
ସବାଙ୍ଗ- ଟିଏମସିର ମାନସ ରଂଜନ ଭୁନିଆ ବନାମ ବିଜେପିର ଅମୂଲ୍ୟ ମୈତି
ମୋୟନା- କ୍ରିକେଟରୁ ବିଜେପି ପ୍ରାର୍ଥୀ ହୋଇଥିବା ଅଶୋକ ଦିଣ୍ଡା ବନାମ ଟିଏମସିର ସଂଗ୍ରାମ ଡୋଲାଇ
ଚଣ୍ଡିପୁର- ଟିଏମସିର ସୋହମ ଚକ୍ରବର୍ତ୍ତୀ ବନାମ ବିଜେପିର ପୁଲକ କାନ୍ତି ଗୁରିଆ

ଏହି ଦ୍ୱିତୀୟ ପର୍ଯ୍ୟାୟରେ ଟିଏମସି ଓ ବିଜେପି ସମସ୍ତ 30 ଟି ଆସନରେ ନିର୍ବାଚନ ଲଢୁଛନ୍ତି । ସେହିପରି ସଂଯୁକ୍ତ ମୋର୍ଚ୍ଚାରେ ସାମିଲ କଂଗ୍ରେସ 13ଟି ଆସନରେ ଏବଂ ଆଇଏସଏଫ୍ ଦୁଇଟି ଆସନରେ ନିର୍ବାଚନ ଲଢୁଛି ।

Published On April 1, 2021