18 ରେ ପୁରୀରୁ ଗଡ଼ିବ ବନ୍ଦେ ଭାରତ ଏକ୍ସପ୍ରେସ୍, ଜାଣନ୍ତୁ ଏହାର ଭଡ଼ା ଓ ରହଣୀ ସ୍ଥଳ

ଭୁବନେଶ୍ୱର: ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ୍ ଶୁଭାରମ୍ଭ ତାରିଖରେ ପରିବର୍ତ୍ତନ ହୋଇଛି । ଆସନ୍ତା ମେ 18 ରେ ପୁରୀ ରୁ ହାୱଡ଼ା ଅଭିମୁଖେ ବନ୍ଦେ ଭାରତ ଏକ୍ସପ୍ରେସ୍ ର ଶୁଭାରମ୍ଭ ହେବ । ପୂର୍ବରୁ ଏହା ମେ 15 ରେ ହେବ ବୋଲି କୁହାଯାଇଥିଲା ।

ପୂର୍ବତନ ରେଳବାଇ ପକ୍ଷରି ଜାରି ହୋଇଥିବା ସୂଚନାରେ ଏହା ମେ 18 ମଧ୍ୟାହ୍ନ 12 ଟାରେ ରେ ଶୁଭାରମ୍ଭ ହେବ ବୋଲି କୁହାଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶାରେ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିବାର ସୂଚନା ଥିଲା । ତେବେ ପ୍ରଧାନମନ୍ତ୍ରୀ ଭିସି ଜରିଆରେ ଉଦଘାଟନ କରିବେ ନା ପୁରୀ ଆସିବେ ତାହା ଏଯାଏଁ ସ୍ପଷ୍ଟ ହୋଇ ନାହିଁ ।

ଏହା ପୂର୍ବରୁ ଅପ୍ରେଲ 28 ରେ ବନ୍ଦେ ଭାରତର ଟ୍ରାଏଲ୍ ରନ କରିଥିଲା । ସୂଚନା ଅନୁସାରେ, ବନ୍ଦେ ଭାରତ ଏକ୍ସପ୍ରେସ୍ ହାୱଡ଼ାରୁ ସକାଳ 5.50 ରେ ଛାଡ଼ି ପୁରୀରେ ଦିନ 11.50 ରେ ପହଞ୍ଚିବ । ସେହିଭଳି ପୁରୀରୁ ଦିନ 2 ଟାରୁ ବନ୍ଦେ ଭାରତ ଏକ୍ସପ୍ରେସ୍ ଛାଡ଼ି ହାୱଡ଼ାରେ ସନ୍ଧ୍ୟା 7.30 ରେ ପହଞ୍ଚିବ ।
ହାୱଡ଼ା - ପୁରୀ ବନ୍ଦେ ଭାରତ ଏକ୍ସପ୍ରେସ ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଯାଜପୁର କେନ୍ଦୁଝର ରୋଡ୍, ଭଦ୍ରକ, ବାଲେଶ୍ୱର ଓ ହଳଦିଆ ଷ୍ଟେସନରେ ରହଣି କରିପାରେ । ସେହିଭଳି ହାୱଡ଼ାରୁ ପୁରୀ ପାଇଁ ଭଡ଼ା 1590 ଟଙ୍କା ଚେୟାର କାର, 2815 ଟଙ୍କା ଏକଜୁକ୍ୟୁଟିଭ୍ କ୍ଲାସରେ କାଟରିଂ ସେବା ସହ ରହିବା ଆଶା କରାଯାଉଛି ।

English summary

Vande Bharat Express To Start From Puri On 18th May, know fare and stoppage