ଧାମନଗରରେ ବିରୋଧୀଙ୍କୁ 5-ଟି ଅଧ୍ୟକ୍ଷଙ୍କ ସିଧାସଳଖ ଟାର୍ଗେଟ୍, ନିର୍ବାଚନ ପରେ ନେତାଙ୍କ ଦେଖା ମିଳୁନି...
ଭଦ୍ରକ: ଭଦ୍ରକ ଗସ୍ତରେ 5-ଟି ଅଧ୍ୟକ୍ଷ ଭି କେ ପାଣ୍ଡିଆନ୍ । ଏହି ସମୟରେ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିବା ସହ ଲୋକଙ୍କ ସହ ଆଲୋଚନା କରିଛନ୍ତି । ଏପରିକି ସମସ୍ତ ସମସ୍ୟାର ସମାଧାନ ଖୁବ୍ ଶୀଘ୍ର ହେବା ନେଇ ପ୍ରତିଶ୍ରୁତି ଦେଇଛନ୍ତି ।
ଭଦ୍ରକର ବିଭିନ୍ନ ସ୍ଥାନରେ ବିକାଶମୂଳକ କାର୍ଯ୍ୟର ସମୀକ୍ଷା କରିବା ସହିତ ଧାମନଗର, ଅସୁରାଳିରେ ମଧ୍ୟ ସମୀକ୍ଷା କରିଥିଲେ । ସଭାରେ ସାଧାରଣ ଲୋକଙ୍କୁ ସମ୍ବୋଧନ କରି ବିରୋଧୀଙ୍କ ଉପରେ ବର୍ଷିଛନ୍ତି 5T ଅଧ୍ୟକ୍ଷ । ଓଡ଼ିଶାରେ ହେଉଥିବା ରୂପାନ୍ତୀକରଣକୁ କିଛି ଲୋକ ସହିପାରୁନାହାଁନ୍ତି ବୋଲି କହିଛନ୍ତି ପାଣ୍ଡିଆନ । ପ୍ରତ୍ୟେକ ପଞ୍ଚାୟତର ମନ୍ଦିର, ମସଜିଦ୍ ସହ ଅନ୍ୟ ସମସ୍ତ ରୂପାନ୍ତରିକରଣ କାମ ଦେଖି କିଛି ଲୋକଙ୍କ ନିଦ ହଜିଯାଇଛି । କେମିତି ନା କେମିତି ରୂପାନ୍ତରଣ କାମକୁ ବନ୍ଦ କରିବାକୁ ଚେଷ୍ଟା କରୁଛନ୍ତି । ଅପପ୍ରଚାର ସେମାନଙ୍କର ଏକମାତ୍ର ଅସ୍ତ୍ର । ମୁଖ୍ୟମନ୍ତ୍ରୀ ଭଲ କାମ କଲେ ସେମାନଙ୍କର ଅସୁବିଧା ହୋଇଯିବ, ସେଥିପାଇଁ ସେମାନେ ରୂପାନ୍ତରଣ ରୋକିବାକୁ ଦିନରାତି ଚେଷ୍ଟା କରୁଛନ୍ତି ।
ଏହା ସହ ଅସୁରାଳିରେ ବିରୋଧୀଙ୍କୁ ସିଧାସଳଖ ଟାର୍ଗେଟ୍ କରିଛନ୍ତି ପାଣ୍ଡିଆନ । ଧାମନଗର ଉପନିର୍ବାଚନ କଥା ଉଠାଇବା ସହ ବିରୋଧୀଙ୍କ ଉପରେ ବର୍ଷିଛନ୍ତି 5T ଅଧ୍ୟକ୍ଷ । ନାଁ ନ ନେଇ ନିର୍ବାଚନର ମଙ୍ଗ ଧରିଥିବା ନେତା ଓ ବିଜେପି ବିଧାୟକଙ୍କୁ ସିଧାସଳଖ ଟାର୍ଗେଟ୍ କରିଛନ୍ତି ।
2022 ଉପନିର୍ବାଚନ ପାଇଁ ମାସେ ଭିତରେ 5 ଥର ଆସିଥିବା ନେତାଙ୍କ ଏବେ ଆଉ ଦେଖା ମିଳୁନି । ଏପରିକି ଶହ ଶହ ଗାଁରେ ବୁଲି ହଜାର ହଜାର ଲୋକଙ୍କୁ ଭେଟିବା ସହ ବାଇକ୍, ଜିପ ଶୋଭାଯାତ୍ରା ସହ ପଦଯାତ୍ରାରେ ପ୍ରଚାର କରିଥିବା ନେତା ନିର୍ବାଚନ ଜିତିବା ପରେ ଧନ୍ୟବାଦ ଜଣାଇବାକୁ ବି ଆସିନାହାଁନ୍ତି । ନିର୍ବାଚନ ଜିତିବା ପରେ ଲୋକଙ୍କୁ ଭୁଲି ଯାଇଛନ୍ତି ନେତା । ଯାହା ପ୍ରତିଶ୍ରୁତି ଦେଇଥିଲେ ଗୋଟିଏ ବି ରଖିନାହାଁନ୍ତି । ଏହା ହେଉଛି ଭୋଟ୍ ରାଜନୀତି କରୁଥିବା ଲୋକଙ୍କ ପ୍ରକୃତ ଚେହେରା ବୋଲି କହିଛନ୍ତି ଭି କେ ପାଣ୍ଡିଆନ ।
ଭୋଟ୍ ପାଇଁ ଯେଉଁମାନେ ରାଜନୀତି କରିବେ, ସେମାନେ ଲୋକଙ୍କୁ ଭୁଲିଯିବେ । କିନ୍ତୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକଙ୍କ ମୁହଁରେ ହସ ଫୁଟାଇବା ପାଇଁ ଅଛନ୍ତି ବୋଲି କାର୍ତ୍ତିକ ପାଣ୍ଡିଆନ କହିଛନ୍ତି ।
Click it and Unblock the Notifications
Sign in with Google