ବନ୍ଧା ହେଲେ ଅବକାରୀ ଅଧୀକ୍ଷକ, ଆୟ ଠାରୁ ମିଳିଲା 208 ପ୍ରତିଶତ ଅଧିକ ସମ୍ପତ୍ତି

Updated: Saturday, November 25, 2023, 15:39 [IST]

ନବରଙ୍ଗପୁର: ବନ୍ଧା ହେଲେ ଅବକାରୀ ଅଧୀକ୍ଷକ । ନବରଙ୍ଗପୁର ଅବକାରୀ ଅଧୀକ୍ଷକ ଗଙ୍ଗା ପାଇକରାୟଙ୍ଗୁ ଗିରଫ କରିଛି ଭିଜିଲାନ୍ସ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଛି ।

ଭିଜିଲାନ୍ସ ରେଡ୍ ବେଳେ ଗଙ୍ଗା ପାଇକରାୟଙ୍କର ନିଜ ଆୟ ଠାରୁ 208 ପ୍ରତିଶତ ଅଧିକ ସମ୍ପତ୍ତି ମିଳିଛି । ଗଙ୍ଗାଙ୍କ ପତ୍ନୀଙ୍କ ନାଁରେ ବି ମାମଲା ରୁଜ୍ଜୁ ହୋଇଛି । ଗତକାଲି ଅବକାରୀ ଅଧୀକ୍ଷକ ଗଙ୍ଗା ପାଇକରାୟଙ୍କ ଘରେ ରେଡ୍ କରାଯାଇଥିଲା ।

ନବରଙ୍ଗପୁର ଓ ଜୟପୁର ସମେତ 4ଟି ସ୍ଥାନରେ ଚଢାଉ ଜାରି କରିଥିଲା ଭିଜିଲାନ୍ସ ବିଭାଗ । ଭିଜିଲାନ୍ସର 5ଜଣିଆ ଟିମ ଏହି ରେଡ୍ ରେ ସାମିଲ ହୋଇଥିଲେ । ସଂପୃକ୍ତ ଅଧିକାରୀଙ୍କ ଜୟପୁର ଫାୟାର ଷ୍ଟେସନ ନିକଟରେ ଥିବା 3 ମହଲା କୋଠା, ଜୟପୁରର ପ୍ରକାଶ ବିଦ୍ୟାଳୟ ନିକଟରେ ଥିବା ଜମି, ଜୟପୁର ହନଗୁଡାରେ ଥିବା ପାର୍କିଂ ସେଡ୍, ନବରଙ୍ଗପୁରରେ ଥିବା ଅଫିସ୍ ଚାମ୍ବର, ନବରଙ୍ଗପୁରର ଚାନୁରିଆ ଗୁଦା ଓ ସଦାଶିବ ମାର୍ଗରେ ଥିବା ଆବାସିକ ଭଡା ଘରେ ଚଢାଉ କରାଯାଇଥିଲା । ଆଜି ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଥିବା ସୂଚନା ମିଳିଛି ।