ଦିଲ୍ଲୀରେ ଅମିତା ଶାହଙ୍କ ଭେଟିବା ପରେ ବଢିଲା ରାଜ ଠାକରେଙ୍କ ଡିମାଣ୍ତ, NCP ଦେଲା ଏହି ଅଫର୍

Updated: Tuesday, March 19, 2024, 20:37 [IST]

Lok Sabha Election 2024: ଲୋକସଭା ନିର୍ବାଚନ ୨୦୨୪ ନିର୍ବାଚନ ତାରିଖ ଘୋଷଣା ହେବା ପରେ ମହାରାଷ୍ଟ୍ରରେ ପୁଣି ବଢି ଯାଇଛି ରାଜ ଠାକରେଙ୍କ ଡିମାଣ୍ତ । ମହାରାଷ୍ଟ୍ରରେ ବିଜେପି ସରକରା ରାଜ ଠାକରେଙ୍କୁ MNSକୁ ମେଣ୍ଟର ଅଫର୍ ଦେଇଛି । ମଙ୍ଗଳବାର ଦିନ ବିଜେପି ଆମନ୍ତ୍ରଣ କ୍ରମେ ରାଜ ଠାକରେ ଅମିତ ଶାହାଙ୍କୁ ଭେଟିବାକୁ ପହଞ୍ଚିଥିଲେ । ଯାହା ପରେ ଏନସିପି ନେତା ସୁପ୍ରିୟା ସୁଲେ ରାଜ ଠାକରେଙ୍କୁ ଇଣ୍ଡିଆ ମେଣ୍ଟରେ ସାମିଲ ହେବାର ଅଫର୍ ଦେଇଛନ୍ତି ।

ସେ ରାଜଠାକରେଙ୍କୁ ସ୍ୱାଗତ କରି କହିଛନ୍ତି, ଯଦି ରାଜ ଠକରେ ଇଣ୍ଡିଆ ମେଣ୍ଟରେ ଯୋଗ ଦିଅନ୍ତି ତେବେ ତାଙ୍କୁ ଉଚିତ୍ ସମ୍ମାନ ଦିଆଯିବ । ଏହି ଖବର ଉପରେ ରାଜ ଠାକରେଙ୍କ ପକ୍ଷରୁ ବର୍ତ୍ତମାନ କୌଣସି ପ୍ରତିକ୍ରିୟ ପ୍ରକାଶ ପାଇ ନାହିଁ ।

ସୂଚନାଥାଉ ଯେ, MNS ମୁଖ୍ୟ ରାଜ ଠାକରେ କେନ୍ଦ୍ରମନ୍ତ୍ରୀ ଅମିତ ଶାହାଙ୍କୁ ଭେଟିବା ପାଇଁ ଦିଲ୍ଲୀରେ ପହଞ୍ଚିଥିଲେ । ଶାହାଙ୍କ ବାସଭବନରେ ସେ ତାଙ୍କୁ ଭେଟିଥିଲେ, ଏହି ସମୟରେ ବିନୋଦ ତାୱଡେ ମଧ୍ୟ ଉକ୍ତ ସ୍ଥାନରେ ଉପସ୍ଥିତ ଥିଲେ ।
ଲୋକ ସଭା ନିର୍ବାଚନ ତାରିଖ ଘୋଷଣା ପରେ ଏହି ଭେଟ ହୋଇଥିବାରୁ ଚର୍ଚ୍ଚା ହେଉଛି ଯେ, ରାଜ ଠାକରେ ଏନଡିଏରେ ଯୋଗ ଦେଇପାରନ୍ତି। ହେଲେ ଏନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳି ନାହିଁ ।

ତେବେ ଦିଲ୍ଲୀରେ ପହଞ୍ଚିବା ପରେ ରାଜ ଠାକରେ କହିଛନ୍ତି, ମୋର କାର୍ଯ୍ୟସୂଚୀ କ'ଣ ମୁଁ ଏପର୍ଯ୍ୟନ୍ତ ଜାଣି ନାହିଁ। ମୋତେ କେବଳ ଦିଲ୍ଲୀ ଆସିବାକୁ କୁହାଯାଇଥିଲା ଏବଂ ମୁଁ ଦିଲ୍ଲୀ ଆସିଥିଲି।