ରାଜନୀତିରେ ପାଦ ଦେଇପାରନ୍ତି ଅଭିଷେକ ବଚ୍ଚନ, ଏହି ଆସନରୁ ମିଳିପାରେ ଟିକେଟ୍
Lok Sabha Election 2024: ବଲିଉଡ ଅଭିନେତା ଅଭିଷେକ ବଚ୍ଚନ ରାଜନୀତିରେ ପାଦ ଦେଇପାରନ୍ତି । ଯାହାକୁ ନେଇ ବର୍ତ୍ତମାନ ରାଜନୈତିକ ସର୍କଲରେ ଚର୍ଚ୍ଚା ଆରମ୍ଭ ହୋଇଯାଇଛି । ଆଲୋଚନା ହେଉଛି ଯେ, ସମାଜବାଦୀ ପାର୍ଟି ତାଙ୍କୁ ମଧ୍ୟପ୍ରଦେଶର ଖଜୁରାହୋ ଲୋକସଭା ଆସନରୁ ଏଥର ଟିକେଟ ଦେଇପାରେ । ପୂ୍ର୍ବିରୁ ଭାରତୀୟ ଜନତା ପାର୍ଟି ଏହି ଆସନରୁ ରାଜ୍ୟ ସଭାପତି ଭି.ଡି ଶର୍ମାଙ୍କୁ ଟିକେଟ୍ ଦେଇସାରିଛି ।
ଭି.ଡି ଶର୍ମାଙ୍କୁ କଡ଼ା ଟକ୍କର ଦେବା ପାଇଁ ସମାଜବାଦୀ ପାର୍ଟି ତାଙ୍କ ବିପକ୍ଷରେ ଅଭିନେତା ଅଭିଷେକ ବଚ୍ଚନଙ୍କୁ ଟିକେଟ୍ ଦେଇପାରେ। ହେଲେ ଏପର୍ଯ୍ୟନ୍ତ ସମାଜବାଦୀ ପାର୍ଟି, ଅଖିଳେଶ ଯାଦବ କିମ୍ବା ବଚ୍ଚନ ପରିବାର ପକ୍ଷରୁ ଏନେଇ କୌଣସି ସ୍ପଷ୍ପ ସୂଚନା ଦିଆଯାଇ ନାହିଁ । ହେଲେ ଏହି ଆସନକୁ ଅଭିଷେକ ବଚ୍ଚନଙ୍କୁ ଟିକେଟ୍ ଦେବା ପାଇଁ ଅଖିଳେଶ ଯାଦବ ବିଚାର କରୁଥିବା ନେଇ ଚର୍ଚ୍ଚା ହେଉଛି ।
ଖଜୁରାହୋ ଆସନରୁ ଅଭିଷେକଙ୍କୁ ଟିକେଟ୍ ଦେଇ ସମାଜବାଡି ପାର୍ଟି ବିରୋଧୀ ଦଳର I.N.D.I. ସପକ୍ଷରେ ଏକ ପଜେଟିଭ୍ ବର୍ତ୍ତା ଦେବାକୁ ଚାହୁଁଛି । ବର୍ତ୍ତମାନର ରିପୋର୍ଟ ଅନୁସାରେ ବିଜେପି ପ୍ରାର୍ଥୀଙ୍କ ବିଜୟ ନିଶ୍ଚିତ ବୋଲି ବିବେଚନା କରାଯାଉଛି । ମଧ୍ୟପ୍ରଦେଶ ସହିତ ବଚ୍ଚନ ପରିବାରର ପୁରୁଣା ସମ୍ପର୍କ ରହିଛି। ସମାଜବାଡି ପାର୍ଟି ଏହାର ଫାଇଦା ଉଠାଇବା ପାଇଁ ନିଶ୍ଚୟ ଚେଷ୍ଟା କିରବ ବୋଲି ଆଲୋଚନା ହେଉଛି ।
ମଧ୍ୟପ୍ରଦେଶରେ କଂଗ୍ରେସ 28 ଟି ଆସନରେ ନିର୍ବାଚନ ଲଢିବ, ହେଲେ ଖଜୁରାହୋଙ୍କର ଏକମାତ୍ର ଆସନ ସମାଜବାଦୀ ପାର୍ଟି ପାଖରେ ରହିଛି । ବିଜେପି ଏଠାରେ ଥିବା ସମସ୍ତ 29 ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଛି ଏବଂ ରାଜ୍ୟର ସମସ୍ତ ଆସନରେ ବିଜେପି ପ୍ରାର୍ଥୀ ଜିତିବେ ବୋଲି ଭିଡି ଶର୍ମା ଦାବି କରିଛନ୍ତି । ଏପ୍ରିଲ୍ ୨୬ ତାରିଖରେ ଖଜୁରାହୋରେ ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ମତଦାନ ଅନୁଷ୍ଠିତ ହେବ।
Click it and Unblock the Notifications
Sign in with Google