ଆହୁରି ଦୁଇ ଦିନ ସିଝିବ ଓଡ଼ିଶା, 3-5 ଡିଗ୍ରୀ ବଢିବ ତାପମାତ୍ରା !
ଭୁବନେଶ୍ୱର: ସାରା ରାଜ୍ୟରେ ଲାଗିରହିଛି ଅସହ୍ୟ ତାତିର ପ୍ରକୋପ । ଗତ କିଛି ଦିନ ହେବ ପ୍ରବଳ ଖରାରେ ସିଝୁଛି ଓଡ଼ିଶା । ଏହି ସମୟରେ ହିଟୱେଭ୍ ଆହୁରି ଦୁଇ ଦିନ ଜାରି ରହିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଆଗାମୀ 2 ଦିନ ଯାଏଁ ରାଜ୍ୟର ଅନେକ ସ୍ଥାନରେ ଦିନ ତାପମାତ୍ରା ସ୍ୱାଭାବିକ ତାପମାତ୍ରା ଠାରୁ 3-5 ଡ଼ିଗ୍ରୀ ଯାଏଁ ଅଧିକ ରହିବାର ସମ୍ଭାବନା ରହିଛି ବୋଲି କହିଛି ପାଣିପାଗ ବିଭାଗ ।
ଆଜି (ଗୁରୁବାର) ରାଜ୍ୟର 25 ଟି ସହରରେ ତାପମାତ୍ରା 40 ଡିଗ୍ରୀ ତଥା ତା ଠାରୁ ଅଧିକ ରହିଛି । 'ବାରିପଦା' ଥିଲା ଆଜି ଦିନରେ ରାଜ୍ୟର ଉତ୍ତପ୍ତ ସହର । ଏଠାରେ ସର୍ବାଧିକ 43.5 ଡ଼ିଗ୍ରୀ ତାପମାତ୍ରୀ ରେକର୍ଡ କରାଯାଇଛି । ଏହା ବାଦ୍ 8 ଟି ସ୍ଥାନରେ ପାରଦ 42 ଡିଗ୍ରୀ ପାର୍ ହୋଇଛି ।
ଆଗାମୀ୨ ଦିନ ଯାଏଁ ରାଜ୍ୟର ଅନେକ ସ୍ଥାନରେ ଦିନ ତାପମାତ୍ରା ସ୍ୱାଭାବିକ ତାପମାତ୍ରା ଠାରୁ ୩ ରୁ ୫ ଡ଼ିଗ୍ରୀ ଯାଏଁ ରହିବାର ସମ୍ଭାବନା ରହିଛି
— Meteorological Centre, Bhubaneswar (@mcbbsr) April 13, 2023
ଅନୁଗୁଳ, ବୌଦ୍ଧ ଓ ସୋନପୁରର ସର୍ବୋଚ୍ଚ ତାପମାତ୍ରା 42.5 ଡିଗ୍ରୀ ଥିବା ବେଳେ ଟିଟିଲାଗଡ଼ରେ ଥିଲା 42.2 ଡିଗ୍ରୀ । ସେହିପରି ତାଳଚେର, ଭବାନୀପାଟଣା ଓ ବଲାଙ୍ଗିରରେ ପାରଦ 423 ଡିଗ୍ରୀ ଛୁଇଁଛି । ଚାନ୍ଦବାଲିରେ 41.3 ଡିଗ୍ରୀ, କଟକରେ 41.4 ଡିଗ୍ରୀ, ଝାରସୁଗୁଡ଼ାରେ 41.8 ଡିଗ୍ରୀ, ସମ୍ବଲପୁରରେ 41.6 ଡିଗ୍ରୀ, ସୁନ୍ଦରଗଡ଼, ଭଦ୍ରକ ଓ ରାଉରକେଲାରେ ତାପମାତ୍ରା 41 ଡିଗ୍ରୀ ରେକର୍ଡ କରାଯାଇଛି ।
ରାଜ୍ୟର ୨୫ ସହର ରେ ଦିନ ତାପମାତ୍ରା ୪୦ ଡ଼ିଗ୍ରୀ କିମ୍ବା ଅଧିକ ରେକର୍ଡ
୮ ସହର ରେ ୪୨ ଡ଼ିଗ୍ରୀ କିମ୍ବା ଅଧିକ ତାତି ରେକର୍ଡ pic.twitter.com/Xkjr2ZgDg0
— Meteorological Centre, Bhubaneswar (@mcbbsr) April 13, 2023
ରାଜଧାନୀରେ ତାପମାତ୍ରା 40.8 ଡିଗ୍ରୀ ରେକର୍ଡ ହୋଇଛି । ହିଟ୍ ୱେଭ ନେଇ 14 ତାରିଖ ପାଇଁ ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ସମ୍ବଲପୁର, ଦେବଗଡ଼, ଅନୁଗୁଳକୁ ୟେଲୋ ୱାର୍ଣ୍ଣିଂ ଦିଆଯାଇଛି । ସେହିଭଳି 15 ତାରିଖରେ ହିଟ୍ ୱେଭ୍ ନେଇ ଝାରସୁଗୁଡ଼ା, ସୁନ୍ଦରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, ସୋନପୁର ଓ ବୌଦ୍ଧ ଜିଲ୍ଲାକୁ ଆଲର୍ଟ ଜାରି କରିଛି ପାଣିପାଗ ବିଭାଗ । 16 ତାରିଖରୁ କିଛି ଜିଲ୍ଲାରେ ଘଡ଼ଘଡ଼ି ବର୍ଷା ସମ୍ଭାବନା ଥିବାରୁ ତାପମାତ୍ରା କିଛିଟା କମିବାର ସମ୍ଭାବନା ରହିଛି ।
Click it and Unblock the Notifications
Sign in with Google