ବାଘ-ପର୍ଯ୍ୟଟକ ମୁହାଁମୁହିଁ, ଶିମିଳିପାଳରେ ଦେଖିବାକୁ ମିଳିଲା ଏଭଳି ଚିତ୍ର

Published: Monday, February 12, 2024, 16:21 [IST]

ବାରିପଦା: ଶିମିଳିପାଳ ବୁଲିବାକୁ ଯାଇ ବାଘ ହାବୁଡ଼ରେ ପଡ଼ିଲେ ପର୍ଯ୍ୟଟକ । ସ୍ଥିତି ଏମିତି ଥିଲା ଯେ, ପର୍ଯ୍ୟଟକଙ୍କ ଗାଡ଼ି ଆଗରେ ରାସ୍ତା ଉପରେ ଶୋଇ ରହିଥିଲା ବାଘ । ଫଳରେ ପର୍ଯ୍ୟଟକ ଭୟଭୀତ ହୋଇଯାଇଥିଲେ ।

ଏଭଳି ଏକ ଦୃଶ୍ୟ ଶିମିଳିପାଳ ଅଭୟାରଣ୍ୟରେ ଦେଖିବାକୁ ମିଳିଛି । କିଛି ପର୍ଯ୍ୟଟକ ବାରିପଦାରୁ ଶିମଳିପାଳ ବୁଲିବାକୁ ଯାଇଥିଲେ । ତେବେ ଚହଲାଠାରୁ ପିଠାବଟା ଦେଇ ବାରିପଦା ଫେରୁଥିବା ବେଳେ ଏକ ବାଘ ରାସ୍ତାରେ ଶୋଇଥିବା ଦେଖିବାକୁ ମିଳିଥିଲା । ଏହା ପରେ ବାଘଟି କିଛି ସମୟ ପର୍ଯ୍ୟଟକଙ୍କ ଗାଡ଼ି ଆଗେ ଆଗେ ଚାଲିଥିଲା । ଏପରିକି ବାଘଟି ବାରହା ଶୀକାର କରିବାକୁ ଗୋଡ଼ାଉଥିବାର ମଧ୍ୟ ଦେଖିବାକୁ ପାଇଥିଲେ ପର୍ଯ୍ୟଟକ । ଏବେ ସୋସିଆଲ ମିଡିଆରେ ଏହି ଫଟୋ ଭାଇରାଲ ହେବାରେ ଲାଗିଛି ।

ତେବେ ବାଘଟି କାହାର କିଛି କ୍ଷତି କରିନାହିଁ। ପର୍ଯ୍ୟଟକମାନେ ମିଳିପାଳ ଅଭୟାରଣ୍ୟରୁ ସୁରକ୍ଷିତ ଭାବେ ଫେରିଛନ୍ତି । ଏହି ଦୃଶ୍ୟକୁ ଜଣେ ପର୍ଯ୍ୟଟକ ନିଜ କ୍ୟାମେରାରେ କଏଦ କରିଛନ୍ତି ।

Published On February 12, 2024