ଭିଜାଲାନ୍ସ ହାତରେ ବନ୍ଧା ହେଲେ ଲାଞ୍ଚୁଆ କିରାଣୀ, ପେନସନ୍ ଟଙ୍କା କରାଇବାକୁ ନେଉଥିଲେ ଲାଞ୍ଚ

Published: Thursday, November 16, 2023, 13:56 [IST]

ଯାଜପୁର: ଶିକ୍ଷକଙ୍କ ପେନସନ୍ ଟଙ୍କା କରାଇବାକୁ ଲାଞ୍ଚ ନେଇ ବନ୍ଧା ହେଲେ ଲାଞ୍ଚୁଆ କିରାଣୀ । ଲାଞ୍ଚ ନେଇ ବନ୍ଧା ହୋଇଛନ୍ତି ଯାଜପୁର ବ୍ଲକ ପୁରୁଷୋତ୍ତମପୁର ଉଚ୍ଚ ବିଦ୍ୟାଳୟର କିରାଣୀ ମହେଶ୍ୱର ସାମଲ ।

ଲାଞ୍ଚ ନେବା ବେଳେ ସିଧାସଳଖ ମାଡି ବସିଲା ଭିଜାଲାନ୍ସ । ପେନସନ ଟଙ୍କା କରାଇ ଦେବା ପାଇଁ ଜଣେ ଅବସର ପ୍ରାପ୍ତ ଶିକ୍ଷକଙ୍କ ଠାରୁ 4 ହଜାର ଟଙ୍କା ଲାଞ୍ଚ ନେଉଥିଲେ ।

ମିଳିଥିବା ସୂଚନା ଅନୁସାରେ, ପୁରୁଷୋତ୍ତମପୁର ଉଚ୍ଚ ବିଦ୍ୟାଳୟର ଅବସପ୍ରାପ୍ତ ଶିକ୍ଷକ ନିରଞ୍ଜନ ରାୟଙ୍କ ପେନସନ୍, ଗ୍ରାଚୁଟି ଆଦିର ସମସ୍ତ କାଗଜପତ୍ର କରାଇଦେବାକୁ କିରାଣୀ ମହେଶ୍ୱର 7000 ଟଙ୍କା ଲାଞ୍ଚ ମାଗିଥିଲେ । ଏ ନେଇ ଅବସପ୍ରାପ୍ତ ଶିକ୍ଷକ ଯାଜପୁର ଭିଜିଲାନ୍ସର ଦ୍ୱାରସ୍ଥ ହୋଇଥିଲେ। ଯାଜପୁର ଭିଜିଲାନ୍ସ ଡିଏସପି ଶୁଶିଲ ଏକାଙ୍କ ନେତୃତ୍ବରେ ଏକ ସ୍ଵତନ୍ତ୍ର ଟିମ ଗଠନ କରାଯାଇ କିରାଣୀଙ୍କୁ ଧରିବାକୁ କରାଯାଇଥିଲା ପ୍ଲାନ୍ ।

ପୂର୍ବ ଯୋଜନା ମୁତାବକ ନିରଞ୍ଜନଙ୍କ ଠାରୁ 4000 ଲାଞ୍ଚ ନେଉଥିବା ସମୟ ରେ କିରାଣୀ ମହେଶ୍ୱରଙ୍କୁ ମାଡ଼ି ବସିଥିଲା ଭିଜିଲାନ୍ସ । ମହେଶ୍ୱରଙ୍କୁ ଗିରଫ କରି ପଚରାଉଚରା କରିବା ସହ ତାଙ୍କ ଭଡ଼ାଘର ଏବଂ ବାସଭବନ ରେ ଭିଜିଲାନ୍ସ ପକ୍ଷରୁ ରେଡ ଜାରି ରହିଛି ।

Published On November 16, 2023